ZABURI 42
42
EBUKU YA KABERE
Ogosaba kw’omwoswa ore namaiga ase Enyomba y’Omonene
(Ogotera kwa basinto ba Kora)
1Buna koreng’ana engabi ekogania amache a rooche,
naboigo omoyo one okoganetie aye Nyasae.
2Omoyo one nigo ore nerang’o asore aye Nyasae ore moyo.
Ndiriri ndachiche ndore obosio bwao, aye Nyasae?
3Omobaso na obotuko nigo nkorera, na amariga abeire endagera yane;
botambe abanto nigo bakomboria, “Nyasae oo ng’ai are?”
4Nigo nkoumora ayare ase omoyo one ime, ekero nkoinyora amang’ana aetire,
buna narenge kogenda amo nomoganda bw’abanto gochia ase enyomba ya Nyasae,
nkaba ngotera nomogoko neriogi rinene na koiraneria ng’a mbuya mono
amo nabwo barenge koinyora na korenda Rituko Rinene.
5Aye omoyo one, nase ki kwabeire nomoichano?
Nase ki otari nobotoereru?
Semeria Nyasae!
Igo ninyare komotogia naende
ase ogotooreka gokorwa ase obosio bwaye.
6Nyasae one, enkoro yane yabeire nomoichano,
ase ayio, nakoinyoire ekero inde ase ense ya Yorodani,
na ase egetunwa kia Herimoni na ekia Misari.
7Endiba y’amache nigo ekorangeria endiba ende,
ekero amache ’ebieera akoeera;
chiooro chiao chionsi na emerindo yao biantubire.
8Ase omobaso Omonene nigo akong’a obwanchani bwaye botari koera,
na ase obotuko nigo nkomotogia namatera
na gosaba Nyasae oyore obogima bwane.
9Nigo ngotebia Nyasae ore egetare kiane,
“Nase ki aye kwanyebire?
Nase ki ngendererete korera
ngochandwa nababisa baane?”
10Ekero ababisa baane bagonchecheria,
nigo nkoigwa buna amauga aane akonyatia.
Nigo bagendererete kona‐komboria,
“Nyasae oo, ng’ai are?”
11Aye omoyo one, nase ki kwabeire nomoichano omonene?
Nase ki otari nobotoereru?
Semeria Nyasae!
Igo ninyare komotogia naende
ere oyore ogotooreka kwane, na Nyasae one.
Currently Selected:
ZABURI 42: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
