OMOBARO 30
30
Amachiko igoro y’okoria chiira na gotiana
1Musa agakwana nabatang’ani b’ebisaku bi’Abaisraeli, akabatebia, “Aya naro Omonene achikire: 2Ekero omonto akoria eira ase Omonene, gose agotiana ng’a netange korwa ase egento gete, tagosaria eira eria yaye. Goika akore na goikerania buna akwanete.
3“Ekero omoiseke otarasoka korwa ase omochie o ise akoria eira ase Omonene, gose gotiana ng’a netange korwa ase egento gete, 4na ise karaigwe igoro y’eira eria y’omoiseke oye, korende takwana ring’ana, eira eria negenderere kobao. Kera egento omoiseke oria akwanire goika ageikeranie. 5Korende onye ise ase rituko riria araigwe ring’ana igoro y’eira eria na tayianchera, omoiseke oria tagwenereti koyeikerania. Omonene naabere omoiseke oria, ekiagera ise nangete ng’a eira eria tekobao.
6“Omoiseke oria onye onyuomirwe nomosacha ritang’ani ataraikerania eira ariete, gose amang’ana akwanete ase ogotarengereria, 7goika aikeranie onsi. Aya nigo arakoreke onye omosacha oye ase rituko riria aigwete amang’ana ’eira eria agakira, takwana ring’ana rinde rionsi. 8Korende onye omosacha oye ase rituko riria araigwe amang’ana ’eira eria tayianchera, erio eira eria omokungu oyio ariete, na amang’ana aya akwanete atarengereretie buya, tagoikeranigwa, na Omonene naabere omokungu oyio.
9“Korende eira ende yonsi, gose amang’ana ande onsi omokungu omoboraka, gose oyotiganire nomosacha oye ariete, gose aya atianete, goika aikeranigwe.
10“Onye omokungu ore bwoye ase omosacha oye oriete eira, gose agatiana ng’a netange korwa ase egento gete, 11na omosacha oye oyaigure, korende takwana ring’ana rinde rionsi, gose komokania, omokungu oyio goika akore na goikerania kera egento akwanete. 12Korende onye omosacha oye okwanga eira yaye gose ogotiana kwaye, na kobikora bibe bosa ase rituko riria akoyaigwa, amang’ana omokungu oria akwanete tagoikeranigwa. Omonene naabere omokungu oria, ekiagera omosacha oye bwangire ng’a taikerania eira eria, gose ogotiana koria. 13Eira ende yonsi, gose ogotiana konde gwonsi kw’ogwetanga korwa ase egento gete, omokungu oria arakore, omosacha oye nabo aranyare koyianchera, gose kwanga. 14Korende onye omosacha oria okirete goika rituko ria kabere, takwanete ring’ana igoro y’ayio, rirorio nayiancherete, na omokungu oria goika aikeranie chiira chiaye chionsi ariete, gose ogotiana kwaye kw’ogwetanga korwa ase egento gete. Omosacha oye nayianchete, ekiagera takwanete gento kende ase rituko riria ayaigwete. 15Korende omosacha oria karasarie na kwanga amang’ana omokungu oye akwanete nyuma kayaigure, rirorio okomocha kw’ogotayaikerania nigo korabe igoro y’omosacha oria.”
16Eye nero emeroberio echikire, Omonene amoete Musa, yarenge koba ase egati y’omosacha na omokungu oye, na egati ya ise na omwana oye omoiseke otarasoka, ekero are ase omochie o ise.
Currently Selected:
OMOBARO 30: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
