ABALAWI 11
11
Ching’iti chiancheire koriegwa
(Okoir 14:3–21)
1Omonene agakwana na Musa na Haroni, akabatebia, 2“Kwana n’Abaisraeli, mobatebie: Ase ching’iti chire ase ense, echi nachio morarie chinyama chiabo: 3Eng’iti ende yonsi ebwate ebitaago biatananegete kegima, naende ekoria eng’ang’ura, nero morarie. 4Korende ase ching’iti chikoria eng’ang’ura gose chibwate ebitaago biatananegete timoria engamia, ekiagera nigo ekoria eng’angu’ra, korende tebwati ebitaago biatananegete; ase ayio techenegeti. 5Timoria egesengi, ekiagera nigo gekoria eng’ang’ura, korende tikebwati ebitaago biatananegete; ase ayio tigechenegeti. 6Timoria egesusu, ekiagera nigo gekoria eng’ang’ura, korende tikebwati ebitaago biatananegete; ase ayio tigechenegeti. 7Naende timoria embeche, ekiagera nigo ebwate ebitaago biatananegete kegima, korende teri koria eng’ang’ura; eyio techenegeti. 8Timoria chinyama chie ching’iti echio, gose timokuna emebere yabo ekwete, ekiagera echio tichichenegeti.”
9“Monyare koria chinswe chire ase chinyancha ne chindooche ime, echibwate chingondo chinga buna chimbaba, na amagoocho. 10Korende ebitongwa binde bionsi bire moyo ime ase chinyancha, gose ase chindooche, bigotaara bire amaicho bitabwati chingondo chinga buna chimbaba, na amagoocho, timobiria; ebio nokogechia asemore. 11Ebio nabigenderere koba okogechia asemore, chinyama chiabo timochiria, na echikwete ase echio timochiria, ekiagera echio nokogechia asemore. 12Kera egento kere ime ase chinyancha ne chindooche getabwati chingondo chinga buna chimbaba, na amagoocho, ekio nokogechia asemore.”
13“Nase chinyoni chirabe okogechia asemore motarie nachio echi: Ekeongo, na ensoti, na obotere; 14amakoru na ebisaku biamwabo; 15ebigonkoru na ebisaku biamwabo bionsi; 16esagero, na omoyaye, na enyakoboko, na ebisaku biamwabo; 17enyakweumia, na endubi, na ebarara; 18etibibi, na etekere, na ensoti; 19riagonga, na omoneke, na ebisaku biamwabo; enteema bobe na egetabora mato.”
20“Ebitongwa ebisinini bionsi bire moyo bire ne chimbaba na amagoro ane, ebio mbibe okogechia asemore. 21Korende ebitongwa ebio ebisinini bibwate chimbaba na amagoro ane inamorie ebio bigotaroka nebirenge. 22Ebisaku bionsi bie chingige, na ebi’amabururu, na ebisase, ebio nabio morarie. 23Korende ebinde bionsi ase ebitongwa ebio ebisinini bibwate chimbaba na amagoro ane, ebio mbibe okogechia asemore.”
24“Ase ebitongwa ebio nigo moresoyie ase ogotacheneka. Monto onde bwensi orakune ebikwete ase ebio nabe oyotachenegeti goika omogoroba oyio, 25na onde bwensi oraimokie egekwete korwa ase ebio nigo arasibie chianga chiaye, ere nabe oyotachenegeti goika omogoroba oyio. 26Kera eng’iti ebwate ebitaago, korende tibiatananegeti kegima, naende teri koria eng’ang’ura, eyio nebe eyetachenegeti asemore. Monto onde bwensi orakune ching’iti echio nabe oyotachenegeti. 27Ching’iti chiria chikogendera ebisonsogoro ase echio chibwate amagoro ane tichichenegeti asemore. Monto onde bwensi orakune echikwete ase echio nabe oyotachenegeti goika omogoroba oyio. 28Na monto onde bwensi oraimokie eyekwete ase echio nasibie chianga chiaye, nere nabe oyotachenegeti goika omogoroba oyio. Ching’iti echio nachibe chitachenegeti asemore.”
29“Ase ching’iti chinke chigoetanana ase ense, echio nchibe chitachenegeti asemore; Ekenyamunyonge, na embeba, na ekiigo ekenene, amo nebisaku biamwabo; 30ekiigo egeke, na eng’oina, na esagara, enke na enene, amo nenyambu. 31Ase ching’iti echio chinke echio nchibe chitachenegeti asemore. Monto onde bwensi orachikune ekero chiakure nabe oyotachenegeti goika omogoroba oyio. 32Ching’iti echio chiise kogwera egento kende gionsi ekero chiakure, egento ekio nakebe egetachenegeti, onye negento keroisirie korwa ase emete, gose gokerabe eanga, gose risankwa, gose esaro, gose egento kende gionsi kegokorerwa emeremo. Egento ekio kebekwe ime ase amache, naende kebe getachenegeti goika omogoroba oyio; erio nakebe giachenekire. 33Onye eyemo ye ching’iti echio ekogwera enyongo, gose gento kende keroisirie korwa ase amaroba, ekere ime yaye nakebe egetachenegeti, na egento ekio goika giatwe. 34Endagera ende yonsi ekoriegwa nebe eyetachenegeti onye amache akoumorwa korwa ase enyongo buna eyio akoyekuna, na ekenyugwa kende gionsi kere ime y’enyongo buna eyio nkebe getachenegeti. 35Gento kende gionsi keragwerwe neyemo ye ching’iti echio ekwete inakebe getachenegeti; onye ne riko rikoroisia emegati, gose neri’ endagera, erio riatwe, riabeire eritachenegeti asemore. 36Ensoko gose aase amache akogachwa nabigenderere koba ebichenegete, korende ebinto binde bionsi ebiaao biise gokuna ching’iti echio chikwete mbibe ebitachenegeti. 37Onye eng’iti eyemo y’echio ekwete keragwere embusuro egosimekwa, embusuro eyio negenderere koba echenegete. 38Korende onye embusuro eyio yainekirwe ase amache ime, na egwerwe neyemo ye ching’iti echio ekwete, rirorio nebe etachenegeti.”
39“Eng’iti ende yonsi yancheire koriegwa kerakwe, na omonto orayekune, rirorio omonto oyio nabe oyotachenegeti goika omogoroba oyio. 40Monto onde bwensi orarie enyama y’eng’iti eyio ekwete nasibie chianga chiaye, naende nabe oyotachenegeti goika omogoroba oyio, na onde bwensi oraimokie eng’iti eyio ekwete, nasibie chianga chiaye, ere nabe oyotachenegeti goika omogoroba oyio.” 41“Ebitongwa ebike bionsi bigoetanana ase ense nigo bire okogechia, tibiriegwa. 42Egetongwa kende gionsi egeke kegwekururera enda, gose gekogendera amagoro ane, gose amange, ase ebio bigoetanana ase ense, nigo bire okogechia, timobaisa kobiria. 43Timobaisa gwekora okogechia ase engencho y’ebitongwa ebio bigoetanana, gose gwesoyia ase ogotacheneka ase engencho ya birobio. Moise gokora igo, namobe abatachenegeti. 44Inche ninche Omonene, Nyasae oino; ase ayio mweatanane inwe abanyene, mobe abachenu, ekiagera inche nomochenu inde. Timobaisa gwesoyia ase ogotacheneka ase engencho y’egetongwa kende gionsi egeke ase ebio bigoetanana ase ense. 45Inche ninche Omonene, nabarusetie korwa ase ense ya Misiri imbe Nyasae oino. Ase ayio, mobe abachenu, ekiagera inche nomochenu inde.”
46Oko nakwo ogochika gotenenerete ching’iti ne chinyoni, na kera egetongwa kere moyo kegoetanana ase amache ime, na ebitongwa ebisinini bigoetanana ase ense, 47na igo momanye gwatanana ebichenegete korwa ase ebitachenegeti, ne ching’iti chire moyo chiancheire koriegwa korwa ase echitancheiri koriegwa.
Currently Selected:
ABALAWI 11: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 11
11
Ching’iti chiancheire koriegwa
(Okoir 14:3–21)
1Omonene agakwana na Musa na Haroni, akabatebia, 2“Kwana n’Abaisraeli, mobatebie: Ase ching’iti chire ase ense, echi nachio morarie chinyama chiabo: 3Eng’iti ende yonsi ebwate ebitaago biatananegete kegima, naende ekoria eng’ang’ura, nero morarie. 4Korende ase ching’iti chikoria eng’ang’ura gose chibwate ebitaago biatananegete timoria engamia, ekiagera nigo ekoria eng’angu’ra, korende tebwati ebitaago biatananegete; ase ayio techenegeti. 5Timoria egesengi, ekiagera nigo gekoria eng’ang’ura, korende tikebwati ebitaago biatananegete; ase ayio tigechenegeti. 6Timoria egesusu, ekiagera nigo gekoria eng’ang’ura, korende tikebwati ebitaago biatananegete; ase ayio tigechenegeti. 7Naende timoria embeche, ekiagera nigo ebwate ebitaago biatananegete kegima, korende teri koria eng’ang’ura; eyio techenegeti. 8Timoria chinyama chie ching’iti echio, gose timokuna emebere yabo ekwete, ekiagera echio tichichenegeti.”
9“Monyare koria chinswe chire ase chinyancha ne chindooche ime, echibwate chingondo chinga buna chimbaba, na amagoocho. 10Korende ebitongwa binde bionsi bire moyo ime ase chinyancha, gose ase chindooche, bigotaara bire amaicho bitabwati chingondo chinga buna chimbaba, na amagoocho, timobiria; ebio nokogechia asemore. 11Ebio nabigenderere koba okogechia asemore, chinyama chiabo timochiria, na echikwete ase echio timochiria, ekiagera echio nokogechia asemore. 12Kera egento kere ime ase chinyancha ne chindooche getabwati chingondo chinga buna chimbaba, na amagoocho, ekio nokogechia asemore.”
13“Nase chinyoni chirabe okogechia asemore motarie nachio echi: Ekeongo, na ensoti, na obotere; 14amakoru na ebisaku biamwabo; 15ebigonkoru na ebisaku biamwabo bionsi; 16esagero, na omoyaye, na enyakoboko, na ebisaku biamwabo; 17enyakweumia, na endubi, na ebarara; 18etibibi, na etekere, na ensoti; 19riagonga, na omoneke, na ebisaku biamwabo; enteema bobe na egetabora mato.”
20“Ebitongwa ebisinini bionsi bire moyo bire ne chimbaba na amagoro ane, ebio mbibe okogechia asemore. 21Korende ebitongwa ebio ebisinini bibwate chimbaba na amagoro ane inamorie ebio bigotaroka nebirenge. 22Ebisaku bionsi bie chingige, na ebi’amabururu, na ebisase, ebio nabio morarie. 23Korende ebinde bionsi ase ebitongwa ebio ebisinini bibwate chimbaba na amagoro ane, ebio mbibe okogechia asemore.”
24“Ase ebitongwa ebio nigo moresoyie ase ogotacheneka. Monto onde bwensi orakune ebikwete ase ebio nabe oyotachenegeti goika omogoroba oyio, 25na onde bwensi oraimokie egekwete korwa ase ebio nigo arasibie chianga chiaye, ere nabe oyotachenegeti goika omogoroba oyio. 26Kera eng’iti ebwate ebitaago, korende tibiatananegeti kegima, naende teri koria eng’ang’ura, eyio nebe eyetachenegeti asemore. Monto onde bwensi orakune ching’iti echio nabe oyotachenegeti. 27Ching’iti chiria chikogendera ebisonsogoro ase echio chibwate amagoro ane tichichenegeti asemore. Monto onde bwensi orakune echikwete ase echio nabe oyotachenegeti goika omogoroba oyio. 28Na monto onde bwensi oraimokie eyekwete ase echio nasibie chianga chiaye, nere nabe oyotachenegeti goika omogoroba oyio. Ching’iti echio nachibe chitachenegeti asemore.”
29“Ase ching’iti chinke chigoetanana ase ense, echio nchibe chitachenegeti asemore; Ekenyamunyonge, na embeba, na ekiigo ekenene, amo nebisaku biamwabo; 30ekiigo egeke, na eng’oina, na esagara, enke na enene, amo nenyambu. 31Ase ching’iti echio chinke echio nchibe chitachenegeti asemore. Monto onde bwensi orachikune ekero chiakure nabe oyotachenegeti goika omogoroba oyio. 32Ching’iti echio chiise kogwera egento kende gionsi ekero chiakure, egento ekio nakebe egetachenegeti, onye negento keroisirie korwa ase emete, gose gokerabe eanga, gose risankwa, gose esaro, gose egento kende gionsi kegokorerwa emeremo. Egento ekio kebekwe ime ase amache, naende kebe getachenegeti goika omogoroba oyio; erio nakebe giachenekire. 33Onye eyemo ye ching’iti echio ekogwera enyongo, gose gento kende keroisirie korwa ase amaroba, ekere ime yaye nakebe egetachenegeti, na egento ekio goika giatwe. 34Endagera ende yonsi ekoriegwa nebe eyetachenegeti onye amache akoumorwa korwa ase enyongo buna eyio akoyekuna, na ekenyugwa kende gionsi kere ime y’enyongo buna eyio nkebe getachenegeti. 35Gento kende gionsi keragwerwe neyemo ye ching’iti echio ekwete inakebe getachenegeti; onye ne riko rikoroisia emegati, gose neri’ endagera, erio riatwe, riabeire eritachenegeti asemore. 36Ensoko gose aase amache akogachwa nabigenderere koba ebichenegete, korende ebinto binde bionsi ebiaao biise gokuna ching’iti echio chikwete mbibe ebitachenegeti. 37Onye eng’iti eyemo y’echio ekwete keragwere embusuro egosimekwa, embusuro eyio negenderere koba echenegete. 38Korende onye embusuro eyio yainekirwe ase amache ime, na egwerwe neyemo ye ching’iti echio ekwete, rirorio nebe etachenegeti.”
39“Eng’iti ende yonsi yancheire koriegwa kerakwe, na omonto orayekune, rirorio omonto oyio nabe oyotachenegeti goika omogoroba oyio. 40Monto onde bwensi orarie enyama y’eng’iti eyio ekwete nasibie chianga chiaye, naende nabe oyotachenegeti goika omogoroba oyio, na onde bwensi oraimokie eng’iti eyio ekwete, nasibie chianga chiaye, ere nabe oyotachenegeti goika omogoroba oyio.” 41“Ebitongwa ebike bionsi bigoetanana ase ense nigo bire okogechia, tibiriegwa. 42Egetongwa kende gionsi egeke kegwekururera enda, gose gekogendera amagoro ane, gose amange, ase ebio bigoetanana ase ense, nigo bire okogechia, timobaisa kobiria. 43Timobaisa gwekora okogechia ase engencho y’ebitongwa ebio bigoetanana, gose gwesoyia ase ogotacheneka ase engencho ya birobio. Moise gokora igo, namobe abatachenegeti. 44Inche ninche Omonene, Nyasae oino; ase ayio mweatanane inwe abanyene, mobe abachenu, ekiagera inche nomochenu inde. Timobaisa gwesoyia ase ogotacheneka ase engencho y’egetongwa kende gionsi egeke ase ebio bigoetanana ase ense. 45Inche ninche Omonene, nabarusetie korwa ase ense ya Misiri imbe Nyasae oino. Ase ayio, mobe abachenu, ekiagera inche nomochenu inde.”
46Oko nakwo ogochika gotenenerete ching’iti ne chinyoni, na kera egetongwa kere moyo kegoetanana ase amache ime, na ebitongwa ebisinini bigoetanana ase ense, 47na igo momanye gwatanana ebichenegete korwa ase ebitachenegeti, ne ching’iti chire moyo chiancheire koriegwa korwa ase echitancheiri koriegwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020