ABALAWI 10
10
Ebibe bia Nadabu na Abihu
1Nadabu na Abihu, abamura ba Haroni, kera oyomo akaimokia orogio rwaye, akabeka omorero ase orogio orwo, na akabeka ubani igoro ase omorero oyio, bakarentera Omonene omorero orenge bw’engencho eng’ao, oyio Omonene atabachigete. 2Na omorero ogaika korwa ase Omonene, okabasamba, barabwo bakayia, bagakwera agwo ase obosio bw’Omonene. 3Erio Musa agatebia Haroni, “Aya naro Omonene atebire, ng’a ere neorokie koba omochenu ase abanto abwo bakomoika ang’e, na ase amaiso ’abanto bonsi naorokie obonene bwaye.” Haroni agakira‐kiri.
4Erio Musa akarangeria Mishaeli na Elisafani, basinto ba Usieli, ise moke Haroni, akabatebia, “Inchuo mobogorie emebere y’abamino, abana ba iso moke, moyerusie korwa ase Obomenyo Obochenu, moyeire isiko y’egetwori.” 5Barabwo bagacha, bakabogoria emebere eria eboyirie chiganchwa chiabo, bakayeira isiko y’egetwori, buna Musa abatebetie.
6Musa agatebia Haroni amo n’Eleazari na Itamari, abamura ba Haroni, “Timobaisa gotiga chitukia chiaino chitachanoiri, gose timobaisa gotandora chianga chiaino ase okobaichanera. Moise gokora igo, goika mokwe, na endamwamu entindi y’Omonene echiche igoro y’omoganda bwonsi. Korende Abaisraeli bamino bonsi barabwo mbabe bakorera ase engencho y’ogosamba ogotindi Omonene arentire. 7Timobaisa gosoka isiko goetania egesoero ki’Eema y’Omosangererekano. Moise gokora igo, goika mokwe, ekiagera mwatananirwe ase ogoakwa amaguta ’Omonene.” Barabwo bagakora buna Musa abatebetie.
Amachiko ase abakuani
8Omonene agakwana na Haroni, akamotebia, 9“Aye amo nabamura bao timobaisa konywa edivai, gose ekenyugwa kegotindia, ekero mogosoa ase Eema y’Omosangererekano. Moise gokora igo, goika mokwe. Okwo nogochika koragenderere asemore ebiaare ase ebiaare. 10Inwe goika momanye gwatanana egento egechenu kere ekia Nyasae korwa ase ekio getaatananiri koba egechenu, na egento gechenegete korwa ase egetachenegeti. 11Mworokererie Abaisraeli amachiko onsi aya inche Omonene nabachikire goetera ase Musa.”
12Musa agatebia Haroni na abamura baye abatigarete, Eleazari na Itamari, “Imokia okoruegwa kw’endagera, okwo gotigarete korwa ase okwo gwasambirwe nomorero ase Omonene, mokorie gotabekiri memera, agwo ase egesasimero ensemo, ekiagera okoruegwa okwo nogochenu mono. 13Mokoriere agwo aase gete are aachenu. Ekio negetari kiao, na eki’abamura bao, gekorusigwa korwa ase okoruegwa kw’endagera kogosambwa nomorero ase Omonene. Ayio naro Omonene anchigete. 14Korende ritaana rigosungusigwa, na ekenama gekoruegwa, aye amo nabana bao, abamura na abaiseke, mwaeirwe ribaga kobiriera agwo aase achenire. Ebinto ebio aye na abana bao mwabieirwe korwa ase ebing’wanso bi’omorembe bikoruegwa n’Abaisraeli. 15Ekenama gekoruegwa, ne ritaana riria rigosungusigwa, birentwe amo nebitinya bikoruegwa ebing’wanso bigosambwa nomorero, bisungusigwe bibe ebing’wanso bi’ogosungusigwa ase obosio bw’Omonene. Ebio nabibe egetari kiao amo neki’abamura bao kogenderera botambe, buna Omonene achigete.”
16Musa agatuka mono komanyanaki embori y’ekeng’wanso ki’ebibe yabete, akamanya ng’a embori eria nigo yasambetwe. Ase ayio akaba nendamwamu enene ase Eleasari na Itamari, abamura ba Haroni, baria batigarete, akabatebia. 17“Nase ki motarierete ekeng’wanso keria ki’ebibe agwo aase are aachenu? Ekio negento egechenu mono mwaeirwe, erinde moruserie omoganda ebibe biabo, na gokora okobwatanigwa asebare ase obosio bw’Omonene. 18Rora, amanyinga aye tairetwe agwo Aase Aachenu; nigo yabagwenerete mokeriere agwo aase achenire.”
19Haroni akairaneria Musa, “Rora, rituko ria rero abanto barure ekeng’wanso kiabo ki’ebibe, na eki’ogosambwa, ase obosio bw’Omonene, korende nonya naboigo nomanyete emechando eye nanyorire. Onye inaria ekeng’wanso ki’ebibe rituko ria rero, Inee, nanga nancherwa ase obosio bw’Omonene?” 20Ekero Musa aigwete amang’ana ayio agaisaneka.
Currently Selected:
ABALAWI 10: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 10
10
Ebibe bia Nadabu na Abihu
1Nadabu na Abihu, abamura ba Haroni, kera oyomo akaimokia orogio rwaye, akabeka omorero ase orogio orwo, na akabeka ubani igoro ase omorero oyio, bakarentera Omonene omorero orenge bw’engencho eng’ao, oyio Omonene atabachigete. 2Na omorero ogaika korwa ase Omonene, okabasamba, barabwo bakayia, bagakwera agwo ase obosio bw’Omonene. 3Erio Musa agatebia Haroni, “Aya naro Omonene atebire, ng’a ere neorokie koba omochenu ase abanto abwo bakomoika ang’e, na ase amaiso ’abanto bonsi naorokie obonene bwaye.” Haroni agakira‐kiri.
4Erio Musa akarangeria Mishaeli na Elisafani, basinto ba Usieli, ise moke Haroni, akabatebia, “Inchuo mobogorie emebere y’abamino, abana ba iso moke, moyerusie korwa ase Obomenyo Obochenu, moyeire isiko y’egetwori.” 5Barabwo bagacha, bakabogoria emebere eria eboyirie chiganchwa chiabo, bakayeira isiko y’egetwori, buna Musa abatebetie.
6Musa agatebia Haroni amo n’Eleazari na Itamari, abamura ba Haroni, “Timobaisa gotiga chitukia chiaino chitachanoiri, gose timobaisa gotandora chianga chiaino ase okobaichanera. Moise gokora igo, goika mokwe, na endamwamu entindi y’Omonene echiche igoro y’omoganda bwonsi. Korende Abaisraeli bamino bonsi barabwo mbabe bakorera ase engencho y’ogosamba ogotindi Omonene arentire. 7Timobaisa gosoka isiko goetania egesoero ki’Eema y’Omosangererekano. Moise gokora igo, goika mokwe, ekiagera mwatananirwe ase ogoakwa amaguta ’Omonene.” Barabwo bagakora buna Musa abatebetie.
Amachiko ase abakuani
8Omonene agakwana na Haroni, akamotebia, 9“Aye amo nabamura bao timobaisa konywa edivai, gose ekenyugwa kegotindia, ekero mogosoa ase Eema y’Omosangererekano. Moise gokora igo, goika mokwe. Okwo nogochika koragenderere asemore ebiaare ase ebiaare. 10Inwe goika momanye gwatanana egento egechenu kere ekia Nyasae korwa ase ekio getaatananiri koba egechenu, na egento gechenegete korwa ase egetachenegeti. 11Mworokererie Abaisraeli amachiko onsi aya inche Omonene nabachikire goetera ase Musa.”
12Musa agatebia Haroni na abamura baye abatigarete, Eleazari na Itamari, “Imokia okoruegwa kw’endagera, okwo gotigarete korwa ase okwo gwasambirwe nomorero ase Omonene, mokorie gotabekiri memera, agwo ase egesasimero ensemo, ekiagera okoruegwa okwo nogochenu mono. 13Mokoriere agwo aase gete are aachenu. Ekio negetari kiao, na eki’abamura bao, gekorusigwa korwa ase okoruegwa kw’endagera kogosambwa nomorero ase Omonene. Ayio naro Omonene anchigete. 14Korende ritaana rigosungusigwa, na ekenama gekoruegwa, aye amo nabana bao, abamura na abaiseke, mwaeirwe ribaga kobiriera agwo aase achenire. Ebinto ebio aye na abana bao mwabieirwe korwa ase ebing’wanso bi’omorembe bikoruegwa n’Abaisraeli. 15Ekenama gekoruegwa, ne ritaana riria rigosungusigwa, birentwe amo nebitinya bikoruegwa ebing’wanso bigosambwa nomorero, bisungusigwe bibe ebing’wanso bi’ogosungusigwa ase obosio bw’Omonene. Ebio nabibe egetari kiao amo neki’abamura bao kogenderera botambe, buna Omonene achigete.”
16Musa agatuka mono komanyanaki embori y’ekeng’wanso ki’ebibe yabete, akamanya ng’a embori eria nigo yasambetwe. Ase ayio akaba nendamwamu enene ase Eleasari na Itamari, abamura ba Haroni, baria batigarete, akabatebia. 17“Nase ki motarierete ekeng’wanso keria ki’ebibe agwo aase are aachenu? Ekio negento egechenu mono mwaeirwe, erinde moruserie omoganda ebibe biabo, na gokora okobwatanigwa asebare ase obosio bw’Omonene. 18Rora, amanyinga aye tairetwe agwo Aase Aachenu; nigo yabagwenerete mokeriere agwo aase achenire.”
19Haroni akairaneria Musa, “Rora, rituko ria rero abanto barure ekeng’wanso kiabo ki’ebibe, na eki’ogosambwa, ase obosio bw’Omonene, korende nonya naboigo nomanyete emechando eye nanyorire. Onye inaria ekeng’wanso ki’ebibe rituko ria rero, Inee, nanga nancherwa ase obosio bw’Omonene?” 20Ekero Musa aigwete amang’ana ayio agaisaneka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020