YOSHUA 16
16
Orogongo rw’Efraimu na Manase
1Orobebe rw’orogongo roria obomera bwagwerete ororeria rwa Yusufu rogachakera orooche rwa Yorodan, ang’e na Yeriko, moocha ye chinsoko chi’aroro goika erooro, rogatiira korwa Yeriko goetera ase erooro gochia ase ense y’ebitunwa ya Beteli. 2Korwa Beteli rokagenda Lusu, rogatiira gochia Ataroti ase Abaariki bamenyete. 3Erio rogatirimboka gochia ase ense y’Abayafeleti goika Beti‐Horoni ya maate, na goika Geseri, naende rogatwomera Enyancha Enene.
4Orogongo orwo narwo omwando bw’ebisaku bia Manase na Efraimu, ebi’ororeria rwa Yusufu.
5Oro narwo orogongo rwe chiamate chi’egesaku gi’Efraimu: Orobebe rwabo rwa moocha rogachakera Ataroti‐Adari, rokagenderera goika Beti‐Horoni ya rogoro, 6na korwa aroro goika Enyancha Enene. Mikimetati noro orenge orobebe rw’ensemo ya sugusu. Korwa Mikimetati orobebe rokaonchoka gochia moocha, rogaika Taanati‐Silo, rogaeta ase omochie oyio, rokagenderera gochia moocha, rogaika Yanoa. 7Korwa Yanoa rogatirimboka gochia Ataroti na Naara, erio rogatwomera Yeriko, na korwa aroro rogaika Yorodan. 8Korwa Tapua rokagenderera gochia bosongo, rogaika akarooche ga Kana, naende rogaika Enyancha Enene ase rwatwomerete. Oro narwo orogongo chiamate chi’ebisaku bi’Efraimu chianyorete, rokaba omwando obo, 9amo nemechie na ebichie barabwo baatananeretwe, ebiarenge ase orogongo rw’egesaku kia Manase. 10Korende barabwo tibaseretie Abakanani abwo bamenyete Geseri. Ase ayio Abakanani nao bamenyete amo n’Abaefraimu, naboigo nao bare nonya ngoika rero iga. Korende mbakoretwe bakaba abasomba babo b’ogokora emeremo emekong’u.
Currently Selected:
YOSHUA 16: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
