ISAYA 8
8
Omwana o Isaya okoba ekemanyererio ase abanto
1Omonene agantebia, “Imokia ebao enene ekorikwa, orike amariko aya mwanyabanto baranyare gosoma buya, orike: Maheri‐Salali Hasi‐Basi.”#8:1 Maheri‐Salali Hasi‐Basi, engencho yaye: ogosakora kw’obwango 2Inche nkerigeria abanto abegenwa babe birori, nabwo Uria omokuani, na Zakaria, mosinto o Yeberekia.
3Erio nkaba nomokungu one orenge omobani, na ere akaba morito, akaibora omwana omoisia, na Omonene agantebia, “Moroke Maheri‐Salali Hasi‐Basi. 4Nebe ekero omwana oyio ataramanya gwatora Tata gose Baba, nonyore ng’a obotenenku bwonsi bwa Damesiki, na ebisakorwa bia Samaria, biaikire koirwa ase omoruoti bw’Abaasuri.”
Omoruoti bw’Abaasuri ogocha
5Omonene agakwana eria kabere, agantebia, 6“Abanto aba bangire amache a Silo akwongora ng’ora, bagokire na kobwatana na Resini, naende na mosinto o Remalia. 7Ase ayio, rora inche Omonene nkorenta inde igoro y’abanto abwo amache ’orooche are amange, naende are ne chinguru, ayio naro omoruoti bw’Abaasuri amo nobonene bwaye bwonsi. Amache ayio naichore aete chingegu igoro, aiteke gochia aande onsi. 8Aro naminyoke ne chinguru igoro y’ense y’Abayuda, aichore, agenderere gochia bosio aike ase rigoti.”
Ee, aye Imanueli, amache ayio nigo ararambore chimbaba chiaye atube obogare bw’ense yao.
9Inwe abanto aba, kora eburu‐buru, nonya naboigo goika mosenyentwe! Ee, inwe mwensi abamore ase chinse chi’aare, igwa ayio! Eboyie mokong’e, goika mosenyentwe! Ee, eboyie goika mosenyentwe! 10Inchuo amo mosemanie, korende nigo korabe bosa; kwana ring’ana riaino, korende tirikoba, ekiagera Nyasae nigo are amo naintwe.
Omonene ogokurera omobani oria
11Omonene akabeka igoro asende okoboko kwaye kore ne chinguru, agakwana nainche, agankurera ng’a timbaisa kobwatia chinchera chi’abanto aba, agateba, 12“Timobaisa koroka emeroberio ng’a nemebe, eyio abanto aba bakoroka ng’a nemebe, gose timobaisa kwoboa amang’ana boboete, gose kende tikebaondokia inwe. 13Korende inwe tiga inche Omonene bw’Emeganda imbe nchenegete asemore; ninche bweka morairoke na konyoboa. 14Ere nabe aase aino aachenu, korende ase ebisaku ebi bibere bi’Abaisraeli nabe rigena rikogocha, na egetare gekoiyeria inse, naende abe omoeto na oboreba ase abanto bamenyete Yerusalemu. 15Abanto abange mbagochwe na kogwa, mbasenyentwe, mbategwe na kobwatwa.”
Ogokurerwa kw’ogotarigia ogosemigwa korwa ase abakure
16Eboeranie oborori, na obeke amachiko aane ekemanyererio, ime ase chinkoro chi’aborokigwa baane. 17Nimoganyete Omonene, oyio otubire obosio bwaye korwa ase ororeria rwa Yakobo; nimbe imosemeretie.
18Naama! Inche amo nabana aba Omonene ang’eire nigo tore ebimanyererio na emegwekano ase egati y’Abaisraeli, ebio bikorwa ase Omonene bw’Emeganda, oyio omenyete ase Egetunwa gia Sayoni.
19Ekero abanto barabatebie, “Genda moborie abwo bakorigia ogosemigwa korwa ase emeika y’abanto bakure, naende moborie abaragori, abwo bakomonyererana na komumura,” inwe mobairanerie iga: “Inee! Tegwenereti abanto komorigia Nyasae obo? Naki erabe ng’a toborie emeika y’abakure ase engencho y’abanto bare moyo?”
20Moiranere amachiko na oborori! Abanto batari gokwana koreng’ana namang’ana ayio, ekeene, omobaso o mambia torababarera.
Engaki y’emechando
21Abanto mbaetanane ase ense yonsi, bare nemechando emenene mono, na enchara, na ekero babeire nenchara mbabe nekeririanda ekenene, baragererie omoruoti obo na Nyasae obo. Mbaonchore amasio abo barigererie gochia igoro, 22naende baonchoke barigererie ense inse, korende nigo bararore obororo, na omosunte, na ogoichanigwa okonene, erio basoigwe ase omosunte ekerima.
Currently Selected:
ISAYA 8: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ISAYA 8
8
Omwana o Isaya okoba ekemanyererio ase abanto
1Omonene agantebia, “Imokia ebao enene ekorikwa, orike amariko aya mwanyabanto baranyare gosoma buya, orike: Maheri‐Salali Hasi‐Basi.”#8:1 Maheri‐Salali Hasi‐Basi, engencho yaye: ogosakora kw’obwango 2Inche nkerigeria abanto abegenwa babe birori, nabwo Uria omokuani, na Zakaria, mosinto o Yeberekia.
3Erio nkaba nomokungu one orenge omobani, na ere akaba morito, akaibora omwana omoisia, na Omonene agantebia, “Moroke Maheri‐Salali Hasi‐Basi. 4Nebe ekero omwana oyio ataramanya gwatora Tata gose Baba, nonyore ng’a obotenenku bwonsi bwa Damesiki, na ebisakorwa bia Samaria, biaikire koirwa ase omoruoti bw’Abaasuri.”
Omoruoti bw’Abaasuri ogocha
5Omonene agakwana eria kabere, agantebia, 6“Abanto aba bangire amache a Silo akwongora ng’ora, bagokire na kobwatana na Resini, naende na mosinto o Remalia. 7Ase ayio, rora inche Omonene nkorenta inde igoro y’abanto abwo amache ’orooche are amange, naende are ne chinguru, ayio naro omoruoti bw’Abaasuri amo nobonene bwaye bwonsi. Amache ayio naichore aete chingegu igoro, aiteke gochia aande onsi. 8Aro naminyoke ne chinguru igoro y’ense y’Abayuda, aichore, agenderere gochia bosio aike ase rigoti.”
Ee, aye Imanueli, amache ayio nigo ararambore chimbaba chiaye atube obogare bw’ense yao.
9Inwe abanto aba, kora eburu‐buru, nonya naboigo goika mosenyentwe! Ee, inwe mwensi abamore ase chinse chi’aare, igwa ayio! Eboyie mokong’e, goika mosenyentwe! Ee, eboyie goika mosenyentwe! 10Inchuo amo mosemanie, korende nigo korabe bosa; kwana ring’ana riaino, korende tirikoba, ekiagera Nyasae nigo are amo naintwe.
Omonene ogokurera omobani oria
11Omonene akabeka igoro asende okoboko kwaye kore ne chinguru, agakwana nainche, agankurera ng’a timbaisa kobwatia chinchera chi’abanto aba, agateba, 12“Timobaisa koroka emeroberio ng’a nemebe, eyio abanto aba bakoroka ng’a nemebe, gose timobaisa kwoboa amang’ana boboete, gose kende tikebaondokia inwe. 13Korende inwe tiga inche Omonene bw’Emeganda imbe nchenegete asemore; ninche bweka morairoke na konyoboa. 14Ere nabe aase aino aachenu, korende ase ebisaku ebi bibere bi’Abaisraeli nabe rigena rikogocha, na egetare gekoiyeria inse, naende abe omoeto na oboreba ase abanto bamenyete Yerusalemu. 15Abanto abange mbagochwe na kogwa, mbasenyentwe, mbategwe na kobwatwa.”
Ogokurerwa kw’ogotarigia ogosemigwa korwa ase abakure
16Eboeranie oborori, na obeke amachiko aane ekemanyererio, ime ase chinkoro chi’aborokigwa baane. 17Nimoganyete Omonene, oyio otubire obosio bwaye korwa ase ororeria rwa Yakobo; nimbe imosemeretie.
18Naama! Inche amo nabana aba Omonene ang’eire nigo tore ebimanyererio na emegwekano ase egati y’Abaisraeli, ebio bikorwa ase Omonene bw’Emeganda, oyio omenyete ase Egetunwa gia Sayoni.
19Ekero abanto barabatebie, “Genda moborie abwo bakorigia ogosemigwa korwa ase emeika y’abanto bakure, naende moborie abaragori, abwo bakomonyererana na komumura,” inwe mobairanerie iga: “Inee! Tegwenereti abanto komorigia Nyasae obo? Naki erabe ng’a toborie emeika y’abakure ase engencho y’abanto bare moyo?”
20Moiranere amachiko na oborori! Abanto batari gokwana koreng’ana namang’ana ayio, ekeene, omobaso o mambia torababarera.
Engaki y’emechando
21Abanto mbaetanane ase ense yonsi, bare nemechando emenene mono, na enchara, na ekero babeire nenchara mbabe nekeririanda ekenene, baragererie omoruoti obo na Nyasae obo. Mbaonchore amasio abo barigererie gochia igoro, 22naende baonchoke barigererie ense inse, korende nigo bararore obororo, na omosunte, na ogoichanigwa okonene, erio basoigwe ase omosunte ekerima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020