ISAYA 7
7
Amang’ana Ahasi omoruoti atomeretwe
1Ekero Ahasi, mosinto o Yotamu mosinto o Usia, arenge omoruoti bw’Abayuda, Resini, omoruoti bw’Abasiiria, na Peka, omoruoti bw’Abaisraeli, mosinto o Remalia, abwo babere bagatiira gochia Yerusalemu koyorwania, korende tibanyarete koyobua.
2Ekero amang’ana aigete ase abanto b’enyomba ya Daudi ng’a Abasiiria babwatanire n’Abaefraimu, enkoro y’omoruoti amo nechi’abanto baye chikanyegerigwa buna emete ye rinani ekonyegerigwa nomwaga.
3Erio Omonene agatebia Isaya, “Genda amo na Seari‐Yasuba, momura oo, morotote Ahasi agwo ase omotaro bw’amache e ritibo ria rogoro ase enchera ekogenda egetii ki’omosibia ebitambaa bikoroisigwa chianga, 4omotebie: Erende, kabe nobotoereru toiroka. Tokwa omoyo ase engencho y’endamwamu enene ya Resini oyio ore amo n’Abasiiria, na eya mosinto o Remalia, abwo bare buna ebigenga bibere bikoimokia erioki. 5Abasiiria amo n’Abaefraimu, na mosinto o Remalia, bakorire emeroberio emebe igoro yao bagoteba: 6Inchuo togende torwanie ense y’Abayuda toyioboyie, toyebue ebe eyaito, erinde tobeke mosinto o Tabeeli abe omoruoti aroro.” 7“Korende aya naro Omonene Nyasae agoteba: Ayio tagokorekana, gose tagoikeranigwa, 8ekiagera Damesiki noro omochie omonene bw’Abasiiria, na Resini nere omogambi o Damesiki; na ase engaki y’emiaka emerongo etano nomo, na etano, Abaefraimu mbasenyentwe basirigwe kegima, tibagenderera koba egesaku. 9Samaria noro omochie omonene bw’Abaefraimu, na mosinto o Remalia nere omogambi o Samaria.
“Onye timori nokwegena timokogenderera kobao.”
Ekemanyererio igoro ya Imanueli
10Omonene agakwana na Ahasi naende, akamotebia, 11“Boria Omonene, Nyasae oo, akoe ekemanyererio; tiga kerwe aase abakure inse, gose kerwe igoro mono.”
12Korende Ahasi akairaneria, “Tinkonyara koboria, na tinkonyara komoteema Omonene.”
13Erio Isaya agateba, “Inwe ab’ororeria rwa Daudi, igwa bono! Inee! Namang’ana amasinini mono asemore korosia abanto, na bono mwamorosirie na Nyasae one boigo? 14Ase ayio Omonene omonyene nabae ekemanyererio eke: Naama! Omoiseke omwekungi nabe morito, erio aibore omwana omoisia, namoroke erieta riaye Imanueli.#7:14 Imanueli, engencho yaye: Nyasae nigo are amo naintwe 15Ekero omwana oyio arabe omanyire kwanga amabe na gochora amaya, nabe okoria amaguta ’amabeere na obooke. 16Ekero omwana oria ataramanya kwanga amabe, na gochora amaya, ense y’abaruoti abwo babere bagokogechia nebe yatigirwe bosa.
17“Omonene narente amatuko amabe igoro asore, na ase abanto bao, na ase abanto b’ororeria rwa iso, amatuko buna ayio atana koba bo rinde korwa ekero Abaefraimu beatananete korwa ase Abayuda; narente omoruoti bw’Abaasuri.”
18Ase engaki eye Omonene nabugie omororia, arangerie chingi echio chimenyete ase omochakano bw’ebirooche bia Misiri, naende arangerie chinchoke chire ase ense y’Abaasuri. 19Echio chionsi nchiche chimenye ase amagoko, na ase chingako chi’ebitare, na ase ebitutu bi’amagwa, na ase ebitii bionsi.
20Ase engaki eyio Omonene narente omoyio o tukia korwa ng’umbu y’orooche rw’Eufarati, noro omoruoti bw’Abaasuri, akigitere chitukia chi’emetwe yabo, na agingire amarionya ’amagoro ne chinderu chiabo.
21Ase engaki eyio omonto nabe otugete ritororo erimo, ne ching’ondi ibere; 22echio nchikamwe amabeere amange, nere abe okonyora amaguta amange, na kera omonto orabe otigaire ore moyo ase ense eyio nabe okoria amaguta na obooke.
23Ase amatuko ayio, aase arenge kwama emesabibu elifu eyemo, aisanete chisekeli chie chifeta elifu eyemo, namere amageri na amagwa. 24Abanto mbache agwo babwate amata ne chinsara, ekiagera orogongo orwo rwonsi rwamerire amageri na amagwa. 25Ase ebigoro bionsi mwarenge korema namakombe, timokogendao korema naende, ekiagera nigo morairoke amageri na amagwa; aase agwo nabe ase chiombe chigochwarwa ne ching’ondi chiaatiringe.
Currently Selected:
ISAYA 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ISAYA 7
7
Amang’ana Ahasi omoruoti atomeretwe
1Ekero Ahasi, mosinto o Yotamu mosinto o Usia, arenge omoruoti bw’Abayuda, Resini, omoruoti bw’Abasiiria, na Peka, omoruoti bw’Abaisraeli, mosinto o Remalia, abwo babere bagatiira gochia Yerusalemu koyorwania, korende tibanyarete koyobua.
2Ekero amang’ana aigete ase abanto b’enyomba ya Daudi ng’a Abasiiria babwatanire n’Abaefraimu, enkoro y’omoruoti amo nechi’abanto baye chikanyegerigwa buna emete ye rinani ekonyegerigwa nomwaga.
3Erio Omonene agatebia Isaya, “Genda amo na Seari‐Yasuba, momura oo, morotote Ahasi agwo ase omotaro bw’amache e ritibo ria rogoro ase enchera ekogenda egetii ki’omosibia ebitambaa bikoroisigwa chianga, 4omotebie: Erende, kabe nobotoereru toiroka. Tokwa omoyo ase engencho y’endamwamu enene ya Resini oyio ore amo n’Abasiiria, na eya mosinto o Remalia, abwo bare buna ebigenga bibere bikoimokia erioki. 5Abasiiria amo n’Abaefraimu, na mosinto o Remalia, bakorire emeroberio emebe igoro yao bagoteba: 6Inchuo togende torwanie ense y’Abayuda toyioboyie, toyebue ebe eyaito, erinde tobeke mosinto o Tabeeli abe omoruoti aroro.” 7“Korende aya naro Omonene Nyasae agoteba: Ayio tagokorekana, gose tagoikeranigwa, 8ekiagera Damesiki noro omochie omonene bw’Abasiiria, na Resini nere omogambi o Damesiki; na ase engaki y’emiaka emerongo etano nomo, na etano, Abaefraimu mbasenyentwe basirigwe kegima, tibagenderera koba egesaku. 9Samaria noro omochie omonene bw’Abaefraimu, na mosinto o Remalia nere omogambi o Samaria.
“Onye timori nokwegena timokogenderera kobao.”
Ekemanyererio igoro ya Imanueli
10Omonene agakwana na Ahasi naende, akamotebia, 11“Boria Omonene, Nyasae oo, akoe ekemanyererio; tiga kerwe aase abakure inse, gose kerwe igoro mono.”
12Korende Ahasi akairaneria, “Tinkonyara koboria, na tinkonyara komoteema Omonene.”
13Erio Isaya agateba, “Inwe ab’ororeria rwa Daudi, igwa bono! Inee! Namang’ana amasinini mono asemore korosia abanto, na bono mwamorosirie na Nyasae one boigo? 14Ase ayio Omonene omonyene nabae ekemanyererio eke: Naama! Omoiseke omwekungi nabe morito, erio aibore omwana omoisia, namoroke erieta riaye Imanueli.#7:14 Imanueli, engencho yaye: Nyasae nigo are amo naintwe 15Ekero omwana oyio arabe omanyire kwanga amabe na gochora amaya, nabe okoria amaguta ’amabeere na obooke. 16Ekero omwana oria ataramanya kwanga amabe, na gochora amaya, ense y’abaruoti abwo babere bagokogechia nebe yatigirwe bosa.
17“Omonene narente amatuko amabe igoro asore, na ase abanto bao, na ase abanto b’ororeria rwa iso, amatuko buna ayio atana koba bo rinde korwa ekero Abaefraimu beatananete korwa ase Abayuda; narente omoruoti bw’Abaasuri.”
18Ase engaki eye Omonene nabugie omororia, arangerie chingi echio chimenyete ase omochakano bw’ebirooche bia Misiri, naende arangerie chinchoke chire ase ense y’Abaasuri. 19Echio chionsi nchiche chimenye ase amagoko, na ase chingako chi’ebitare, na ase ebitutu bi’amagwa, na ase ebitii bionsi.
20Ase engaki eyio Omonene narente omoyio o tukia korwa ng’umbu y’orooche rw’Eufarati, noro omoruoti bw’Abaasuri, akigitere chitukia chi’emetwe yabo, na agingire amarionya ’amagoro ne chinderu chiabo.
21Ase engaki eyio omonto nabe otugete ritororo erimo, ne ching’ondi ibere; 22echio nchikamwe amabeere amange, nere abe okonyora amaguta amange, na kera omonto orabe otigaire ore moyo ase ense eyio nabe okoria amaguta na obooke.
23Ase amatuko ayio, aase arenge kwama emesabibu elifu eyemo, aisanete chisekeli chie chifeta elifu eyemo, namere amageri na amagwa. 24Abanto mbache agwo babwate amata ne chinsara, ekiagera orogongo orwo rwonsi rwamerire amageri na amagwa. 25Ase ebigoro bionsi mwarenge korema namakombe, timokogendao korema naende, ekiagera nigo morairoke amageri na amagwa; aase agwo nabe ase chiombe chigochwarwa ne ching’ondi chiaatiringe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020