ISAYA 4
4
1Ase engaki eyio abakungu batano na babere mbabwate omosacha oyomo, bamotebie, “Intwe abanyene ntwenyorere endagera tokoria ne chianga tokobeka, korende tiga rioka torokwe abakungu bao, erinde otoruserie obosooku.”
Yerusalemu noiranerigwe amaya aye naende
2Ase engaki eyio Omoseboka bw’Omonene noseboke ore omoseera na ore nobonene, na okwama gw’ense nkobe obonene na obosiani bw’Abaisraeli abaratooreke. 3Erio nebe ng’a kera omonto otigarete ase Sayoni, na ase Yerusalemu, narokwe omochenu, kera oyomo oyorikire ase egati y’abwo bare moyo ase Yerusalemu. 4Ase omoika bw’okonacha ekina na gochena, Omonene nasibie obobe bw’abakungu ba Sayoni, naende achene abanto ba Yerusalemu korwa ase okomocha kwabo kw’ogoitera amanyinga. 5Igoro y’Egetunwa gia Sayoni gionsi, na igoro y’abanto bonsi basangererekaneteo, Omonene natonge riire na erioki bibeo mobaso, na omorero okomesa obeo botuko; na igoro y’obonene obwo bwonsi egietubo gi’okorenda nkebekweo. 6Ekiriri nkebeo ki’ogokenderera korwa ase omobaso, naende kebe obotamero na oborendi bw’ogwekengera korwa ase embura y’omoubera.
Currently Selected:
ISAYA 4: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
