ISAYA 3
3
Yerusalemu ogotantanigwa
1Naama! Omonene, oyore Omonene bw’Emeganda, narusie korwa ase Yerusalemu, na korwa ase Abayuda, kera egento basemeretie na ebi begenete; narusieo endagera yonsi, na amache onsi. 2Narusie korwao abanto bare chituoni na abarwani bande b’esegi, na abagambi ebina, na ababani, na abaringoria, na abagaaka, 3na abatang’ani b’abarwani emerongo etano, na abanto abasike, na abasemia, na abaroisia abang’aini, na abaragori bamanyete oborogi mono. 4Nigo agoteba: “Nimbeke abasae babe abanene babo, na abataraisana kogamba babagambere.” 5Abanto mbachandane, kera omonto nabe ogochanda oyonde, na kera omonto nabe ogochanda omogisangio oye; omwana omoke naenenere omonto omogotu, na omonto otarochi nchera nachaye omonto osikire.
6Engaki eyio omonto nabwate oyomwabo baiboire komo amotebie, “Aye nobwate chianga okobeka, ase ayio kabe omogambi oito, otenenere obogambi obo bwanyegerigwe.”
7Korende ase rituko erio oyio nakane bokong’u, atebe, “Inche tinkonyara koba omogwenia; ase enyomba yane endagera teiyo, gose eanga, ase ayio timokonyara kombeka imbe omoraai bw’abanto.”
8Yerusalemu otagoirwe, na Abayuda bagure, ekiagera chinkwana chiabo na ogokora kwabo biabeire mamincha y’Omonene, na ase engencho eyio bagechirie amaiso ’Omonene ore nobonene. 9Okororekana kw’amaiso abo kwababereire kirori; nigo bakoraria ebibe biabo buna Abasodomu bakorete, tibari kobibisa. Obobe nobwabo! Barabwo abanyene berenteire obobe obwo.
10Tebia abanyene oboronge ng’a amang’ana nabe amaya asebare, barabwo mbarie okwama kw’ogokora kwabo. 11Obobe nobwabo abakori amabe! Amang’ana nabe amabe asebare, ekiagera aya amaboko abo abeire agokora, naro barakorerwe abanyene.
12Abanto baane nigo bagochandwa nabana, na abakungu nabwo bakobagambera. Inwe abanto baane, abaraai baino babatantanirie enchera, babasiririe ase enchera mogoeta.
Omonene okonachera ebisaku ekina
13Omonene obeire ang’e korenta ekina, otenenire konachera ebisaku ekina. 14Omonene nachake kogambia abagaaka na abagambi b’abanto baye, atebe, “Ninwe mwarire omogondo one bw’emesabibu, na ebisakorwa bi’abataka nigo bire ase chinyomba chiaino. 15Omonene Nyasae bw’Emeganda, nigo akoboria iga: Ninki mokorengereria goika mwasunyuntire abanto baane na gosia amasio ’abataka?”
Ogokurerwa kw’abakungu ba Yerusalemu
16Omonene nigo agoteba, “Abakungu ba Sayoni nigo bare aberori, nigo bagotaara basongorete amagoti, na bagoaka‐akania amaiso are nokogania okobe; nigo bagotira‐tiria kobakogenda na kwogia chinchigiri chire amagoro abo. 17Ase ayio Omonene nae abakungu ba Sayoni oborwaire bw’ogosunyora chitukia chiabo, naende abaasiorie chianga abatige bare getirianda.”
18Ase rituko erio Omonene nabaure ebinto bionsi bechaberete: ebitange bi’amagoro, na ebitinti, ne chisonoi chi’amagoti, 19na ebigera bi’amato, ne chitaai chi’amaboko, na ebiechabero bia metwe, 20na ebinyuri bi’amagoro, ne chinkini chi’okweboeria, ne chichuba chire namaguta agotioka, na ebite bi’ogwekong’era, 21ne chibonyi chire nebimanyererio, na ebigera bie chimioro, 22ne chiganchwa chi’emeyega, ne chigoti chi’okwambara, na ebiambaro bi’amareko, na emebuko ya koboko, 23na ebirore, ne chianga chi’egatani chie rigori rinene, na ebigogwa, na ebietubo.
24Ribaga ri’ogotioka okuya nobogundo borabeo, ne ribaga ri’orokini nengori erabeo, ne ribaga ri’etukia eroisirie buya nerisio rirabeo, ne ribaga ri’okobeka chiganchwa chi’emeyega mweboyie chigunia, ne ribaga ri’oboseera mbabe namasambo are ekemanyererio gi’okobugwa.
25Abanto baino mbaitwe nemioro, na abarwani baino chituoni mbakwere ase esegi. 26Ebiita bi’omochie oyio mbirere na kobokia amagombo; nigo oraikaranse inse obe otigarete bosa.
Currently Selected:
ISAYA 3: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ISAYA 3
3
Yerusalemu ogotantanigwa
1Naama! Omonene, oyore Omonene bw’Emeganda, narusie korwa ase Yerusalemu, na korwa ase Abayuda, kera egento basemeretie na ebi begenete; narusieo endagera yonsi, na amache onsi. 2Narusie korwao abanto bare chituoni na abarwani bande b’esegi, na abagambi ebina, na ababani, na abaringoria, na abagaaka, 3na abatang’ani b’abarwani emerongo etano, na abanto abasike, na abasemia, na abaroisia abang’aini, na abaragori bamanyete oborogi mono. 4Nigo agoteba: “Nimbeke abasae babe abanene babo, na abataraisana kogamba babagambere.” 5Abanto mbachandane, kera omonto nabe ogochanda oyonde, na kera omonto nabe ogochanda omogisangio oye; omwana omoke naenenere omonto omogotu, na omonto otarochi nchera nachaye omonto osikire.
6Engaki eyio omonto nabwate oyomwabo baiboire komo amotebie, “Aye nobwate chianga okobeka, ase ayio kabe omogambi oito, otenenere obogambi obo bwanyegerigwe.”
7Korende ase rituko erio oyio nakane bokong’u, atebe, “Inche tinkonyara koba omogwenia; ase enyomba yane endagera teiyo, gose eanga, ase ayio timokonyara kombeka imbe omoraai bw’abanto.”
8Yerusalemu otagoirwe, na Abayuda bagure, ekiagera chinkwana chiabo na ogokora kwabo biabeire mamincha y’Omonene, na ase engencho eyio bagechirie amaiso ’Omonene ore nobonene. 9Okororekana kw’amaiso abo kwababereire kirori; nigo bakoraria ebibe biabo buna Abasodomu bakorete, tibari kobibisa. Obobe nobwabo! Barabwo abanyene berenteire obobe obwo.
10Tebia abanyene oboronge ng’a amang’ana nabe amaya asebare, barabwo mbarie okwama kw’ogokora kwabo. 11Obobe nobwabo abakori amabe! Amang’ana nabe amabe asebare, ekiagera aya amaboko abo abeire agokora, naro barakorerwe abanyene.
12Abanto baane nigo bagochandwa nabana, na abakungu nabwo bakobagambera. Inwe abanto baane, abaraai baino babatantanirie enchera, babasiririe ase enchera mogoeta.
Omonene okonachera ebisaku ekina
13Omonene obeire ang’e korenta ekina, otenenire konachera ebisaku ekina. 14Omonene nachake kogambia abagaaka na abagambi b’abanto baye, atebe, “Ninwe mwarire omogondo one bw’emesabibu, na ebisakorwa bi’abataka nigo bire ase chinyomba chiaino. 15Omonene Nyasae bw’Emeganda, nigo akoboria iga: Ninki mokorengereria goika mwasunyuntire abanto baane na gosia amasio ’abataka?”
Ogokurerwa kw’abakungu ba Yerusalemu
16Omonene nigo agoteba, “Abakungu ba Sayoni nigo bare aberori, nigo bagotaara basongorete amagoti, na bagoaka‐akania amaiso are nokogania okobe; nigo bagotira‐tiria kobakogenda na kwogia chinchigiri chire amagoro abo. 17Ase ayio Omonene nae abakungu ba Sayoni oborwaire bw’ogosunyora chitukia chiabo, naende abaasiorie chianga abatige bare getirianda.”
18Ase rituko erio Omonene nabaure ebinto bionsi bechaberete: ebitange bi’amagoro, na ebitinti, ne chisonoi chi’amagoti, 19na ebigera bi’amato, ne chitaai chi’amaboko, na ebiechabero bia metwe, 20na ebinyuri bi’amagoro, ne chinkini chi’okweboeria, ne chichuba chire namaguta agotioka, na ebite bi’ogwekong’era, 21ne chibonyi chire nebimanyererio, na ebigera bie chimioro, 22ne chiganchwa chi’emeyega, ne chigoti chi’okwambara, na ebiambaro bi’amareko, na emebuko ya koboko, 23na ebirore, ne chianga chi’egatani chie rigori rinene, na ebigogwa, na ebietubo.
24Ribaga ri’ogotioka okuya nobogundo borabeo, ne ribaga ri’orokini nengori erabeo, ne ribaga ri’etukia eroisirie buya nerisio rirabeo, ne ribaga ri’okobeka chiganchwa chi’emeyega mweboyie chigunia, ne ribaga ri’oboseera mbabe namasambo are ekemanyererio gi’okobugwa.
25Abanto baino mbaitwe nemioro, na abarwani baino chituoni mbakwere ase esegi. 26Ebiita bi’omochie oyio mbirere na kobokia amagombo; nigo oraikaranse inse obe otigarete bosa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020