OMORANDIA 10
10
1Chingi chikwete nigo chikogundia amaguta akweakwa atioka bobe; naboigo na oboriri obosinini bokobua obong’aini na amasikani.
2Enkoro y’omonto omong’aini nigo ekomoraa gochia borio, korende ey’omoriri nigo ekomoraa gochia bomosi. 3Ekero omonto omoriri agotaara inchera nigo akoborwa okomanya, na igo omanyia kera omonto ng’a ere nomoriri.
4Omogambi karabe nendamwamu asore, tobaisa gotiga emeremo yao, ekiagera oboremereria nigo boragere ebibe ebinene biaberwe.
5Aiga inse y’erioba narorire obobe, na obobe obo nigo bokorentwa nabagambi: 6Omoriri nigo akoegwa amasikani amanene, ekero abanto abanda bagendererete goikaransa aase a inse. 7Narorire abasomba bariinete chibarasi, na abagambi bagotaara namagoro buna abasomba.
8Omonto ogokunya eirima, nere oragwe imeo, na oyo okobochora enyasi, eng’iti engenda inse nemorome. 9Oyo ogwatia amagena nigo araakwe naro, na oyo ogwatia emete, ande nanyore obokong’u asero. 10Onye omonto tagotieria ekioma ekero giatuire, rirorio goika abeke chinguru chinyinge ase ogokora emeremo nakerokio, korende obong’aini nigo bogokonya omonto abue. 11Omoebia ching’iti chingenda inse aise gotiga eng’iti emorome ritang’ani atarayeebia, rirorio omoebia oyio nigo arabe bosa. 12Amang’ana akorua ase omonto omong’aini nigo akogera bwanchwa, korende aya akorua ase ebikoba bi’omoriri nigo akomosiria. 13Oyio omoriri nigo agochaka gokwana amang’ana ’oboriri, naende oyakoora nobobarimo. 14Omoriri nigo are omonyamang’ana mange. Monto onde tamanyeti aya agochia koba. Ning’o oranyare komotebia ekegochia koba korwa nyuma yaye.
15Emeremo y’omoriri nigo ekomorosia, goika osinywa komanya enchera ekogenda ase omochie.
16Obobe nobwao, aye ense, ekero omoruoti oo are omwana, na abagambi bao bakobeera ase emeyega y’okwegokia ase chingaki chia mambia. 17Nosesenirie aye ense, ekero omoruoti oo are omonto omosike na omosibore; na abagambi bao bakoragera ase engaki egwenerete, ase okonyora chinguru, korende tari ase ogotinda.
18Ekero omonto are omworo ekerama ki’enyomba yaye nigo gekogwa, na ase engencho y’obworo obwo embura nigo egotwa imeo.
19Emeyega ye chindagera nigo ekorenta omogoko, na edivai nigo egokora omonto bweigwa buya, na ase chibesa nonyare kogora ebinto bionsi.
20Tobaisa koragereria omoruoti nonya nase ebirengererio biao, gose tobaisa koragereria omonto omonda ekero ore ase akanyomba kao g’okorara. Oise gokora bo, enyoni nebaise koira amang’ana ao, gose egetongwa kere ne chimbaba ngetebe amang’ana ayio.
Currently Selected:
OMORANDIA 10: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
