ABAKOLASAI 4

1Inwe abanene, kae abasomba baino ekere kia boronge, mokomanya ng’a nainwe more n’Omonene igoro.

Ogosorora

2Mogenderere nogosaba, morende ase korokwo, na koiraneria ng’a mbuya mono; 3na gotosabera intwe boigo, erinde Nyasae atoigorere egesieri ase ring’ana riaye, erio tokwane obobisi bwa Kristo, naki nase engencho y’ayio nasibirwe. 4Mosabe ng’a mboorokie buna ngwenerete koboorokia.

5Mogenderere ase obong’aini ase amasio ’abanto abare isiko, na renda engaki yaino. 6Botambe chinkwana chiaino chibe chinyororo, chinywere buna omonyo, erinde momanye buna mogwenerete koiraneria kera omonto.

Amakwania ’ogokoorera

(Ef 6:21–22)

7Tukiko oyominto omwanchwa, omosomba omwegenwa, omosomba amo nainche ase Omonene, nabamanyie amang’ana aane onsi. 8Namotomire ere asemore ase engencho eyio eyio, erinde momanye amang’ana aito, naende ere naremie chinkoro chiaino. 9Amo nere natomire Onesimo, oyominto omwegenwa, omwanchwa, oyore oyomo oino. Barabwo nababamanyie onsi ayare aiga asetore.

10Aristariko, oyosibetwe amo nainche, obakwanirie, na Mariko, omoigwa o Barnaba (mwanyorire ogotebererigwa igoro yaye; karaike seino momoroisie). 11Naende Yeso, oyokorokwa Yusto, obakwanirie. Abwo nabwo boka ase abarogete bare abakori emeremo amo nainche ase engencho y’oboruoti bwa Nyasae; na barabwo nigo barenge kondemia. 12Epafara oyore oyomo oino, omosomba o Kristo Yeso, obakwanirie. Ere okorire omokia ase okobainyora ase ogosaba kwaye, erinde monyare gotenena more abaikeranu, abamanyete mono ogwancha gwonsi kwa Nyasae. 13Naki namobereire kirori, ng’a nare nomokia omonge mono ase engencho yaino, na ase engencho y’abwo bare Laodikia na Hieropoli. 14Luka, oria omorwaria omwanchwa, na Dema babakwanirie. 15Nkwanerie abaminto abare Laodikia, na Nimfa, na ekanisa ere ase enyomba yaye. 16Rirube eri karirasomwe asemore, tiga risomwe naende ase ekanisa ya Laodikia; na riria rikorwa Laodikia risomwe asemore boigo. 17Motebie Arikipo arigererie mono obosomba boria aetwe korwa ase Omonene, erinde aboikeranie.

18Oko nogokwania kwane, inche Paulo, ase okoboko kwane omonyene. Moinyore ebisibo biane. Obuya bobe amo nainwe.

Currently Selected:

ABAKOLASAI 4: EKEGUSIIBBLE

Highlight

Copy

Compare