AMOSI 8
8
Amaroro igoro y’egetonga kere namatunda
1Aya naro Omonene Nyasae anyorogetie ase amaroro: Nkarora egetonga kere namatunda amatobu. 2Omonene akamboria, “Amosi, ngento ki eke oroche?”
Nkamoiraneria, nkamotebia, “Negetonga kere namatunda amatobu.”
Erio Omonene agantebia, “Omoerio ocheire abanto baane Abaisraeli. Tinkobaetania nonya ng’ake.” 3Omonene Nyasae nigo agoteba iga: “Ase rituko erio amatera agoterwa ase chihekalu naonchoke abe okorera gw’okweumia. Emebere y’abanto bakwete nigo erabe emenge aande onsi; abanto nigo barabe bakoyetuguta bakirete‐kiri.”
Okogambigwa kw’Abaisraeli
4Inwe aba mokourereria abaremeire na gosiria abataka bare ase ense, igwa amang’ana aya. 5Inwe nigo mogoteba, “Ndiriri omoyega bw’Omotienyi Omoyia oraere, erinde toonie chimbusuro chiaito? Naende ndiriri Esabato eraere, erinde toonie engano? Erio toyerenge nekemunu egeke, na tokinie rigori ri’esekeli, naende tobe tokong’ainereria nebirengero bi’obourereria. 6Boigo togore abataka ase rigori rie chifeta, na abaremerwa ase rigori ri’ebikoroto bibere, na toonie engano embe ere namakoyo buna eyere engiya.”
7Omonene otianire ase Oyore Obonene bw’abanto ba Yakobo, ogoteba, “Ekeene, tinkweba ogokora kwabo nonya ng’ake. 8Inee! Ense tegotengechigwa ase engencho eyio, na kera omonto omenyete imeo arere na kobokia amagombo. Ee, ense engima nenyegerigwe na koimokererigwa igoro buna orooche rwa Naili roichire, nigo egotwoma‐twomana, naende yairana inse, buna orooche roria rwa Misiri” 9Omonene nigo agoteba iga: “Ase rituko erio nintige erioba rigwe mobaso gati, na nindete omosunte ase ense ekero omobaso obarete. 10Ning’onchore emeyega yaino ebe ebirero, na amatera aino abe okorera gw’okobokia amagombo. Nindete omoichano ase abanto bonsi, erio beboyie chigunia, na kera omonto akigite etukia y’omotwe oye. Mbatige mobe buna omonto okoreera omwana oye omomoima, na omoerio oye nobe rituko ri’obororo.”
11Omonene Nyasae nigo agoteba iga: “Rora, amatuko ngocha are, ndarente enchara ase ense, tari enchara y’endagera, gose tari erang’o y’amache, korende nenchara ye ringana ri’Omonene. 12Abanto mbatayaye korwa ase enyancha goika ase enyancha ende, na korwa sugusu goika moocha; mbaminyoke gochia aaria na aaria, babe bakorigia ring’ana ri’Omonene, korende tibakorinyora. 13Ase rituko erio abaiseke abekungi abanyabieni na abamura mbagoyane ase okoba nerang’o. 14Abanto abwo bagotiana ase ebibe bi’Abasamaria, bagoteba: Aye Dani, ekeene, buna enyasae yao ere moyo, naende bateba: Ekeene, buna enchera egochia Beeri‐Seba egendererete kobao, abanto abwo goika bagwe, tibaboka rinde.”
Currently Selected:
AMOSI 8: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
AMOSI 8
8
Amaroro igoro y’egetonga kere namatunda
1Aya naro Omonene Nyasae anyorogetie ase amaroro: Nkarora egetonga kere namatunda amatobu. 2Omonene akamboria, “Amosi, ngento ki eke oroche?”
Nkamoiraneria, nkamotebia, “Negetonga kere namatunda amatobu.”
Erio Omonene agantebia, “Omoerio ocheire abanto baane Abaisraeli. Tinkobaetania nonya ng’ake.” 3Omonene Nyasae nigo agoteba iga: “Ase rituko erio amatera agoterwa ase chihekalu naonchoke abe okorera gw’okweumia. Emebere y’abanto bakwete nigo erabe emenge aande onsi; abanto nigo barabe bakoyetuguta bakirete‐kiri.”
Okogambigwa kw’Abaisraeli
4Inwe aba mokourereria abaremeire na gosiria abataka bare ase ense, igwa amang’ana aya. 5Inwe nigo mogoteba, “Ndiriri omoyega bw’Omotienyi Omoyia oraere, erinde toonie chimbusuro chiaito? Naende ndiriri Esabato eraere, erinde toonie engano? Erio toyerenge nekemunu egeke, na tokinie rigori ri’esekeli, naende tobe tokong’ainereria nebirengero bi’obourereria. 6Boigo togore abataka ase rigori rie chifeta, na abaremerwa ase rigori ri’ebikoroto bibere, na toonie engano embe ere namakoyo buna eyere engiya.”
7Omonene otianire ase Oyore Obonene bw’abanto ba Yakobo, ogoteba, “Ekeene, tinkweba ogokora kwabo nonya ng’ake. 8Inee! Ense tegotengechigwa ase engencho eyio, na kera omonto omenyete imeo arere na kobokia amagombo. Ee, ense engima nenyegerigwe na koimokererigwa igoro buna orooche rwa Naili roichire, nigo egotwoma‐twomana, naende yairana inse, buna orooche roria rwa Misiri” 9Omonene nigo agoteba iga: “Ase rituko erio nintige erioba rigwe mobaso gati, na nindete omosunte ase ense ekero omobaso obarete. 10Ning’onchore emeyega yaino ebe ebirero, na amatera aino abe okorera gw’okobokia amagombo. Nindete omoichano ase abanto bonsi, erio beboyie chigunia, na kera omonto akigite etukia y’omotwe oye. Mbatige mobe buna omonto okoreera omwana oye omomoima, na omoerio oye nobe rituko ri’obororo.”
11Omonene Nyasae nigo agoteba iga: “Rora, amatuko ngocha are, ndarente enchara ase ense, tari enchara y’endagera, gose tari erang’o y’amache, korende nenchara ye ringana ri’Omonene. 12Abanto mbatayaye korwa ase enyancha goika ase enyancha ende, na korwa sugusu goika moocha; mbaminyoke gochia aaria na aaria, babe bakorigia ring’ana ri’Omonene, korende tibakorinyora. 13Ase rituko erio abaiseke abekungi abanyabieni na abamura mbagoyane ase okoba nerang’o. 14Abanto abwo bagotiana ase ebibe bi’Abasamaria, bagoteba: Aye Dani, ekeene, buna enyasae yao ere moyo, naende bateba: Ekeene, buna enchera egochia Beeri‐Seba egendererete kobao, abanto abwo goika bagwe, tibaboka rinde.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020