AMOSI 7
7
Amaroro igoro ye chingige
1Aya naro Omonene Nyasae anyorogetie ase amaroro: Nkamorora ogotonga chingige ekero obonyansi bwachagete goseboka; okwo nogoseboka gwa kabere ekero obonyansi bw’omoruoti konya bwagekirwe. 2Ekero chingige chiria chiakoorire koria ebimeri bionsi bi’ense, inche ngasaba, ngateba, “Aye Omonene Nyasae, nagosoroire bwabere! Naki abanto b’ororeria rwa Yakobo baranyare koba moyo, ekero bare abake iga?”
3Ase ayio, Omonene akaonchora ebirengererio biaye, agateba, “Ayio bono takoba bo.”
Amaroro igoro y’omorero
4Aya naro Omonene anyorogetie ase amaroro: Nkarora Omonene Nyasae ogocha korua egesusuro goetera ase omorero; omorero oyio ogasamba chindiba chinene, naende ogachaka gosamba nense ekoremwa. 5Erio nkamotebia, “Aye Omonene Nyasae, nagosoroire, tiga tobaisa gokora ayio. Naki abanto b’ororeria rwa Yakobo baranyare koba moyo ekero bare abake iga?”
6Erio Omonene Nyasae akaonchora ebirengererio biaye, agateba, “Naya boigo takoba bo.”
Amaroro igoro y’ekebiro gi’okorengera
7Aya naro Omonene anyorogetie ase amaroro: Nkamorora oteneine igoro y’orwaki rwaagachetwe ase okorengwa nekebiro, na ase okoboko kwaye nabwate ekebiro. 8Omonene akamboria, “Amosi, ngento ki eke oroche?”
Nkamoiraneria, nkamotebia, “Eke nekebiro.”
Erio Omonene agantebia, “Rora, nindenge abanto baane Abaisraeli nekebiro eke. Tinkobaetania nonya ng’ake. 9Aase aimokererete igoro, ase abanto b’ororeria rwa Isaka bagosasimera bosa, na aase ande onsi Abaisraeli bagosasimera natagorwe abe bosa. Ning’ite abanto b’enyomba ya Yeroboamu nemioro.”
Amosi na Amasia
10Erio Amasia, omokuani o Beteli, agatoma amang’ana ase Yeroboamu, omoruoti bw’Abaisraeli, komotebia, “Amosi oseegetire Abaisraeli bonsi babe mamincha yao; na ense eye tekonyara koremereria amang’ana aye onsi. 11Amang’ana aya naro akwanire: Yeroboamu naitwe nemioro, na Abaisraeli mbarusigwe ase ense yabo bairwe ase obosomba.”
12Naende Amasia agatebia Amosi, “Aye omorori, tama ogende ase ense y’Abayuda; aroro agwo nonyore endagera okoria, na obe gokobanera aroro. 13Korende tobaisa kobanera aiga Beteli naende nonya ng’ake, ekiagera aiga naase aachenu a omoruoti, naende aa nao hekalu y’obogambi bwonsi.”
14Erio Amosi akairaneria Amasia, akamotebia, “Inche tindi omobani, gose omwana bw’omobani bworokereretigwe obobani, nigo narenge omorisia, naende omorendi bw’emeko. 15Korende Omonene akandusia korwa ase narenge korisia ching’ondi, agantebia: Genda obanere abanto baane Abaisraeli. 16Ase ayio, igwa ring’ana ri’Omonene. Aye nigo ogonkania ng’a timbaisa kobana mamincha y’Abaisraeli na tindandia mamincha y’ororeria rwa Isaka. 17Ase ayio, aya naro amang’ana Omonene agoteba: Mokao nabe omotayayi, abe ogokora obonyaka ase omochie omonene, na abana bao, abamura na abaiseke, mbaitwe nemioro. Oboremo bwao mbwatananwe ase okorengwa nengori; aye omonyene nokwere ase ense etachenegeti. Abaisraeli goika barusigwe ase ense yabo, bairwe ase obosomba.”
Currently Selected:
AMOSI 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
AMOSI 7
7
Amaroro igoro ye chingige
1Aya naro Omonene Nyasae anyorogetie ase amaroro: Nkamorora ogotonga chingige ekero obonyansi bwachagete goseboka; okwo nogoseboka gwa kabere ekero obonyansi bw’omoruoti konya bwagekirwe. 2Ekero chingige chiria chiakoorire koria ebimeri bionsi bi’ense, inche ngasaba, ngateba, “Aye Omonene Nyasae, nagosoroire bwabere! Naki abanto b’ororeria rwa Yakobo baranyare koba moyo, ekero bare abake iga?”
3Ase ayio, Omonene akaonchora ebirengererio biaye, agateba, “Ayio bono takoba bo.”
Amaroro igoro y’omorero
4Aya naro Omonene anyorogetie ase amaroro: Nkarora Omonene Nyasae ogocha korua egesusuro goetera ase omorero; omorero oyio ogasamba chindiba chinene, naende ogachaka gosamba nense ekoremwa. 5Erio nkamotebia, “Aye Omonene Nyasae, nagosoroire, tiga tobaisa gokora ayio. Naki abanto b’ororeria rwa Yakobo baranyare koba moyo ekero bare abake iga?”
6Erio Omonene Nyasae akaonchora ebirengererio biaye, agateba, “Naya boigo takoba bo.”
Amaroro igoro y’ekebiro gi’okorengera
7Aya naro Omonene anyorogetie ase amaroro: Nkamorora oteneine igoro y’orwaki rwaagachetwe ase okorengwa nekebiro, na ase okoboko kwaye nabwate ekebiro. 8Omonene akamboria, “Amosi, ngento ki eke oroche?”
Nkamoiraneria, nkamotebia, “Eke nekebiro.”
Erio Omonene agantebia, “Rora, nindenge abanto baane Abaisraeli nekebiro eke. Tinkobaetania nonya ng’ake. 9Aase aimokererete igoro, ase abanto b’ororeria rwa Isaka bagosasimera bosa, na aase ande onsi Abaisraeli bagosasimera natagorwe abe bosa. Ning’ite abanto b’enyomba ya Yeroboamu nemioro.”
Amosi na Amasia
10Erio Amasia, omokuani o Beteli, agatoma amang’ana ase Yeroboamu, omoruoti bw’Abaisraeli, komotebia, “Amosi oseegetire Abaisraeli bonsi babe mamincha yao; na ense eye tekonyara koremereria amang’ana aye onsi. 11Amang’ana aya naro akwanire: Yeroboamu naitwe nemioro, na Abaisraeli mbarusigwe ase ense yabo bairwe ase obosomba.”
12Naende Amasia agatebia Amosi, “Aye omorori, tama ogende ase ense y’Abayuda; aroro agwo nonyore endagera okoria, na obe gokobanera aroro. 13Korende tobaisa kobanera aiga Beteli naende nonya ng’ake, ekiagera aiga naase aachenu a omoruoti, naende aa nao hekalu y’obogambi bwonsi.”
14Erio Amosi akairaneria Amasia, akamotebia, “Inche tindi omobani, gose omwana bw’omobani bworokereretigwe obobani, nigo narenge omorisia, naende omorendi bw’emeko. 15Korende Omonene akandusia korwa ase narenge korisia ching’ondi, agantebia: Genda obanere abanto baane Abaisraeli. 16Ase ayio, igwa ring’ana ri’Omonene. Aye nigo ogonkania ng’a timbaisa kobana mamincha y’Abaisraeli na tindandia mamincha y’ororeria rwa Isaka. 17Ase ayio, aya naro amang’ana Omonene agoteba: Mokao nabe omotayayi, abe ogokora obonyaka ase omochie omonene, na abana bao, abamura na abaiseke, mbaitwe nemioro. Oboremo bwao mbwatananwe ase okorengwa nengori; aye omonyene nokwere ase ense etachenegeti. Abaisraeli goika barusigwe ase ense yabo, bairwe ase obosomba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020