2 YOHANA 1
1
Ogokwania
1Inche omogaaka ngokorikera nde aye omokungu omochore amo nabana bao, inwe abwo nyanchete ase ekeene. Tari inche bweka mbanchete, korende nabaria bonsi abamanyete ekeene. 2Twabanchire ase engencho y’ekeene eke geikaransete ime yaito, kerokio inakebe amo naintwe goika kare na kare.
3Obuya, na amabera, na omorembe bikorwa ase Nyasae Tata na ase Yeso Kristo, Omwana o Tata, nigo birabe amo naintwe ase ekeene na ase obwanchani.
Tenena ase okworokereria gwa Kristo
4Nagokire mono ekiagera narorire abande ase abana bao bagendererete ase ekeene, buna Tata atochikerete. 5Na bono, omokungu, nakoboririe ng’a twanchane intwe ase intwe. Tari ng’a nogochika okoyia ngokorikera, korende nkoria twarenge nakorokwo korwa ritang’ani. 6Obo nabwo obwanchani ng’a togenderere ase amachiko aye. Oko nakwo ogochika koria mwaigwete korwa ritang’ani, ng’a mogenderere ase obwanchani. 7Naki abang’ainereria abange basokire gochia ase ense, abatari koorokia Yeso Kristo ng’a ochire ase omobere. Oyore buna abwo, nere oria omong’ainereria, naende nomobisa o Kristo. 8Erigererie inwe abanyene timosiria aya twabarenteire, korende monyore eng’eria eng’ikeranu. 9Onde bwensi oragenderere goetania, na tari gotenena ase okworokereria gwa Kristo, oyio tari na Nyasae. Ere oyogotenena ase okworokereria okwo, oyio nigo are nabwo babere, Ise na Omwana. 10Omonto karache asemore, na ere tarenteti okworokereria okwo, timomoroisia ase enyomba yaino, gose timomokwania. 11Naki ere oyoramokwanie igo obwatanire nemeremo yaye emebe.
Amakwania ’ogokoorera
12Nonya mbwate amang’ana amange nanga nabarikera, tindigeti koyarika ase ekaratasi na ewino, korende ninsemeretie gocha asemore gokwana nainwe obosio ase obosio, erinde omogoko oito oikeranigwe.
13Abana ba mosubati omino omochore bagokwanirie.
Currently Selected:
2 YOHANA 1: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
