2 ABAKORINTO 9
9
1Ase amang’ana ay’ogokorera abachenu, tindi nengencho y’okobarikera. 2Naki namanyire okwebeka ang’e kwaino, okwo netogeretie ase Abamakedonia, ngoteba ng’a abanto b’Akaya nigo bebegete ang’e korwa omwaka oeta, na omokia oino osukirie abange asebare. 3Korende natomire abwo baminto, erinde ogwetogia gwaito igoro yaino tikobaisa koba okwa bosa ase ring’ana eri, erinde monyare kwebeka ang’e buna natebete. 4Onye Abamakedonia bande bagocha amo nainche na tobanyore timorebeka ang’e, titocha gosooka, ekero tobasemeretie inwe. Titokwana igoro y’obosooku bwaino. 5Nabo narorire ng’a ningwenerete ntebie abaminto aba bantang’ane gocha asemore, na koroisia bwango ekeegwa kiaino keria mwarierete eira y’okorua korwa kare, erinde kenyare koba ang’e, buna ekeegwa, gose tari buna egento gekorugwa ase obong’iti.
Okorua kw’ebiegwa ebinge, na ekeegwa kia Nyasae ase Kristo
6Korende inyora aya, oyogosimeka ebike nigo akogesa ebike; oyogosimeka ebinge nigo akogesa ebinge. 7Kera omonto tiga arue buna arengereretie ase enkoro yaye, tari ase ogoichana, gose tari ase okobetererigwa, ekiagera Nyasae bwanchire ere oyokorua nomogoko. 8Na Nyasae nanyare kobaichoria nobuya bwonsi ase obonge, erinde monyare koba nogoisaneka gwonsi ase ebinto bionsi, monyare komenta mono ase ogokora okuya, 9buna erikire,
“Osiareire ebiegwa biaye, obieire abataka,
oboronge bwaye nigo boikaransete goika kare na kare.”
10Nere oyokorua chimbusuro na koa oyo okobusura, naende arua omogati ase okoria, nabae inwe chimbusuro, naende nachibuchie, ere nabamenteranie okwama kw’oboronge bwaino. 11Ekiagera mwatenenkigwe ase ebinto bionsi monyare koba nokorua gwonsi gokogera Nyasae aakerwe ng’a mbuya mono goetera ase emeremo yaito. 12Naki emeremo y’ogokora oko teri goisanera abachenu okoremerwa kwabo gwoka, korende yamentekire mono egere Nyasae aakerwe ng’a mbuya mono ara aange. 13Ekiagera mwaorokirie ng’a namotenene ase okorua okwo, nabamotogie Nyasae ase okoigwera kwaino ase ogwatora enchili ya Kristo, na ase okorua kwaino mwakoreire barabwo na abanto bonsi. 14Na barabwo abanyene, kobakobasabera inwe, bare namaiga amange asemore, ekiagera ase obuya boria bwa Nyasae obwo bwamentekire mono ime asemore. 15Nyasae aakerwe ng’a mbuya mono ase engencho y’ekeegwa kiaye, totanyare kogiatora buna egwenerete!
Currently Selected:
2 ABAKORINTO 9: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 ABAKORINTO 9
9
1Ase amang’ana ay’ogokorera abachenu, tindi nengencho y’okobarikera. 2Naki namanyire okwebeka ang’e kwaino, okwo netogeretie ase Abamakedonia, ngoteba ng’a abanto b’Akaya nigo bebegete ang’e korwa omwaka oeta, na omokia oino osukirie abange asebare. 3Korende natomire abwo baminto, erinde ogwetogia gwaito igoro yaino tikobaisa koba okwa bosa ase ring’ana eri, erinde monyare kwebeka ang’e buna natebete. 4Onye Abamakedonia bande bagocha amo nainche na tobanyore timorebeka ang’e, titocha gosooka, ekero tobasemeretie inwe. Titokwana igoro y’obosooku bwaino. 5Nabo narorire ng’a ningwenerete ntebie abaminto aba bantang’ane gocha asemore, na koroisia bwango ekeegwa kiaino keria mwarierete eira y’okorua korwa kare, erinde kenyare koba ang’e, buna ekeegwa, gose tari buna egento gekorugwa ase obong’iti.
Okorua kw’ebiegwa ebinge, na ekeegwa kia Nyasae ase Kristo
6Korende inyora aya, oyogosimeka ebike nigo akogesa ebike; oyogosimeka ebinge nigo akogesa ebinge. 7Kera omonto tiga arue buna arengereretie ase enkoro yaye, tari ase ogoichana, gose tari ase okobetererigwa, ekiagera Nyasae bwanchire ere oyokorua nomogoko. 8Na Nyasae nanyare kobaichoria nobuya bwonsi ase obonge, erinde monyare koba nogoisaneka gwonsi ase ebinto bionsi, monyare komenta mono ase ogokora okuya, 9buna erikire,
“Osiareire ebiegwa biaye, obieire abataka,
oboronge bwaye nigo boikaransete goika kare na kare.”
10Nere oyokorua chimbusuro na koa oyo okobusura, naende arua omogati ase okoria, nabae inwe chimbusuro, naende nachibuchie, ere nabamenteranie okwama kw’oboronge bwaino. 11Ekiagera mwatenenkigwe ase ebinto bionsi monyare koba nokorua gwonsi gokogera Nyasae aakerwe ng’a mbuya mono goetera ase emeremo yaito. 12Naki emeremo y’ogokora oko teri goisanera abachenu okoremerwa kwabo gwoka, korende yamentekire mono egere Nyasae aakerwe ng’a mbuya mono ara aange. 13Ekiagera mwaorokirie ng’a namotenene ase okorua okwo, nabamotogie Nyasae ase okoigwera kwaino ase ogwatora enchili ya Kristo, na ase okorua kwaino mwakoreire barabwo na abanto bonsi. 14Na barabwo abanyene, kobakobasabera inwe, bare namaiga amange asemore, ekiagera ase obuya boria bwa Nyasae obwo bwamentekire mono ime asemore. 15Nyasae aakerwe ng’a mbuya mono ase engencho y’ekeegwa kiaye, totanyare kogiatora buna egwenerete!
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020