2 ABAKORINTO 8
8
Ogosangererigwa kw’ebiegwa ase abataka ba Yerusalemu
1Bono nkobamanyia tore inwe abaminto amang’ana ’obuya bwa Nyasae, obo chikanisa chia Makedonia chiaetwe. 2Naki baria bateemetwe nemechando emenge. Nonya barenge abataka mono, omogoko obo omonge okagera bakamenta okorua kwabo. 3Naki nababereire kirori ng’a nigo baruete ase omoyo bw’ogwancha, ase okonyara kwabo, na goetania okonyara kwabo. 4Barabwo bagatosaba na gotosorora mono tobae ribaga babwatane naintwe ase ogokorera abachenu. 5Naende bagakora buna totasemeretie; ritang’ani bakerua abanyene ase Omonene, erio asetore ase ogwancha kwa Nyasae. 6Togasorora Tito aikeranie emeremo y’obuya obo buna ayechagete ase egati yaino. 7Korende buna more nobonge bw’ebinto bionsi: okwegena, na ogokwana, na obong’aini, na omokia bwonsi, na obwanchani bwaino asetore buna tobanchete inwe, nabo mobe nobonge bw’obuya obo bwonsi.
Yeso bweruete koba omogwekano
8Tinkwaneti aya ase okobachika, korende ase omokia bw’abanto bande nteeme ekeene ki’obwanchani bwaino. 9Naki mwamanyire obuya bw’Omonene oito Yeso Kristo buna ekorete omotaka ase engencho yaino, nonya orenge omonda, erinde inwe monyare koba abanda ase obotaka bwaye. 10Na inche ase ring’ana eri nabaeire ay’ogosemia kwane, mbuya asemore mokoore emeremo eyio eyio mwarenge abachaki koyekora omwaka oeta. Timware koyekora rioka, korende boigo mware nokogania gw’okoyekora. 11Bono moikeranie ogokora okwo, erinde buna mwarenge nokogania koroisia omoroberio, naboigo mobe ang’e koyoikerania ase ebi more nabio. 12Naki aase ogwancha kore, iga bigwancherwa koreng’ana nebi omonto are nabio, tari ase ebi atabwati. 13Naki tindi goteba aya, erinde abande babatigere na inwe moritoerwe, korende amang’ana abe areng’aine. 14Ekero eke kia bono obonge bwaino bobakonye ase okoremerwa kwabo; ekero kende obonge bwabo bobakonye inwe ase okoremerwa kwaino; erio amang’ana abe areng’aine. 15Buna erikire, “Oyosangereretie ebinge tamenteiri, nere oyosangereretie ebike taremeiri.”
Obotomwa bwa Tito na obw’abande
16Korende Nyasae aakerwe ng’a mbuya mono, oyobekire enkoro ya Tito omokia gocha asemore. 17Naki igo abwatete ogosorora gwaito; kobua ayio, ere akamenta koba nomokia gocha asemore ase ogwancha kwaye omonyene. 18Amo nere twatomire oyominto oria omanyekanete ase chikanisa chionsi ase okorandia kwaye kw’amang’ana amaya. 19Gose tari ase ayio oka, korende nigo achoretwe ne chikanisa agende amo naintwe ase emeremo eye y’obuya obo togokora ase obonene bw’Omonene, na koorokia ng’a intwe nigo tore ang’e kobakorera. 20Twerende ne ring’ana eri, omonto tacha gotokwana bobe ase amang’ana ’ekeegwa eke tokogaba intwe. 21Gatoraganie korengereria ayare amaya, tari ase obosio bw’Omonene bweka, korende nonya nase obosio bwa mwanyabanto. 22Amo nabarabwo twatomire oyominto oyotwarorire ara aange ase amang’ana amange ng’a nare nomokia, na bono nare nomokia kobua, ekiagera ase ogosemeria are nakorokwo asemore. 23Nabo omonto karaganie komanya amang’ana igoro ya Tito; ere nesemba yane, naende nomokori emeremo amo nainche ase okobakorera inwe; naende karaganie komanya amang’ana igoro y’abaminto barabwo nabatomwa be chikanisa, naende obonene bwa Kristo. 24Nabo moorokie ase obosio bwe chikanisa obwanchani bwaino, na ogwetogia gwaito ase engencho yaino asebare.
Currently Selected:
2 ABAKORINTO 8: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 ABAKORINTO 8
8
Ogosangererigwa kw’ebiegwa ase abataka ba Yerusalemu
1Bono nkobamanyia tore inwe abaminto amang’ana ’obuya bwa Nyasae, obo chikanisa chia Makedonia chiaetwe. 2Naki baria bateemetwe nemechando emenge. Nonya barenge abataka mono, omogoko obo omonge okagera bakamenta okorua kwabo. 3Naki nababereire kirori ng’a nigo baruete ase omoyo bw’ogwancha, ase okonyara kwabo, na goetania okonyara kwabo. 4Barabwo bagatosaba na gotosorora mono tobae ribaga babwatane naintwe ase ogokorera abachenu. 5Naende bagakora buna totasemeretie; ritang’ani bakerua abanyene ase Omonene, erio asetore ase ogwancha kwa Nyasae. 6Togasorora Tito aikeranie emeremo y’obuya obo buna ayechagete ase egati yaino. 7Korende buna more nobonge bw’ebinto bionsi: okwegena, na ogokwana, na obong’aini, na omokia bwonsi, na obwanchani bwaino asetore buna tobanchete inwe, nabo mobe nobonge bw’obuya obo bwonsi.
Yeso bweruete koba omogwekano
8Tinkwaneti aya ase okobachika, korende ase omokia bw’abanto bande nteeme ekeene ki’obwanchani bwaino. 9Naki mwamanyire obuya bw’Omonene oito Yeso Kristo buna ekorete omotaka ase engencho yaino, nonya orenge omonda, erinde inwe monyare koba abanda ase obotaka bwaye. 10Na inche ase ring’ana eri nabaeire ay’ogosemia kwane, mbuya asemore mokoore emeremo eyio eyio mwarenge abachaki koyekora omwaka oeta. Timware koyekora rioka, korende boigo mware nokogania gw’okoyekora. 11Bono moikeranie ogokora okwo, erinde buna mwarenge nokogania koroisia omoroberio, naboigo mobe ang’e koyoikerania ase ebi more nabio. 12Naki aase ogwancha kore, iga bigwancherwa koreng’ana nebi omonto are nabio, tari ase ebi atabwati. 13Naki tindi goteba aya, erinde abande babatigere na inwe moritoerwe, korende amang’ana abe areng’aine. 14Ekero eke kia bono obonge bwaino bobakonye ase okoremerwa kwabo; ekero kende obonge bwabo bobakonye inwe ase okoremerwa kwaino; erio amang’ana abe areng’aine. 15Buna erikire, “Oyosangereretie ebinge tamenteiri, nere oyosangereretie ebike taremeiri.”
Obotomwa bwa Tito na obw’abande
16Korende Nyasae aakerwe ng’a mbuya mono, oyobekire enkoro ya Tito omokia gocha asemore. 17Naki igo abwatete ogosorora gwaito; kobua ayio, ere akamenta koba nomokia gocha asemore ase ogwancha kwaye omonyene. 18Amo nere twatomire oyominto oria omanyekanete ase chikanisa chionsi ase okorandia kwaye kw’amang’ana amaya. 19Gose tari ase ayio oka, korende nigo achoretwe ne chikanisa agende amo naintwe ase emeremo eye y’obuya obo togokora ase obonene bw’Omonene, na koorokia ng’a intwe nigo tore ang’e kobakorera. 20Twerende ne ring’ana eri, omonto tacha gotokwana bobe ase amang’ana ’ekeegwa eke tokogaba intwe. 21Gatoraganie korengereria ayare amaya, tari ase obosio bw’Omonene bweka, korende nonya nase obosio bwa mwanyabanto. 22Amo nabarabwo twatomire oyominto oyotwarorire ara aange ase amang’ana amange ng’a nare nomokia, na bono nare nomokia kobua, ekiagera ase ogosemeria are nakorokwo asemore. 23Nabo omonto karaganie komanya amang’ana igoro ya Tito; ere nesemba yane, naende nomokori emeremo amo nainche ase okobakorera inwe; naende karaganie komanya amang’ana igoro y’abaminto barabwo nabatomwa be chikanisa, naende obonene bwa Kristo. 24Nabo moorokie ase obosio bwe chikanisa obwanchani bwaino, na ogwetogia gwaito ase engencho yaino asebare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020