2 ABAKORINTO 2

1Korende nkarengereria ase omoyo one, ng’a tingocha seino naende ase okobaichania. 2Naki onye inche nkobaichania, gaki ning’o orangokie, otatiga oria naichanirie? 3Inche nigo nabarikerete ring’ana eri, erinde ngocha ting’ichanigwa na baria bagwenerete kongokia, naki ninsemeretie igoro yaino inwe mwensi, ng’a omogoko one noro oyoino mwensi. 4Naki ase emechando emenge na ase obororo bw’enkoro, naende ase amariga amange nigo nabarikerete, tari ng’a moichanigwe, korende monyare komanya obwanchani bwane obonge inde nabwo asemore.

Omokori bobe oyogweichania nanyore ribaga ri’okoirana

5Korende onye omonto orentire ogoichania, tang’ichaneti inche bweka, korende ase ensemo obaichanirie nainwe mwensi. Ase ogokwana igo, tinkoyakong’ia mono. 6Egesusuro eke omonto onga buna oyio aetwe nabange, nakio kiamoisanete. 7Ribaga ri’aya mbuya mwabere omonto buna oyio na komoremia, tabaisa kobugwa nogoichana, erinde erusie moyo. 8Ase ayio nabasoroire momworokie obwanchani bwaino. 9Eke nakio kiagerete nkabarikera, erinde mbateeme na komanya gose mwabeire abaigweri ase amang’ana onsi. 10Onde bwensi moraabere inwe, nainche nimwabere. Eke naabeire omonto, onye namwabeire egento igo namwabeire ase engencho yaino ase obosio bwa Kristo, 11Saitani tabaisa gotobua; naki intwe titokomocha komanya obong’ainereria bwaye.

Amateemwa na ogochengerwa ase enchili

12Gaki ekero naigete Teroa ase engencho y’okorandia enchili ya Kristo, nkaigorerwa egesieri n’Omonene, 13korende tinanyora ogotimoka ase omoyo one, ekiagera ntanyorete oyominto Tito aroro. Erio nkabatebia ng’a batigare buya, nkaimoka nkagenda Makedonia.

14Nyasae aakerwe ng’a mbuya mono, ere oyogotoraa ase okobua okonene botambe ase Kristo, naende oyogosokia rimisu rigiya goetera asetore, erinde bamomanye kera aase. 15Naki intwe nigo tore ogotioka okuya gwa Kristo ase obosio bwa Nyasae, ase abwo bagotoorigwa, na ase abwo bagosira; 16ase abwo bagosira ogotioka kw’amakweri gokorenta amakweri; ase abwo bagotoorigwa ogotioka kw’obogima gokorenta obogima. Ning’o oraisane ase amang’ana aya? 17Naki intwe titori buna abange abagokora okoonchorana okobe ase ring’ana ria Nyasae; korende buna abanto bagokwana ase oborabu bw’omoyo, buna abanto batomirwe na Nyasae. Ase obosio bwa Nyasae, nigo togokwana, tore ime ase Kristo.

Currently Selected:

2 ABAKORINTO 2: EKEGUSIIBBLE

Highlight

Copy