प्रेरितां 1

परिचय

1आदरणीय थियूफिलुस जी, मैं अपणी पैहली कताब#1:1 पैहली कताब यनिके लूका री लिखिरी खुशखबरी तिन्हां सब्बीं गल्लां रे बारे च लिखी तिन्हांजो जे यीशु शुरु ते करदा कने सखांदा रैया, 2तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था। 3यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां। 4इक मौके पर, ताहली जे यीशु अपणे चेलयां सौगी रोटी खाया राँ था, तां तिने तिन्हांजो ये हुक्म दित्या, “यरूशलेम नगरा जो मता छडदे, पर पिता रे तिस वायदे रे पूरा हुणे रा इन्तजार करदे रौआ, तिसरे बारे च जे तुहें मेरते सुणी चुक्कीरे। 5काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”#1:5 परमेशरा तुहां च वास करने खातर पवित्र आत्मा भेजणातुहां पवित्र आत्मा ते बपतिस्मा पाणा

यीशुये रा स्वर्गा जो जाणा

6इस खातर ताहली जे सै फेरी भीं कट्ठे हुये, तिन्हें यीशुये ते ये स्वाल कित्या, “प्रभु, क्या सै वगत आईगरा ताहली जे तुहां इस्राएल रा राजा बणीने सब्बीं लोकां पर राज करना?” 7यीशुये तिन्हांजो जबाब दित्या, “तिस बगता जो जाणना तुहांरा काम्म निआं, तिन्हांजो जे पिता परमेशरे अपणे अधिकारा च रखीरा। 8पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।” 9ये गल्ल बोलणे ते बाद, ताहली जे चेले देख्या राँ थे तां परमेशर यीशुये जो चक्कीने स्वर्गा खौ लेईग्या, कने बद्दल़ें यीशुये जो तिन्हांरियां नज़राँ ते लुकोईत्या। 10तिसरे जान्दे बगत तां जे सै स्वर्गा खौ देख्यारा थे, तां अचानक, दो माहणु#1:10 दो माहणु यनिके स्वर्गदूत चिट्टे कपड़े पैहनीरे तिन्हांरे नेड़े आईने खड़ीगे, 11कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

मत्तियाह जो यहूदा रा पद मिलणा

12फेरी तिन्हां दुईं माहणुआं रे तित्थी ते जाणे ते बाद चेले जैतून नौआं रे पहाड़ा ते यरूशलेम नगरा जो वापस हुये, सै जे ऊत्थीते तकरीवन इक किलोमीटरा रे फासले पर था। 13तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे। 14ये सब कई जनानां कने यीशुये री माता मरियम कने तिसरे भाईयां सौगी इक मन हुईने प्राथना च लगीरे रै। 15तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया, 16“हे भाईयो, जरूरी आ भई पवित्रशास्त्रा रा सै लेख पूरा हो सै जे पवित्र आत्मे दाऊद रे मुँआं ते यहूदा रे बारे च, पैहले ते गलाया था, सै जे यीशुये रे पकड़वाणे औल़यां रा अगुवा था। 17काँह्भई सै त अहां च गिणया गया, कने इस सेवा रे कम्मां च साथी बणया। 18(तिने अर्धमा रिया कमाईया ते इक खेत मुल लेआ, कने सिरा रे भार पैया कने तिसरा पेट फटी गया कने तिसरियां सब आँतड़ियां बाहर निकल़ी गियां। 19इसा गल्ला जो यरूशलेम रे सब रैहणे औल़े जाणीगे, येत्थी तका भई तिस खेता रा नौं तिन्हां रिया भाषा च हक्लदमा मतलब खून्ना रा खेत पईग्या।) 20भजन संहिता च लिखिरा,

‘तिसरा घर उजड़ी जाओ कने तिसच कोई नीं बसो,

कने तिसरा औहदा कोई दुज्जा लईलो।’

21“इस खातर जितने दिना तक जे प्रभु यीशु अहांने सौगी औंदा-जान्दा रैया मतलब, 22यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।” 23तां तिन्हें दुईं जो खड़ा कित्या, इक यूसुफ तिस्सो जे बर-सबा बोलां ये, तिसरा उपनौं जे युसतुस आ, दुज्जा मत्तियाह जो, 24कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा, 25भई सै इस सेवकाईया कने प्रेरिताईया रा औहदा लओ, तिस्सो जे यहूदा मरने ते बाद छड्डिने तित्थी जो गया तित्थी जो जे जाणे रे लायक था।” 26तां तिन्हें तिसजो चुणने खातर तिन्हां दुईं रे नौंवाँ री पर्चियां पाईयाँ, कने पर्ची मत्तियाह रे नौवाँ री निकल़ी। तिसते जे सै ग्याराँ प्रेरितां सौगी बाहरवां गिणया गया।

Currently Selected:

प्रेरितां 1: KFSNT

Highlight

Copy

Compare