1 थिस्सलुनीकियां 3
3
तिमुथियुस रा भेज्या जाणा
1काँह्भई अहें#3:1 अहें पौलुस कने सीलास तुहौं देखणे रे खातर होर जादा इन्तजार नीं करी सकदे थे इस खातर अहें एथेंस नगरा च कल्हे ही रुकणे रा निश्चा करील्या; 2कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को। 3ताकि कोई अजकयां इन्हां कलेशां रिया वजह ने विचलित नीं हुई जाओ। काँह्भई तुहें त जाणाँ इ हाये भई अहांजो त कल़ेशां रेई खातर भेज्जिरा।
4काँह्भई शुरु च, ताहली जे अहें तुहांले थे, तुहांजो बोलां थे भई अहां पर कल़ेश औणे औल़े, कने ये ठीक तियां इ हुया बी आ, तुहें त ये जाणदे इ हाये। 5इस खातर काँह्भई हऊँ होर जादा इन्तजार नीं करी सकदा था, इस खातर मैं तुहांरे विश्वासा रे बारे जाणने तिमुथियुस जो भेज्या। काँह्भई मिन्जो डर था भई किति येढ़ा नीं हो भई इम्तेहान लेणे औल़े शैताने तुहांरा इम्तेहान लेआ हो, कने अहां रिया मेहणता जो बेकार त नीं करित्या।
तिमुथियुस रे जरिये खुशखबरी मिलणा
6तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो। 7इस खातर हे भाईयो, अहांरी सारी पीड़ां कने दुखां च तुहांरे बारे च सुणीने भई तुहें विश्वासा च मजबूत ये अहांजो बड़ा हौंसला मिलया था।
8हाँ, हुण अहें भीं साह लेईराँ ये काँह्भई अहें जाणीगे भई प्रभु च तुहें अटल खढ़िरे, ये अहांरे खातर नये जीवना साई आ। 9तुहांरे बारे च तुहांरिया वजह ने सै मौज जे अहांजो अपणे परमेशरा रे सामणे मिली, तिसरे खातर अहें परमेशरा रा धन्यवाद कियां करिये? 10अहें रात-दिन बौहत प्राथना करदे रैये ताकि तुहांजो फेरी भीं ते देक्खी सक्को कने तुहांरे विश्वासा च सै जे किछ कमी रैईगरी तिसजो पूरा करिये।
कलीसिया रे खातर प्राथना
11हुण परमेशर अहांरा पिता कने अहांरे प्रभु यीशु मसीह ने प्राथना कराँ ये भई सै तुहांले औणे जो अहांरे खातर रस्ता त्यार करो; 12कने प्रभु येढ़ा करो भई तियां जे अहें तुहांजो प्यार रक्खां ये, तियां इ तुहांरा प्यार बी इक्की दूये ने कने सारे माहणुआं सौगी बधो, कने उमड़दा रौओ, 13ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।
Currently Selected:
1 थिस्सलुनीकियां 3: KFSNT
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
