भजन संहिता 17
17
रक्षारे लेई प्राथना
दाऊदेरी प्राथना
1हे यहोवा परमेशर सेच़्च़ी गल्लां शुन, ते मेरी बिनती पुड़ ध्यान दे,
मेरी प्राथना पुड़ ज़ै मेरे बगैर खोटे ऐशेरां निसचे, ध्यान दे!
2मेरे मुकदमेरो फैसलो तेरे सामने भोए!
तेरी एछ़्छ़ी न्याय पुड़ लेगोरी रान!
3अगर तू मेरो दिल अज़माथो; अगर राती तू मीं परखेथो,
अगर तू मीं अज़माथो त तीं किछ भी खोट न मैलेथू;
मेरे ऐशी मरां पापेरी कोई गल न निसेली।
4मैन्हेरे कम्मन मां तेरे ज़बानरी गल्लां केरि ज़िरिये सेइं
अधर्मी लोकां केरे बत्ती करां अपनो आप बच़ेइतां रख्खो।
5मेरे पव तेरी बत्ती पुड़ टिकोरे राहोरेन, मेरे पव घिशकोरे नईं।
6हे परमेशर, मीं तीं कां प्राथना कियोरीए, किजोकि तू मीं जुवाब देलो,
मेरे पासे अपनो कन ला ते मेरी बिनती शुन।
7तू ज़ै अपने देइने हथ्थे सेइं एप्पु पुड़
भरोसो केरनेबालन तैन केरे मुखालफन करां बच़ेइतां रखतस,
अपनि बड़ी करुणा हिरा।
8मीं अपने अछ़रे पुतलरे ज़ेरि बच़ेइतां रख;
मीं अपने फंघन हैठ छ़ुपेइतां रख,
9तैन दुष्टन करां ज़ैना मीं तबाह केरतन,
मेरी जानरे दुश्मन करां ज़ैनेईं अवं घेरतां रखोरोइं।
10तैनेईं अपने दिल सखत कियोरेन;
तैन केरे ऐशी मरां घमण्डेरी गल्लां निस्चन।
11तैनेईं पेऊरू-पेऊरू पुड़ घेरतां रखोरोइं;
तैना छ़ेपतां बिशोरेन कि मीं तल्ले
मांजो बिछ़ोड़ी देन।
12तैना तैस शेरेरे ज़ेरेन ज़ै अपने शिकारेरी इच्छा केरते,
ते जुवान शेरेरे ज़ेरे छ़ेपतां ढोक देइतां मारनेरे लेई बिशोरेन।
13खड़ो उठ, हे यहोवा!
तैसेरो मुकाबलो केर ते तैस दब दे!
एपनी तलवारी सेइं मेरी जान दुष्टे करां बच़ा।
14हे यहोवा अपने हथ्थे सेइं, मीं लोकन करां बच़ा,
यानी दुनियारे लोकन करां ते ज़ैन केरो हिस्सो इस्से दुनियाई मांए,
ते ज़ैन केरू पेट तू अपने भण्डारे सेइं भरतस।
त तैना औलादी सेइं रज़्ज़ोरेन, बल्के एत्रू भी आहे कि तैना भी बाकी जाईदात अपने बच्चां केरे लेई छ़ेडतां गातन।
15पन अवं त धर्मी भोइतां तेरे तुत्तरेरू दर्शन केरेलो,
ज़ैखन अवं बींझ़ेलो, तैखन अवं तेरे दर्शने सेइं खुशी भोल्हो।#भज. 4:6-7;1 यूह. 3:2.
Currently Selected:
भजन संहिता 17: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
