भजन संहिता 92
92
स्तुति का गीत
भजन। विश्राम खात्तर गीत
1यहोवा का धन्यवाद करणा भला सै,
हे परमप्रधान, तेरे नाम का भजन गाणा;
2सबेरै कै बखत तेरी करुणा
अर रोज रात तेरी सच्चाई का प्रचार करणा,
3दस तारआळे बाजे अर सारंगी पै,
अर वीणा पै गम्भीर स्वर तै गाणा भला सै।
4क्यूँके, हे यहोवा, तन्नै मेरे ताहीं अपणे काम्मां तै खुश करया सै;
अर मै तेरे हाथ्थां के काम्मां कै कारण तेरी जयजयकार करुँगा।
5हे यहोवा, तेरे काम कितणे बड़े सै!
तेरी योजना घणी गम्भीर सै;
6पशु बरगा माणस इस ताहीं न्ही समझदा,
अर मूर्ख इसका विचार न्ही करदा:
7के दुष्ट जो घास की तरियां फूल्लै-फळै सै,
अर सारे गलत करणीये जो घणे राज्जी होवै सै,
यो इस करकै होवै सै, के वो सदा खात्तर नाश हो ज्या,
8पर हे यहोवा, तू सदा विराजमान रहवैगा।
9क्यूँके हे यहोवा, तेरे दुश्मन, हाँ तेरे दुश्मन नाश होंगे;
सब गलत करणीये तित्तर-बितर होवैगें।
10पर मेरा सींग#92:10 सींग शक्ति तन्नै जंगळी सांड की तरियां ऊँच्चा करया सै;
तन्नै ताजे तेल तै मेरा अभिषेक करया सै#92:10 तन्नै ताजे तेल तै मेरा अभिषेक करया सै तन्नै मेरे ताहीं खुशी तै भरया सै।
11मै अपणे दुश्मनां पै निगांह करकै,
अर उन कुकर्मियाँ का हाल जो मेरै खिलाफ उठ्ठे थे, सुणकै संतुष्ट होया सूं।
12धर्मी माणस खजूर की तरियां फूल्लै-फळगें,
अर लबानोन के देवदार की तरियां बढ़दे रहवैंगे।
13वे यहोवा के भवन म्ह बोए जाकै
म्हारे परमेसवर के आँगणां म्ह फूल्लै-फळगें।
14वो पुराणे होण पै भी फळदे रहवैगें,
अर रस भरे अर लहरान्दे रहवैंगे,
15जिसतै या बात जाहिर हो, के यहोवा सच्चा सै;
वो मेरी चट्टान सै, अर उस म्ह कुछ भी बुराई कोनी।
Currently Selected:
भजन संहिता 92: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
