भजन संहिता 7
7
न्याय खात्तर प्रार्थना
दाऊद का शिग्गायोन नाम का भजन जो बिन्यामीनी कूश की बात्तां कै कारण यहोवा कै स्याम्ही गाया
1हे मेरे परमेसवर यहोवा, मै तेरे म्ह शरण लेऊँ सूं;
सारे पिच्छा करण आळयां तै मन्नै बचा अर छुटकारा दे,
2इसा ना हो के वे मन्नै शेर की तरियां
पाड़कै टुकड़े-टुकड़े करदे;
अर कोए मेरा छुड़ाण आळा ना हो।
3हे मेरे परमेसवर यहोवा,
जै मन्नै यो करया हो, जै मेरै हाथ्थां तै कोए गलत काम होया हो,
4जै मन्नै अपणे मेळ राक्खण आळयां तै भलाई कै बदलै बुराई करी हो,
या मन्नै उस ताहीं जो बिना कारण मेरा बैरी था लूट्या हो
5तो दुश्मन मेरी जान का प्यासा होकै मन्नै आण पकड़ै,
अर मन्नै धरती पै रौंदे,
अर मेरी बेजती करकै माट्टी म्ह मिला दे। (सेला)
6हे यहोवा अपणे छो म्ह उठ;
छो तै भरे मेरे सताण आळयां कै बिरुध्द तू खड्या हो जा;
मेरै खात्तर जाग! तन्नै न्याय का हुक्म दे दिया सै।
7देश-देश के माणस तेरे चारु कान्ही कठ्ठे होए सै;
तू फेर तै उनकै उप्पर विराजमान हो!
8यहोवा जात्ति-जात्ति का न्याय करै सै;
यहोवा मेरै धार्मिकता अर खराई कै मुताबिक मेरा न्याय चुका दे।
9भला हो के दुष्टां की बुराई का अंत हो जावै, पर धर्मी नै तू मजबूत कर;
क्यूँके धर्मी परमेसवर मन अर मर्म का जाणण आळा सै।
10मेरी ढाल परमेसवर कै हाथ म्ह सै,
वो सीध्धे मन आळयां नै बचावै सै।
11परमेसवर धर्मी अर न्यायी सै,
बल्कि इसा परमेसवर सै, जो रोज छो करै सै।
12जै माणस पाप करणा ना छोड़ै तो वो अपणी तलवार पै धार लगावैगा;
अर वो युद्ध करण खात्तर अपणा धनुष तैयार करैगा।
13अर उस माणस खात्तर उसनै मौत के हथियार तैयार कर लिए सै,
वो अपणे तीरां नै अग्निबाण बणावै सै।
14देख दुष्ट नै अनर्थ काम की तकलीफ होण लागरी सै,
उसनै उत्पात का गर्भ सै, अर उसतै झूठ पैदा होया।
15उसनै खड्डा खोदकै उस ताहीं ढुंघा करया,
अर जो खाई उसनै बणाई थी उस म्ह वो आप्पे पड्या।
16उसका उत्पात पलटकै उस्से कै सिर पै पड़ैगा;
अर उसका उपद्रव उस्से कै माथ्थै पै पड़ैगा।
17मै यहोवा के धर्म के मुताबिक उसका धन्यवाद करुँगा,
अर परमप्रधान यहोवा के नाम का भजन गाऊँगा।
Currently Selected:
भजन संहिता 7: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
