भजन संहिता 47
47
परमेसवर म्हारा राजा
प्रधान बजाण आळे खात्तर कोरहवंशियांँ का भजन
1हे देश-देश के सारे माणसों, ताड़ी बजाओ!
जोर-जोर तै परमेसवर का जयजयकार करो!
2क्यूँके यहोवा परमप्रधान अर भययोग्य सै,
वो सारी धरती कै उप्पर महाराजा सै।
3वो देश-देश के माणसां नै म्हारै स्याम्ही
नीच्चा करै सै,
अर जात्ति-जात्ति नै म्हारै कदमां तळै कर
देवै सै।
4वो म्हारै खात्तर बढ़िया भाग छाँट लेगा,
जो उसके प्यारे याकूब के गर्व का कारण सै। (सेला)
5परमेसवर जयजयकार गैल,
यहोवा नरसिंगे की आवाज कै गैल उप्पर गया सै।
6परमेसवर का भजन गाओ, भजन गाओ!
म्हारे महाराजा का भजन गाओ, भजन गाओ!
7क्यूँके परमेसवर सारी धरती का राजा सै,
समझकै गैल बुद्धि तै भजन गाओ।
8परमेसवर जात्ति-जात्ति पै राज करै सै;
परमेसवर अपणे पवित्र सिंहासन पै
विराजमान सै।
9राज्य-राज्य के रईस अब्राहम के परमेसवर
की प्रजा होण खात्तर कठ्ठे होये सै।
क्यूँके सारी ढालें परमेसवर कै बस म्ह सै,
वो सब तै ऊँच्चा सै!
Currently Selected:
भजन संहिता 47: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
