भजन संहिता 38
38
पीड़ित माणस की प्रार्थना
यादगार खात्तर दाऊद का भजन
1हे यहोवा, अपणे छो म्ह आकै मन्नै ना झिड़कै,
अर जळजळाहट म्ह आकै मन्नै सजा ना देवै!
2क्यूँके तेरे तीर मेरै लाग्गै सै,
अर तेरे हाथ कै तळै दब्या सूं।
3तेरे छो कै कारण मेरी देह म्ह कुछ भी
ठीक-ठाक कोनी;
अर मेरे पाप कै कारण मेरी हड्डियाँ म्ह
भी बेचैनी सै।
4क्यूँके मेरे अधर्म के काम्मां म्ह
मेरा सिर डूब ग्या,
अर वे भारी बोझ की तरियां मेरे सहण तै
बाहर होग्ये सै।
5मेरी मूर्खता के पाप कै कारण मेरे घाव सड़गे सै
अर उनतै बदबू आवै सै।
6मै घणा दुखी सूं अर झुक ग्या सूं;
दिन भर मै शोक का पैहरावा
पैहरकै मै घूम्मू सूं।
7क्यूँके मै भित्तर तै जळदा रहूँ सूं,
अर मेरी सेहत भी ठीक कोन्या।
8मै कमजोर अर घणा टूटकै चूर होग्या सूं;
मै अपणे मन की घबराहट तै कहराऊ सूं।
9हे प्रभु मेरी सारी अभिलाषा तेरे स्याम्ही सै,
अर मेरा कहराणा तेरे तै छिपा कोन्या।
10मेरा मन घबरावै सै,
मेरी ताकत घटती जावै सै;
अर मेरी आँखां की रोशनी भी
कम होगी।
11मेरे मित्तर अर मेरे संगी
मेरी हालत देखकै न्यारे पाटगे,
अर मेरे कुण्बे आळे भी दूर जा खड़े होए।
12मेरे प्राण के ग्राहक मेरै खात्तर जाळ बिछावै सै,
अर मेरे नुकसान की योजना बणाण आळे
बुराई की बात बोल्लै सै,
अर दिन भर छळ की तरकीब सोच्चै सै।
13पर मै बहरे की तरियां सुणदा ए कोनी,
अर मै गूँगे के की तरियां मुँह कोन्या खोल्दा।
14बल्के मै इसे माणस के बराबर सूं
जो किमे न्ही सुणदा,
अर जिसके मुँह तै विवाद की कोए
बात न्ही लिकड़ती।
15पर हे यहोवा,
मन्नै तेरे पैए आस लगाई सै;
हे प्रभु, मेरे परमेसवर,
तू ए जवाब देगा।
16क्यूँके मन्नै कह्या,
“इसा ना हो के वे मेरे पै आनन्द करै;
जै मेरा पैर तिसळ जावै सै,
फेर मेरे पै अपणी बड़ाई मारे सै।”
17क्यूँके मै तो गिरण पै सूं;
अर मेरा शोक लगातार मेरे स्याम्ही सै।
18इस करकै के मै तो अपणे अधर्म नै जाहिर करुँगा,
अर अपणे पाप कै कारण दुखी रहूँगा।
19पर मेरे दुश्मन अनगिणत सै,
अर मेरे बैरी भोत होगे सै।
20जो भलाई कै बदलै म्ह बुराई करै सै,
वो भी मेरी भलाई कै पाच्छै चाल्लण कै
कारण मेरे तै बिरोध करै सै।
21हे यहोवा, मेरे ताहीं छोड़ै ना!
हे मेरे परमेसवर, मेरे तै दूर ना हो!
22हे यहोवा, मेरे उद्धारकर्ता,
मेरी मदद खात्तर फुर्ती कर!
Currently Selected:
भजन संहिता 38: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
