भजन संहिता 113
113
स्तुति के लायक नाम
1यहोवा की स्तुति करो!
हे यहोवा के दासों स्तुति करो,
यहोवा कै नाम की स्तुति करो!
2यहोवा का नाम
इब तै लेकै सदा ताहीं धन्य कह्या जावै!
3उदयाचल तै लेकै अस्ताचल तक,
यहोवा का नाम स्तुति कै लायक सै।
4यहोवा सारी जातियाँ कै उप्पर बड़ा महान सै,
अर उसकी महिमा आसमान तै भी ऊँच्ची सै।
5म्हारे परमेसवर यहोवा बरगा कौण सै?
वो तो ऊँच्चे पै बैठ्या सै,
6अर अकास अर धरती पै भी,
देखण खात्तर झुकै सै।
7वो कंगाल नै माट्टी पै तै,
अर गरीब नै राख के ढेर पै तै ठा कै ऊँच्चा कर सै,
8ताके उसनै प्रधानां कै गैल,
यानी अपणी प्रजा कै प्रधानां कै गैल बिठावै।
9वो बाँझ नै घर म्ह बाळ-बच्चां की खुशी मनाण आळी माँ बणावै सै।
यहोवा की स्तुति करो!
Currently Selected:
भजन संहिता 113: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
