नीतिवचन 5
5
जारी के खिलाफ चेतावनी
1हे मेरे बेट्टे, मेरी बुद्धि की बात्तां की ओड़ ध्यान दे,
अर मेरी समझ की ओड़ कान लगा;
2जिसतै तेरे विवेक की हिफाजत होन्दी रहवै,
अर तू ज्ञान की बात्तां नै थाम्मे रहवै।
3क्यूँके पराई जनान्नी कै होठ्ठां तै शहद टपकै सै,
अर उसकी सारी बात तेल तै भी घणी चिकणी होवै सै;
4पर आखिर म्ह इसका नतिज्जा, नागदौना जिसा कड़वा
अर दोधारी तलवार जिसा पैन्ना हो सै।
5उसके पाँ मौत की ओड़ नीच्चै बढै़ सै;
अर उसके कदम अधोलोक ताहीं पोहंचै सै।
6वा जीवन के राह के बारै म्ह विचार न्ही कर दी;
उसकै चाल-चलण म्ह चंचलता सै, पर उसनै वा खुद भी न्ही जाणदी।
7इस खात्तर इब हे मेरे बाळकों, मेरी सुणो,
अर मेरी बात्तां तै मुँह ना मोड़ो।
8इसी जनान्नी तै दूर ए रह,
अर उसकी देहळी कै धोरै भी ना जाईये;
9कदे इसा ना होवै के तू अपणा यश
दुसरयां कै हाथ, अर अपणा बाकी जीवन बुरे माणसां कै बस म्ह करदे;
10या पराए तेरी कमाई तै अपणा पेट भरै,
अर ओपरा माणस तेरी मेहनत का फळ अपणे घर म्ह धरै;
11अर तू अपणे आखरी बखत म्ह जिब के तेरी देह कमजोर हो जा तो तू कहरा कै,
12यो कहवैगा, “मन्नै शिक्षा तै किसा बैर करया,
अर डाँटण आळे का किसा अपमान करया!
13मन्नै अपणे गुरुआं की बात न्ही मान्नी,
अर अपणे सिखाण आळा की ओड़ ध्यान न्ही लगाया।
14मै सभा अर संगत कै बीच म्ह पूरी तरियां;
नाश की कगार म्ह जा पड्या”
15तू अपणे ए कुण्ड तै पाणी,
अर अपणे ए कुएँ के चोवै का पाणी पिया करिये।
16के तेरे चोवा का पाणी सड़क म्ह,
अर तेरे पाणी की धारा चौकां म्ह बह जावै?
17यो सिर्फ तेरैए खात्तर रहवै,
अर तेरे संग गैरां खात्तर ना हो।
18तेरा जल-कुण्ड धन्य रहवै; अर अपणी जवान्नी की बिरबान्नी गैल राज्जी रह,
19वा तेरे खात्तर प्यारी अर सुन्दर हिरणी की ढाळ हो,
उसके स्तन सदा तन्नै संतुष्ट राक्खै,
अर उसे का प्यार रोज तन्नै अपणी ओड़ खींचदा रहवै।
20हे मेरे बेट्टे, तू जार जनान्नी पै क्यूँ मोहित होवै,
अर पराई जनान्नी नै क्यूँ छात्ती कै लगावै?
21क्यूँके माणस के राह यहोवा की आँख्यां तै छिपे न्ही सै,
अर वो उसके सारे राह पै ध्यान करै सै।
22दुष्ट अपणे ए अधर्म के काम्मां म्ह फँसैगा,
अर अपणे ए पाप की बेड़ियाँ म्ह बंध्या रहवैगा।
23वो अनुशासन का पालन ना करण कै कारण मर जावैगा,
अर अपणी ए मूर्खता कै कारण भटकदा रहवैगा।
Currently Selected:
नीतिवचन 5: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
