गिनती 17
17
हारुन की छड़ी म्ह कलियाँ
1फेर यहोवा नै मूसा तै कह्या, 2“इस्राएलियाँ तै बात करकै उनके पूर्वजां के घरान्यां कै मुताबिक, उनके सारे प्रधानां कै धोरै तै एक-एक छड़ी ले; अर उन छड़ियाँ म्ह तै एक-एक पै एक-एक कै मूल माणस का नाम लिख, 3अर लेवियाँ की छड़ी पै हारुन का नाम लिख। क्यूँके इस्राएलियाँ के बुजुर्गां कै घरान्यां के एक-एक खास आदमी की एक-एक छड़ी होवैगी। 4अर उन छड़ियाँ नै मिलापआळे तम्बू म्ह साक्षीपत्र कै स्याम्ही, जड़ै मै थमनै मिल्या करुँ सूं, धरदे। 5अर जिस माणस नै मै चुणुँगा उसकी छड़ी म्ह कली फूट लिकड़ैगी; अर इस्राएली जो थारै पै बड़बड़ान्दे रहवैं सैं, वो बड़बड़ाणा मै अपणे उप्पर तै दूर करुँगा।” 6आखर म्ह मूसा नै इस्राएल के माणसां तै या बात कही; अर उनके सारे प्रधानां नै अपणे-अपणे खात्तर, अपणे-अपणे पूर्वजां के घरान्यां कै मुताबिक, एक-एक छड़ी उस ताहीं दी, इस करकै बारहा छड़ी होई; अर उन छड़ियाँ म्ह हारुन की भी छड़ी थी। 7उन छड़ियाँ ताहीं मूसा नै साक्षीपत्र कै तम्बू म्ह यहोवा कै स्याम्ही धर दिया। 8दुसरे दिन मूसा साक्षीपत्र के तम्बू म्ह गया; तो के देख्या, के हारुन की छड़ी जो लेवी कै घरान्यां कै खात्तर थी उस म्ह कली फूट लिकड़ी, उस म्ह कली लाग्गी, अर फूल भी फुल्लै, अर पके बदाम भी लाग्गे सैं। 9फेर मूसा नै उन सारी छड़ियाँ ताहीं यहोवा कै स्याम्ही तै लिकाड़कै सारे इस्राएलियाँ कै धोरै लेग्या; अर उननै अपणी-अपणी छड़ी पिच्छाणकै ले ली। 10फेर यहोवा नै मूसा तै कह्या, “हारुन की छड़ी ताहीं साक्षीपत्र कै स्याम्ही फेर धरदे, के यो उन रोळा करण आळयां कै खात्तर एक निशान बणकै धरी रहवै, के तू उनका बड़बड़ाणा जो मेरै खिलाफ होंदा रहवै सै भविष्य म्ह रोक सकै, इसा ना हो के वे मर जावैं।” 11अर मूसा नै यहोवा के इस हुकम कै मुताबिक ए करया।
12फेर इस्राएली मूसा तै कहण लाग्गे, देख, “म्हारे जी लिकड़ण आळे सैं, हम नाश होगे, हम सारे के सारे नाश होन्दे जावां सां। 13जो कोए यहोवा कै निवास के तम्बू कै धोरै जावै सै वो मारया जावै सै। तो के हम सारे के सारे मर ए जावागें?”
Currently Selected:
गिनती 17: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
