गिनती 10

चाँदी की तुरहियाँ

1फेर यहोवा नै मूसा तै कह्या,

2“चाँदी की दो तुरहियाँ गढ़कै बणाई जावै; तू उननै मण्डळी के बुलाण, अर छावनियाँ कै चलाण कै काम म्ह ल्याईये। 3अर जिब वे दोन्‍नु बजाई जावैं, फेर सारी मण्डळी मिलापआळे तम्बू कै दरबाजे पै तेरे धोरै कठ्ठी हो जावैं। 4जै एक ए तुरही बजाई जावैं, तो प्रधान माणस जो इस्राएल के हजारां के खास आदमी सै तेरे धोरै कठ्ठे हो जावैं। 5जिब थम जोर-जोरकै बजाओ, तो पूरब दिशा की छावनियाँ का चालणा हो। 6अर जिब थम दुसरी बार जोर-जोरकै बजाओ, फेर दक्षिण दिशा की छावनियाँ का चालणा हो। उनके चाल्‍लण कै खात्तर वे जोर-जोरकै बजावै। 7जिब माणसां ताहीं कठ्ठा करकै सभा करणी हो फेर भी बजाईये पर साँस बाँधकै न्ही। 8अर हारुन के बेट्टे जो याजक सै वे उन तुरहियाँ नै बजाया करैं। या बात थारी पीढ़ी-पीढ़ी कै खात्तर सदा की विधि रहवै। 9अर जिब थम अपणे देश म्ह किसे सताण आळे बैरी तै लड़ण नै लिकड़ो, फेर तुरहियाँ नै जोर-जोरकै बजाईये, फेर थारे परमेसवर यहोवा नै थारी याद आवैगी, अर थम अपणे बैरियाँ तै बचाए जाओगे। 10अपणे आनन्द कै दिन म्ह, अर अपणे त्यौहारां म्ह, अर महिन्‍ने कै शरुआत म्ह, अपणे होमबलियाँ अर मेलबलियां कै गेल्या उन तुरहियाँ ताहीं बजाईयो; इसतै थारे परमेसवर नै थारी याद आवैगी; मै थारा परमेसवर यहोवा सूं।”

सीनै तै पारान की और

11दुसरे साल#10:11 दुसरे साल इस्राएलियाँ का मिस्र म्ह तै लिकड़ण कै बाद के दुसरे महिन्‍ने के बीसवें दिन ताहीं बाद्दळ गवाही के निवास कै तम्बू पै तै उठ ग्या, 12फेर इस्राएली सीनै के जंगळ-बियाबान म्ह तै लिकड़कै चाल कै लिकड़े; अर बाद्दळ पारान नाम के जंगळ-बियाबान म्ह ठैहर ग्या। 13उनका चालणा यहोवा के उस हुकम कै मुताबिक जो उसनै मूसा तै दिया था शरु होया। 14अर सबतै पैहल्या तो यहूदियाँ की छावणी के झण्डे का चालणा होया, अर वे टोळ बाँधकै चाल्‍ले; अर उनका सेनापति अम्मीनादाब का बेट्टा नहशोन था। 15अर इस्साकारियाँ के गोत्र का सेनापति सूआर का बेट्टा नतनेल था। 16अर जबूलूनियाँ के गोत्र का सेनापति हेलोन का बेट्टा एलीआब था। 17फेर निवास का तम्बू तारया गया, अर गेर्शोनियाँ अर मरारियाँ नै जो निवास के तम्बू नै ठावै थे चालणा शरु करया। 18फेर रूबेन की छावणी के झण्डे का चालणा होया, अर वे भी टोळ बणाकै चाल्‍ले; अर उनका सेनापति शदेऊर का बेट्टा एलीसूर था। 19अर शिमोनियां के गोत्र का सेनापति सूरीशद्दै का बेट्टा शलूमीएल था। 20अर गादियाँ के गोत्र का सेनापति दूएल का बेट्टा एल्यासाप था। 21फेर कहातियाँ नै पवित्र चिज्जां ताहीं ठाए होए चालणा शरु करया, अर उनके पोहोचण ताहीं गेर्शोनियाँ अर मरारियाँ नै निवास के तम्बू ताहीं खड्या कर दिया। 22फेर एप्रैमियां की छावणी कै झण्डे का चालणा होया, अर वे भी टोळ बणाकै चाल्‍ले; अर उनका सेनापति अम्मीहूद का बेट्टा एलीशामा था। 23अर मनश्शेइयां के गोत्र का सेनापति पदासूर का बेट्टा गम्लीएल था। 24अर बिन्‍यामीनियाँ कै गोत्र का सेनापति गिदोनी का बेट्टा अबीदान था। 25फेर दानियां की छावणी जो सारे छावनियाँ कै पाच्छै थी, उसकै झण्डे का चालणा होया, अर वे भी टोळ बणाकै चाल्‍ले; अर उनका सेनापति अम्मीशद्दै का बेट्टा अहीएजेर था। 26अर आशेरियाँ के गोत्र का सेनापति ओक्रान का बेट्टा पगीएल था। 27अर नप्तालियाँ कै गोत्र का सेनापति एनान का बेट्टा अहीरा था। 28इस्राएली इस्से ढाळ अपणे-अपणे दलां कै मुताबिक चाल्या करदे, अर आग्गै बढ़या करैं थे।

29मूसा नै अपणे सुसरे रूएल मिद्यानी के बेट्टे होबाब तै कह्या, “हम उस जगहां का सफर करां सां जिसकै बारै म्ह यहोवा नै कह्या सै, ‘मै उसनै थारै ताहीं दियुँगा’; इस करकै तू भी म्हारे गैल चाल, अर हम अपणी सम्पत्ति थारे तै साँझा करांगे; क्यूँके यहोवा नै इस्राएल कै बारै म्ह भलाए कह्या सै।” 30होबाब नै उसतै जवाब दिया, “मै न्ही जाऊँगा; मै अपणे देश अर कुटुम्बियाँ म्ह बोहड़ जाऊँगा।” 31फेर मूसा नै कह्या, “हमनै ना छोड़ै, क्यूँके जंगळ-बियाबान म्ह कड़ै-कड़ै डेरा खड्या करणा चाहिये, यो तन्‍नै ए बेरा सै, तू म्हारै खात्तर आँखां का काम करिये। 32अर जै तू म्हारै गैल चाल्‍लै, तो पक्‍का जो भलाई यहोवा म्हारे तै करैगा उस्से कै मुताबिक हम भी तेरे तै उस्से तरियां ए करांगे।”

33फेर इस्राएलियाँ नै यहोवा कै पर्वत तै चाल कै तीन दिन का सफर करया; अर उन तीन्‍नु दिनां कै राह म्ह यहोवा के करार का सन्दूक उनके खात्तर आराम का स्थान टोहन्दा होया उनकै आग्गै-आग्गै चालदा रह्या। 34अर जिब वे छावणी की जगहां तै चाल्या करै थे फेर दिन भर यहोवा का बाद्दळ उनके उप्पर छाया रहवै था। 35अर जिब-जिब सन्दूक का चालणा होवै था तब-तब मूसा यो कह्या करै था, “हे यहोवा, उठ, अर तेरे बैरी तित्तर-बितर हो जावैं, अर तेरे बैरी तेरे स्याम्ही तै भाज जावैं।” 36अर जिब-जिब वो ठैहर ज्या था तब-तब मूसा कह्या करै था, “हे यहोवा, हजारां-हजार इस्राएलियाँ म्ह बोहड़कै आजा।”

Currently Selected:

गिनती 10: BGC

Highlight

Copy

Compare