मलाकी 4

परमेसवर का महान दिन

1“देक्खो#4:1 देक्खो न्याय के दिन, वो धधकते भट्ठे के समान दिन आवै सै, जिब सब घमण्डी अर सब दुराचारी माणस अनाज की खूँटी बण जावैंगे; अर उस आणआळे दिन म्ह वे इसे भस्म हो जावैंगे के ना उनकी जड़ बचैगी अर ना उनकी डाळी, सेनाओं के यहोवा का योए वचन सै। 2लेकिन थारे खात्तर जो मेरे नाम का भय मान्‍नो सो, धार्मिकता का सूरज उगैगा, अर उसकी किरणां के जरिये थम चंगे हो जाओगे; अर थम लिकड़कै पाळे होए बाछड़याँ की तरियां कूदोगे अर फाँदोगे। 3फेर थम दुष्टां ताहीं लताड़ द्‍योगे, यानिके मेरे उस ठहराए होए दिन म्ह वे थारे पाँव कै तळै की राख बण जावैंगे, सेनाओं के यहोवा का योए वचन सै।”

4“मेरे#4:4 मेरे सियोन की पहाड़ी, होरेब एक सियोन का ए नाम था दास मूसा के नियम-कायदे यानिके जो-जो विधि अर नियम मन्‍नै सारे इस्राएलियाँ के खात्तर उस ताहीं होरेब म्ह दिए थे, उननै याद राक्खो अर मान्‍नो।”

5“देक्खो#4:5 देक्खो मत्ती 11:14; मत्ती 17:11; मर. 9:12; लूका. 1:17, यहोवा के उस बड़े अर भयानक दिन के आण तै पैहले, मै थारे धोरै एलिय्याह नबी ताहीं भेज्जूँगा। 6अर वो माँ-बाप के मन ताहीं उनके बेट्टयाँ की और, अर बेट्टयाँ के मन ताहीं उनके माँ-बाप की और फेरैगा; इसा ना हो के मै आकै धरती ताहीं सत्यानाश करुँ।”

Currently Selected:

मलाकी 4: BGC

Highlight

Copy

Compare