यहो. 19

यहूदा कै गैल शिमोन के कुल का हिस्सा

1दुसरी चिट्ठी शिमोन के नाम पै, यानिके शिमोनियां के कुलां कै मुताबिक उनके गोत्र के नाम पै लिकड़ी; अर उनका हिस्सा यहूदियाँ के हिस्से कै बिचाळै ठहरया। 2उनके भाग म्ह ये नगर सैं, यानिके बेर्शेबा, शेबा, मोलादा, 3हसर्शूआल, बाला, एसेम, 4एलतोलद, बतूल, होर्मा, 5सिकलग, बेत्मर्काबोत, हसर्शूसा, 6बेतलबाओत, अर शारूहेन; ये तेरह नगर अर इनके गाम उननै मिले। 7फेर ऐन, रिम्मोन, एतेर, अर आशान, ये चार नगर गाम समेत; 8अर बालत्बेर जो दक्षिण देश का रामाह भी कुह्वावै सै, ओड़ै ताहीं इन नगरां के च्यांरु और के सारे गाम भी उननै मिले। शिमोनियां के गोत्र का हिस्सा उनके कुलां कै मुताबिक योए ठहरया। 9शिमोनियां का हिस्सा तो यहूदियाँ के अंश म्ह तै दिया गया; क्यूँके यहूदियाँ का हिस्सा उनकै खात्तर घणा था, इस कारण शिमोनियां का हिस्सा उन्हे के हिस्से कै बीच ठहरया।

10तीसरी चिट्ठी जबूलूनियाँ के कुलां कै मुताबिक उनके नाम पै लिकड़ी। अर उनके हिस्से की हद सारीद ताहीं पोहची; 11अर उनकी हद पश्चिम की और मरला म्ह चढ़कै दब्बेशेत ताहीं पोहची; अर योकनाम कै स्याम्ही के नाळे ताहीं पोहचगी; 12फेर सारीद तै वो पूर्व दिशा की और मुड़कै किसलोत्ताबोर की हद ताहीं पोहची, अर ओड़ै तै बढ़दे-बढ़दे दाबरात म्ह लिकड़ी, अर यापी की और जा लिकड़ी; 13ओड़ै तै वो पूर्व की और आगै बढ़कै गथेपेर अर इत्कासीन नै गई, अर उस रिम्मोन म्ह लिकड़ी जो नेआ ताहीं फैला होया सै; 14ओड़ै तै वा हद उसके उत्तर की और तै मुड़कै हन्‍नातोन पै पोहची, अर यिप्तहेल की तराई म्ह जा लिकड़ी; 15कत्तात, नहलाल, शिम्रोन, यिदला, अर बैतलहम; ये बाराह नगर उनके गाम समेत उसे हिस्से के ठैहरे। 16जबूलूनियाँ का हिस्सा उनके कुलां कै मुताबिक योए ठहरया; अर उस म्ह अपणे-अपणे गामां समेत येए नगर सैं।

17चौथी चिट्ठी इस्साकारियाँ के कुलां कै मुताबिक उनके नाम पै लिकड़ी। 18अर उनकी हद यिज्रेल, कसुल्‍लोत, शूनेम, 19हपारैम, शीओन, अनाहरत, 20रब्बीत, किश्योन, एबेस, 21रेमेत, एनगन्‍नीम, एनहद्दा, अर बेत्पस्सेस ताहीं पोहची। 22फेर वो हद ताबोर, शहसूमा अर बेतशेमेश ताहीं पोहची, अर उनकी हद यरदन नदी पै जा लिकड़ी; इस तरियां उनतै सोलह नगर अपणे-अपणे गामां समेत मिले। 23कुलां कै मुताबिक इस्साकारियाँ के गोत्र का हिस्सा नगरां अर गाम समेत योए ठहरया।

24पाँचमी चिट्ठी आशेरियाँ के गोत्र के कुलां कै मुताबिक उनके नाम पै लिकड़ी। 25उनकी हद म्ह हेल्कात, हली, बेतेन, अक्षाप, 26अलाम्मेल्‍लेक, अमाद, अर मिशाल थे; अर वो पश्चिम की और कर्मेल ताहीं अर शीहोर्लिब्नात ताहीं पोहची; 27फेर वो पूर्व दिशा की और मुड़कै बेतदागोन ताहीं गई, अर जबूलून के हिस्से ताहीं, अर यिप्तहेल की तराई म्ह उत्तर की और होकै बेतेमेक अर नीएल ताहीं पोहची अर उत्तर की और जाकै काबूल पै लिकड़ी, 28अर वो एब्रोन, रहोब, हम्मोन, अर काना तै होकै बड़े सीदोन नै पोहची; 29ओड़ै तै वा हद मुड़कै रामाह तै होन्दे होए सोर नाम के गढ़आळे नगर ताहीं चली गई; फेर वा हद होसा की और मुड़कै अर अकजीब कै धोरै के देश म्ह होकै भूमध्‍यसागर पै लिकड़ी, 30उम्मा, अपेक, अर रहोब भी उनके हिस्से म्ह ठैहरे; इस तरियां बाईस नगर अपणे-अपणे गामां समेत उनतै मिले। 31कुलां कै मुताबिक आशेरियाँ के गोत्र का हिस्सा नगरां अर गाम समेत योए ठहरया।

32छठवीं चिट्ठी नप्तालियाँ के कुलां कै मुताबिक उनके नाम पै लिकड़ी। 33अर उनकी हद हेलेप तै, अर सानन्‍नीम के बांज दरखत तै, अदामीनेकेब अर यब्नेल तै होकै, अर लक्‍कूम नै जाकै यरदन पै लिकड़ी; 34ओड़ै तै वा हद पश्चिम की और मुड़कै अजनोत्ताबोर नै गई, अर ओड़ै तै हुक्‍कोक नै गई, अर दक्षिण, अर जबूलून के हिस्से ताहीं, अर पश्चिम की और आशेर के हिस्से ताहीं, अर पूर्व दिशा की और यहूदा के भाग कै गैल की यरदन नदी पै पोहची। 35अर उनके गढ़आळे नगर ये सै, यानिके सिद्दीम, सेर, हम्मत, रक्‍कत, किन्‍नेरेत, 36अदामा, रामाह, हासोर, 37केदेश, एद्रेई, एन्हासोर, 38यिरोन, मिगदलेल, होरेम, बेतनात, अर बेतशेमेश; ये उन्‍नीस नगर गाम समेत उन ताहीं मिले। 39कुलां कै मुताबिक नप्तालियाँ के गोत्र का हिस्सा नगरां अर उनके गाम समेत योए ठहरया।

40सातवीं चिट्ठी कुलां कै मुताबिक दान के गोत्र के नाम पै लिकड़ी। 41अर उनके भाग की हद म्ह सोरा, एश्ताओल, ईरशेमेश, 42शालब्बीन, अय्यालोन, यितला, 43एलोन, तिम्नाह, एक्रोन, 44एलतके, गिब्बतोन, बालात, 45यहूद, बनेबराक, गत्रिम्मोन, 46मेयर्कोन, अर रक्‍कोन ठैहरे, अर याफा कै स्याम्ही की हद भी उनकी थी। 47अर दानियां का हिस्सा इसतै घणा होग्या, यानिके दानी लेशेम पै चढ़कै उसतै लड़े, अर उस ताहीं लेकै तलवार तै मार दिया, अर उसनै अपणे हक म्ह करकै उस म्ह बसगे, अर अपणे मूलपुरुष के नाम पै लेशेम का नाम दान धरया। 48कुलां कै मुताबिक दान के गोत्र का भाग नगरां अर गाम समेत योए ठहरया।

49जिब देश का बाट्या जाणा हदां कै मुताबिक पूरा होग्या, फेर इस्राएलियाँ नै नून के बेट्टे यहोशू ताहीं भी अपणे बिचाळै एक हिस्सा दिया। 50यहोवा के कहण कै मुताबिक उन ताहीं उसनै उसका मांग्या होया नगर दिया, यो एप्रैम की पहाड़ी देश म्ह का तिम्नत्सेरह सै; अर वो उस नगर नै बसाकै उस म्ह रहण लाग्या।

51जो-जो भाग एलीआजर याजक, अर नून के बेट्टे यहोशू, अर इस्राएलियाँ के गोत्रां के घरान्यां के पूर्वजां के खास-खास आदमियाँ नै शीलो म्ह, मिलापआळे तम्बू के दरबाजे पै, यहोवा कै स्याम्ही चिट्ठी डाल-डालकै बाँट दिए वे येए सैं। इस तरियां उननै देश के बटवारे का काम पूरा करया।

Currently Selected:

यहो. 19: BGC

Highlight

Copy

Compare