यहो. 16

एप्रैम अर पश्चिमी मनश्शे

1फेर यूसुफ की औलाद का हिस्सा चिट्ठी गेरण तै ठहराया गया, उनकी हद यरीहो कै गैल की यरदन नदी तै, यानिके पूर्व की और यरीहो के पाणी तै शरु होकै उस पहाड़ी देश तै होन्दे होए, जो जंगळ म्ह तै, बेतेल नै पोहच्या; 2ओड़ै तै वो लूज तक पोहच्या, अर एरेकियां की सीमा तै होन्दे होए अतारोत पै जा लिकड़या; 3अर पश्चिम की और यपलेतियां की हद तै उतरकै फेर निचले बेथोरोन की हद तै होकै गेजेर नै पोहंच्या, अर भूमध्य-सागर पै लिकड़या। 4फेर मनश्शे अर एप्रैम नाम के यूसुफ के दोन्‍नु बेट्यां की औलाद नै अपणा-अपणा हिस्सा लिया।

5एप्रैमियां की सीमा उनके कुलां कै मुताबिक या ठैहरी; यानिके उनके हिस्सा की हद पूर्व तै शरु होकै अत्रोतदार तै होन्दे होए उप्पर आळे बेथोरोन ताहीं पोहच्या; 6अर उत्तरी हद पश्चिम की और के भूमध्‍यसागर#16:6 भूमध्‍यसागर मिकमतात तै शरु होकै पूर्व की और मुड़कै तानतशीलो ताहीं पोहच्या, अर उसके धोरै तै होन्दे होए यानोह ताहीं पोहच्या; 7फेर यानोह तै वो अतारोत अर नारा नै उतरदी होई यरीहो कै गैल होकै यरदन पै लिकड़ी। 8फेर वाए सीमा तप्पूह तै लिकड़कै, अर पश्चिम की और जाकै, काना की नदी ताहीं होकै भूमध्‍यसागर पै लिकड़ी। एप्रैमियां के गोत्र का हिस्सा उनके कुलां कै मुताबिक योए ठहरया। 9अर मनश्शेइयां के भाग कै बिचाळै भी कई एक नगर अपणे-अपणे गामां समेत एप्रैमियां कै खात्तर अलग करे गए। 10पर जो कनानी गेजेर म्ह बसे थे उन ताहीं एप्रैमियां नै ओड़ै तै न्ही लिकाड़या; ज्यांतै वे कनानी उनकै बीच आज कै दिन ताहीं बसे सैं, अर बेगारी म्ह गुलाम कै बराबर काम करै सैं।

Currently Selected:

यहो. 16: BGC

Highlight

Copy

Compare