यिर्मयाह 5

यरुशलेम की बुराई

1यहोवा कहवै सै यरुशलेम की सड़कां म्ह आस्सै-पास्सै दौड़कै देक्खो! उसके चौकां म्ह ढूँढ़ो जै कोए इसा मिल सकै जो न्याय तै काम करै अर सच्‍चाई का खोजी हो; तो मै उसका पाप माफ करुँगा। 2जै उसके बासिन्दे यहोवा के जीवन की कसम भी खावैं, तोभी पक्‍का वे झूठ्ठी कसम खावै सैं। 3हे यहोवा, के तेरी नजर सच्‍चाई पै न्ही सै#5:3 तेरी नजर सच्‍चाई पै न्ही सै परमेसवर बिश्वास नै देक्खै सै, मन के निष्कपट मकसद नै। उसके बिना कसम के दिखावे की निष्ठा तै घृणा करै सै।? तन्‍नै उननै दुःख दिया, फेर भी वे शोकित न्ही होए; तन्‍नै उन ताहीं नाश करया, फेर भी उननै फटकार तै भी न्ही मान्या। उननै अपणा मन पहाड़ तै भी घणा कठोर करया सै; उननै पश्चाताप करण तै मना करया सै।

4फेर मन्‍नै सोच्या, “ये माणस तो कंगाल अर मूर्ख ए सै#5:4 मूर्ख ए सै या वे मूर्खता के काम करै सैं, सोच-समझकै मार्गदर्शन के योग्य बुद्धि तै चालणा ए ज्ञान न्ही सै।; क्यूँके ये यहोवा की राह अर अपणे परमेसवर का नियम न्ही जाणदे। 5इस करकै मै बड़े माणसां कै धोरै जाकै उननै सुणाऊँगा; क्यूँके वे तो यहोवा की राह अर अपणे परमेसवर का नियम जाणै सैं।” पर उन सारया नै मिलकै जूए ताहीं तोड़ दिया सै अर बन्धनां ताहीं खोल दिया सै।

6इस कारण बण म्ह तै एक शेर आकै उननै मार देवैगा, निर्जल देश का एक भेड़िया उननै नाश करैगा। अर एक चीता उनके नगरां कै धोरै घात लगाये रहवैगा, अर जो कोए उन म्ह तै लिकड़े वो पाड़या जावैगा; क्यूँके उनके अपराध घणे बढ़गे सैं अर वे मेरे तै घणेए दूर हटगे सैं।

7यहूदा के माणसों#5:7 नीति. 8:8; मत्ती 3:8-10 “मै क्यूँ तेरा पाप माफ करुँ? तेरे लड़क्यां नै मेरे ताहीं छोड़कै उनकी कसम खाई सै जो परमेसवर न्ही सै। जिब मन्‍नै उनका पेट भर दिया, फेर उननै व्यभिचार करया अर वेश्या के घरां म्ह भीड़ की भीड़ जावै थे। 8वे खुवाए-पियाए बे-लगाम घोड़यां की तरियां होगे, वे अपणे-अपणे पड़ोसी की जनान्‍नी पै हिनहिनाण लाग्गे। 9के#5:9 के आमोस. 6:11; मत्ती 26:38 मै इसे काम्मां की उननै सजा ना दियुँ? यहोवा की या वाणी सै; के मै इसी जात तै अपणा पलट्या ना लूँ?”

परमेसवर कै खात्तर तिरस्कार

10“शहरपनाह पै चढ़कै उसका नाश तो करो, तोभी उसका अन्त ना कर दियो; उसकी जड़ रहण द्यो पर उसकी डालियाँ ताहीं तोड़कै फेंक द्यो, क्यूँके वे यहोवा की न्ही सैं। 11यहोवा की या वाणी सै के इस्राएल अर यहूदा के घरान्यां नै मेरे तै बड़ा बिश्वासघात करया सै।”

12“उननै यहोवा की बात झुठलाकै कह्या, ‘वो इसा न्ही सै; मुसीबत म्हारे पै ना पड़ैगी, ना हम तलवार ताहीं अर ना काळ ताहीं देखांगें। 13नबी हवा हो जावैंगे; उन म्ह परमेसवर का वचन न्ही सै। उनकै गैल इसाए करया जावैगा!’”

न्याय की घोषणा

14इस कारण सेनाओं का परमेसवर यहोवा या कहवै सै: “ये माणस जो इसा कहवै सैं, इस करकै देख, मै अपणा वचन तेरे मुँह म्ह आग, अर इस प्रजा नै काठ बणाऊँगा, अर वो उन ताहीं भस्म करैगी#5:14 यिर्म. 23:29। 15यहोवा की या वाणी सै, हे इस्राएल के घराने, देख, मै थारे खिलाफ दूर तै इसी जात ताहीं चढ़ा ल्याऊँगा जो ताकतवर अर पुराणे सै, उसकी भाषा थम ना समझोगे, अर ना या जाणोगे के वे माणस के कह रहे सैं। 16उनका तरकश खुली कब्र सै अर वे सारे के सारे शूरवीर सैं। 17थारे पके खेत अर भोजन की चीज जो थारे बेट्टे-बेटियाँ कै खाण कै खात्तर सैं उन ताहीं वे खा जावैंगे। वे थारी भेड़-बकरियाँ अर गां-बळधां नै खा लेवैंगे; वे थारी दाखां अर अंजीरां नै खा जावैंगे; अर जिन गढ़आळे नगरां पै थम भरोस्सा राक्खो सो उननै वे तलवार के बल तै नाश कर देवैंगे।”

18“तोभी, यहोवा की या वाणी सै, उन दिनां म्ह भी मै थारा अन्त ना करुँगा। 19जिब थम पुच्छोगे, ‘म्हारे परमेसवर यहोवा नै म्हारे तै ये सारे काम किस कारण करे सैं,’ फेर थम उनतै कहणा, ‘जिस तरियां तै थमनै मेरे ताहीं छोड़कै अपणे देश म्ह दुसरे देवत्यां की सेवा करी सै, उसे तरियां तै थमनै पराए देश म्ह परदेशियाँ की सेवा करणी पड़ैगी।’”

अपणे माणसां ताहीं परमेसवर की चेतावनी

20याकूब के घराने म्ह या प्रचार करो, अर यहूदा म्ह या सुणाओ 21#5:21 प्रेरि. 28:26; मर. 8:18 “हे मूर्ख अर बेअक्लो, थम जो आँख राखदे होए न्ही देखदे, जो कान रहन्दे होए न्ही सुणदे, या सुणो। 22यहोवा की या वाणी सै, के थम मेरा डर न्ही मान्दे? के थम मेरे स्याम्ही न्ही थरथरान्दे? मन्‍नै रेत ताहीं समुन्दर की हद ठहराकै युग-युग का इसा बाँध ठहराया के वो उसनै पार ना कर सकै; अर चाहे उसकी लहर भी उठ्ठै, तोभी वे हावी ना हो सकै, या जिब वे गरजै तोभी उस ताहीं ना पार कर सकै। 23पर इस प्रजा का हठील्‍ला अर बिद्रोह करण आळा मन सै; इननै बिद्रोह करया अर दूर होगे सैं। 24वे मन म्ह इतणा भी न्ही सोचदे के म्हारा परमेसवर यहोवा तो बरसात के शरुआत अर अन्त दोन्‍नु बखत का पाणी बखत पै बरसावै सै, अर कटणी के नियत हफ्त्या नै म्हारे खात्तर राक्खै सै, इस करकै हम उसका डर मान्‍नां#5:24 प्रेरि. 14:17। 25पर थारे अधर्म कै काम्मां ए कै कारण वे रुक गे, अर थारे पापां ए कै कारण थारी भलाई न्ही होन्दी#5:25 थारे पापां ए कै कारण थारी भलाई न्ही होन्दी इसा न्ही था के बारिस न्ही होई या फसल आच्छी न्ही थी, भलाई तो थी पर समुदाय की बुराई राह की रुकावट होए।। 26मेरी प्रजा म्ह दुष्ट माणस पाए जावै सैं; जिस तरियां चिड़िमार ताक म्ह रहवै सैं, उसे तरियां ए वे भी घात लगाये रहवै सैं। वे फंदा लगाकै माणसां नै अपणे बस म्ह कर लेवै सैं। 27जिस तरियां पिंजरा चिड़ियाँ तै भरया हो, उसे तरियां ए उनके घर छळ तै भरे रहवै सैं; इस्से तरियां वे बढ़गे अर अमीर होगे सैं। 28वे मोट्टे अर चिकणे होगे सैं। बुरे काम्मां म्ह वे हद ताहीं पार कर ग्ये सैं; वे न्याय, खास करकै अनाथां का न्याय न्ही करदे; इसतै उनका काम सफल न्ही होन्दा वे कंगालां का हक भी न्ही दुवान्दे। 29इस करकै, यहोवा की या वाणी सै, के मै इन बात्तां की सजा ना दियुँ? के मै इसी जात तै पलटा ना ल्यूँ?”

30देश म्ह इसा काम होवै सै जिसतै हैरान करण आळा अर रोमांचित होणा चाहिये। 31नबी झूठ-मूठ भविष्यवाणी करै सैं; अर याजक उनकै सहारै तै प्रभुता करै सैं; मेरी प्रजा ताहीं या भावै भी सै, पर अन्त कै बखत थम के करोगे?

Currently Selected:

यिर्मयाह 5: BGC

Highlight

Copy

Compare