यिर्मयाह 28
28
हनन्याह की झूठ्ठी भविष्यवाणी
1फेर उसे साल, यानिके यहूदा के राजा सिदकिय्याह के राज्य के चौथे साल के पाँचवें महिन्ने म्ह, अज्जूर के बेट्टे हनन्याह जो गिबोन नगर#28:1 गिबोन पुरोहितां का एक नगर (यहो. 21:17) हनन्याह हो सकै सै पुरोहित एवं भविष्यवक्ता था। का एक नबी था, उसनै मेरे ताहीं यहोवा के भवन म्ह, याजकां अर सारे माणसां के स्याम्ही कह्या, 2“इस्राएल का परमेसवर सेनाओं का यहोवा न्यू कहवै सै मन्नै बाबेल के राजा के जूए ताहीं तोड़ गेरया सै#28:2 शक्तिशाली। 3यहोवा के भवन के जितने पात्र बाबेल का राजा नबूकदनेस्सर इस जगहां तै ठाकै बाबेल लेग्या, उननै मै दो साल कै भित्तर फेर इस्से जगहां म्ह ले आऊँगा।#28:3 जगहां म्ह ले आऊँगा। यरुशलेम नगर 4मै यहूदा के राजा यहोयाकीम के बेट्टे यकोन्याह अर सारे यहूदी बन्दियाँ ताहीं भी जो बाबेल म्ह गये सैं, उननै भी इस जगहां म्ह बोहड़ा ले आऊँगा; क्यूँके मन्नै बाबेल के राजा के जूए ताहीं तोड़ दिया सै, यहोवा की योए वाणी सै।”
हनन्याह ताहीं यिर्मयाह की प्रतिक्रिया
5फेर यिर्मयाह नबी नै हनन्याह नबी तै, याजकां अर उन सारे माणसां कै स्याम्ही जो यहोवा के भवन म्ह खड़े होए थे कह्या, 6“आमीन! यहोवा इसाए करै; जो बात तन्नै भविष्यवाणी करकै कही सैं के यहोवा के भवन के पात्र अर सारे कैदी बाबेल तै इस जगहां म्ह फेर आवैंगे, उननै यहोवा पूरा करै। 7तोभी मेरा यो वचन सुण, जो मै तेरे ताहीं अर सारे माणसां ताहीं कह सुणाऊँ सूं। 8जो नबी पुराणे बखत तै मेरे अर तेरे पैहले होन्दे आए थे, उननै तो भोत-से देशां अर बड़े-बड़े राजयां कै खिलाफ युद्ध अर विपत्ति अर मरी कै बारै म्ह भविष्यवाणी करी थी। 9पर जो नबी सलामती कै बारै म्ह भविष्यवाणी करै, तो जिब उसका वचन पूरा हो, फेर ए उस नबी कै बारै म्ह यो पक्का हो जावैगा के यो सचमुच यहोवा का भेज्या होया सै।”
हनन्याह के जरिये यिर्मयाह के जूए तोड़ना
10फेर हनन्याह नबी नै उस जूए ताहीं जो यिर्मयाह नबी की गर्दन पै था, तारकै तोड़ दिया।#28:10 लाकड़ी का जूआ 11अर हनन्याह नै सारे माणसां कै स्याम्ही कह्या, “यहोवा न्यू कहवै सै के इस्से तरियां तै मै पूरे दो साल कै भित्तर बाबेल के राजा नबूकदनेस्सर के जूए ताहीं सारी जातियाँ की गर्दन पै तै तारकै तोड़ देऊँगा।” फेर यिर्मयाह नबी चल्या ग्या।
हनन्याह कै खिलाफ परमेसवर का वचन
12जिब हनन्याह नबी नै यिर्मयाह नबी की गर्दन पै तै जूआ तारकै तोड़ दिया, उसके बाद यहोवा का यो वचन यिर्मयाह कै धोरै पोहच्या; 13“जाकै हनन्याह तै यो कह, ‘यहोवा न्यू कहवै सै के तन्नै काठ का जूआ तो तोड़ दिया, पर इसा करकै तन्नै उसकै बदलै लोहे का जूआ बणा लिया सै। 14क्यूँके इस्राएल का परमेसवर, सेनाओं का यहोवा न्यू कहवै सै के मै इन सारी जात्तां की गर्दन पै लोहे का जूआ धरुँ सूं अर वे बाबेल के राजा नबूकदनेस्सर के अधीन रहवैंगें, अर इन ताहीं उसकै अधीन होणा पड़ैगा, क्यूँके मैदान के जीव जन्तु भी मै उसकै बस म्ह कर देऊँ सूं।’” 15यिर्मयाह नबी नै हनन्याह नबी तै न्यू भी कह्या, “हे हनन्याह, देख यहोवा नै तेरे ताहीं न्ही भेज्या, तन्नै इन माणसां तै झूठ्ठी उम्मीद दुआई सै। 16इस करै कै यहोवा तेरै तै न्यू कहवै सै, ‘देख, मै तेरे ताहीं धरती के उप्पर तै उठ्या देऊँगा, इस्से साल म्ह तू मरैगा; क्यूँके तन्नै यहोवा के बिरुध्द जाण की बात कही सैं।’” 17इस वचन के मुताबिक हनन्याह उसे साल के सातवें महिन्ने म्ह मर ग्या।
Currently Selected:
यिर्मयाह 28: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
