यशायाह 38

हिजकिय्याह की बीमारी अर चंगाई

1उन दिनां म्ह हिजकिय्याह इसा रोगी होया के वो मरण पै था। अर आमोस के बेट्टे यशायाह नबी नै उसकै धोरै जाकै कह्या, “यहोवा न्यू कहवै सै, अपणे घरान्‍ने कै बारै म्ह जो हुकम देणा हो वो दे, क्यूँके तू न्ही बचैगा मरे जावैगा।” 2फेर हिजकिय्याह नै दीवार की और मुँह फेरकै#38:2 मुँह फेरकै हिजकिय्याह नै दीवार की और मुँह फेरकै उसनै दीवार की और मुँह शायद इस करकै फेरया के उसकी भावना अर उसके आँसू धोरै खड़े माणसां तै छिपे रहवैं या वो घणा भगति की हालत म्ह हो। यहोवा तै प्रार्थना करकै कह्या; 3“हे यहोवा, मै बिनती करुँ सूं, याद कर के मै सच्‍चाई अर खरे मन तै अपणे-आपनै तेरै स्याम्ही जाणकै चालदा आया सूं अर जो तेरी नजर म्ह सही था वोए करदा आया सूं।” अर हिजकिय्याह बिलख-बिलख कर रोण लाग्या। 4फेर यहोवा का यो वचन यशायाह कै धोरै पोहच्या, 5“जाकै हिजकिय्याह तै कह के तेरे मूलपुरुष दाऊद का परमेसवर यहोवा न्यू कहवै सै, ‘मन्‍नै तेरी प्रार्थना सुणी अर तेरे आँसू देक्खे सैं; सुण, मै तेरी उम्र पन्द्रह साल और बढ़ा दियुँगा। 6अश्शूर के राजा के हाथ तै मै तेरी अर इस यरुशलेम नगर की हिफाजत करकै बचाऊँगा।’”

7यहोवा अपणे इस कह्ये होए वचन नै पूरा करैगा, 8अर यहोवा की ओड़ तै इस बात की तेरै खात्तर या निशान्‍नी होगी के धूप की छाया जो आहाज की धूपघड़ी म्ह ढळगी सै, मै दस अंश पाच्छै की और बोहड़ा दियुँगा। आखर म्ह वो छाया जो दस अंश ढळ चुकी थी बोहड़गी।

9यहूदा के राजा हिजकिय्याह का लेख जो उसनै एक गीत लिख्या जिब वो रोगी होकै चंगा होग्या था, वो यो सै:

10मन्‍नै#38:10 मन्‍नै मत्ती 16:18 कह्या, अपणी उम्र के बीच म्ह ए मै अधोलोक के फाटकां म्ह प्रवेश करुँगा;

क्यूँके मेरी बाकी उम्र हर ली गई सै।

11मन्‍नै कह्या, मै यहोवा नै जीवित्यां की धरती म्ह फेर न्ही देखण पाऊँगा;

इस लोक के बासिन्दया नै मै फेर ना देखूँगा।

12मेरा घर पाळी के तम्बू की तरियां ठा लिया गया सै;

मन्‍नै जुलाहे की तरियां अपणे जीवन ताहीं लपेट दिया सै;

वो मेरे ताहीं ताँत तै काट लेगा;

एके दिन म्ह तू मेरा अन्त कर देवैगा।

13मै सुबेरै ताहीं अपणे मन नै शान्त कर कै#38:13 मै सारी रात दर्द तै रोया सोचदा रहया;

यहोवा शेर की तरियां मेरी सारी हाड्डियाँ नै तोड़ै सै

एके दिन म्ह तू मेरा अन्त कर दे सै।

14मै शूपाबेनी या सारस की तरियां च्यूं-च्यूं करदा, मै पिण्डुक की तरियां विलाप करुँ सूं।

मेरी आँख उप्पर देखदे-देखदे पत्थरांगी सैं।

हे यहोवा, मेरे पै अंधेर होण लागरया सै; तू मेरा सहारा हो!

15मै के कहूँ? यहोवा नै मेरे तै वादा करया अर पूरा भी करया सै।

मै जीवन भर कड़वाहट कै गैल सहज-सहज चालदा रहूँगा।

16हे प्रभु, इन्हे बात्तां तै माणस जिन्दा सैं, अर इन सारया तै मेरी आत्मा नै जीवन मिलै सै।

तू मन्‍नै चंगा कर अर मेरे ताहीं जिन्दा राख!

17देख, शान्ति ए कै खात्तर मन्‍नै बड़ी कड़वाहट मिली;

पर तन्‍नै प्यार करकै मेरे ताहीं विनाश के खड्डे तै लिकाड़या सै,

क्यूँके मेरे सारे पाप तन्‍नै अपणी पीठ कै पाच्छै फेंक दिए सै।

18क्यूँके अधोलोक तेरा धन्यवाद न्ही कर सकदा, ना मौत तेरी स्तुति कर सकै सै;

जो कब्र म्ह पड़े वे तेरी सच्‍चाई की उम्मीद न्ही राख सकदे

19जिन्दा, हाँ जिन्दा ए तेरा धन्यवाद करै सै, जिसा मै आज करण लागरया सूं;

पिता तेरी सच्‍चाई की खबर बेट्टयाँ ताहीं देवै सै।

20यहोवा मेरा उद्धार करैगा, इस करकै हम जीवन भर यहोवा के भवन म्ह

तारआळे बाज्यां पै अपणे रचे होए गीत गान्दे रहवांगे।

21यशायाह नै राजा तै कह्या था, “अंजीर की एक टिकिया बणाकै हिजकिय्याह के फोड़े पै बाँधी जावै, फेर वो बचैगा।” 22हिजकिय्याह नै यशायाह तै पूछ्या था, “इसकी के निशान्‍नी सै के मै यहोवा के भवन म्ह फेर जाण पाऊँगा?”

Currently Selected:

यशायाह 38: BGC

Highlight

Copy

Compare