यशायाह 35
35
परमेसवर की महिमा दिखैगी
1जंगळ अर निर्जल देश खुश होवैंगे, बियाबान मगन होकै केसर की तरियां फूल्लैगा; 2वो भोत खुश होवैगा अर आनन्द कै गैल जयजयकार करैगा। उसकी शोभा लबानोन की पहाड़ियाँ जिसी होवैगी#35:2 लबानोन की शोभा या सजावट उसके देवदार दरखत थे। अर वो कर्मेल अर शारोन की तरियां तेजोमय हो जावैगा। वे यहोवा की शोभा अर म्हारे परमेसवर का तेज देक्खैगें।
परमेसवर कै जरिये बदलाव अर प्रतिफळ
3ढील्ले#35:3 ढील्ले इब्रा. 12:12 हाथां नै मजबूत करो अर थरथरान्दे होए घुटन्या नै स्थिर करो। 4घबराण आळयां तै कहो, “हिम्मत बाँधो, ना डरो! देक्खो, थारा परमेसवर बदला लेण अर प्रतिफळ देण खात्तर आण लागरया सै। हाँ, परमेसवर आकै थारा उद्धार करैगा।”
5फेर आंध्याँ की आँख खोल्ली जावैंगी अर बैहरयां के कान भी खोल्ले जावैंगे; 6फेर#35:6 फेर मत्ती 11:5; यशा. 41:17,18 लंगड़ा हिरण की जिसी चौकड़ी भरैगा अर गूँगे अपणी जीभ तै जयजयकार करैंगे। क्यूँके जंगळ म्ह पाणी के चोए फूट लिकड़ैंगे अर मरुभूमि म्ह नदी बहण लाग्गैंगी; 7मृगतृष्णा ताल बण जावैगी अर सूक्खी धरती म्ह चोवें फूट्टैंगे; अर जिस जगहां म्ह गाद्दड़ बैठ्ठै सैं उस म्ह घास अर नरकट अर सरकण्डे होवैंगें।
परमेसवर का पवित्र राजमार्ग
8ओड़ै एक सड़क यानिके राजमार्ग होगा, उसका नाम पवित्र राह होगा; कोए अशुद्ध जन उसपै तै ना चाल्लण पावैगा#35:8 कोए अशुद्ध जन उसपै तै ना चाल्लण पावैगा ओड़ै एक भी मूर्तिपूजक न्ही होवैगा, जो यहोवा का भगत न्ही उसनै ओड़ै आण ना दिया जावैगा।; वो तो उन्हे खात्तर रहवैगा अर उस राह पै जो चाल्लैगें वो चाहे मूर्ख भी हों तोभी कदे न्ही भटकैगा। 9ओड़ै शेर ना होगा और ना कोए हिंसक जन्तु उसपै ना चढैगा ना ओड़ै पाया जावैगा, पर छुड़ाए होए परमेसवर के लोग उसपै लगातार चाल्लैगें। 10अर#35:10 अर प्रका. 21:4 यहोवा के छुड़ाए होए माणस बोहड़कै जयजयकार करदे होए सिय्योन म्ह आवैंगे; अर उनके सिर पै सदा का आनन्द होगा; वे खुशी अर आनन्द पावैंगें अर शोक अर लाम्बी साँस का लेणा जान्दा रहवैगा।
Currently Selected:
यशायाह 35: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
