होशे 3

इस्राएल के परमेसवर की और बोहड़ना

1फेर यहोवा नै मेरे ताहीं कह्या, “इब जाकै एक इसी जनान्‍नी तै प्यार कर, जो व्यभिचारिणी होण पै भी अपणे प्यारे की प्यारी हो; क्यूँके उसे ढाळ फेर भी इस्राएली पराए देवत्यां की ओड़ फिरे, अर किशमिश की टिकिया तै प्यार राक्खैं सैं, फेर भी यहोवा उनतै प्यार राक्खै सै।”

2फेर मन्‍नै एक जनान्‍नी ताहीं चाँदी के पन्द्रह टुकड़े अर डेढ़ होमेर जौ देकै मोल लिया। 3मन्‍नै उसतै कह्या, “तू घणे दिन ताहीं मेरै खात्तर बैठी रहणा; अर ना तो ओछापण करणा, अर ना किसे माणस की जनान्‍नी होणा; अर मै भी तेरै खात्तर इसाए रहूँगा।” 4क्यूँके इस्राएली घणे दिन ताहीं बिना राजा, बिना हाकिम, बिना यज्ञ, बिना स्तम्भ, अर बिना एपोद या गृहदेवत्यां के बैठ्ठे रहवैगें। 5उसके बाद वे अपणे परमेसवर यहोवा अर अपणे राजा दाऊद नै फेर ढूँढ़ण लागैंगे#3:5 वे अपणे परमेसवर यहोवा अर अपणे राजा दाऊद नै फेर ढूँढ़ण लागैंगे इब्रानी म्ह इस शब्द ढूँढ़ण का मतलब सै कोशिश के गैल खोजणा जिस तरियां परमेसवर नै, यो धार्मिक खोज का बोध करवावै सै।, अर अन्त के दिनां म्ह यहोवा कै धोरै, अर उसकी बढ़िया चिज्जां कै खात्तर थरथरान्दे होए आवैंगे।

Currently Selected:

होशे 3: BGC

Highlight

Copy

Compare