हबक्कूक 2
2
हबक्कूक ताहीं परमेसवर का जवाब
1हबक्कूक नबी नै कह्या मै अपणे पहरे पै खड्या रहूँगा, अर गुम्मट पै चढ़कै ठहरया रहूँगा, अर देखदा रहूँगा के मेरे ताहीं यहोवा के कहवैगा? मै अपणे दिए होए उल्हाणे कै बारै म्ह के उत्तर दियुँ?#2:1 नबियाँ की तुलना अकसर देखभाळ करण आळयां तै करी जावै सै। यशा. 21:6-12; यिर्म. 6:17; यहे. 3:17; 33:7; मीका. 7:4
2फेर यहोवा नै मेरे ताहीं जवाब दिया, “दर्शन की बात लिखदे; बलके पटियाँ पै साफ-साफ लिखदे के भाजदे होए भी वे आसान्नी तै पढ़ी जावैं। 3क्यूँके इस दर्शन की बात सही बखत म्ह पूरी होण आळी सै#2:3 इस दर्शन की बात सही बखत म्ह पूरी होण आळी सै वर्तमान म्ह तो न्ही लेकिन बखत के अन्तराल म्ह विकसित होकै उस बखत होवैगी जो सिर्फ परमेसवर ए जाणै सै।, बलके इसके पूरे होण का बखत रफतार तै आवै सै; इस म्ह धोखा न्ही होवैगा। चाहे इस म्ह देर भी हो, फेर भी उसकी बाट देखदे रहणा; क्यूँके वो जरुर पूरी होवैगी अर उस म्ह देर न्ही होवैगी। 4देख, उसका मन फुल्या होया सै, उसका मन सीध्धा न्ही सै; फेर भी धर्मी अपणे बिश्वास के जरिये जिन्दा अर परमेसवर के खात्तर वफादार रहवैगा।#2:4 इब्रा. 10:37-38; 2 पत. 3:9; रोम. 1:17; गला. 3:11 5दाखमधु तै धोखा होवै सै; घमण्डी माणस घर म्ह न्ही रहन्दा, अर उसकी लालसा अधोलोक की तरियां पूरी न्ही होन्दी, अर मौत की तरियां उसका पेट न्ही भरदा। वो सारी जातियाँ नै अपणे धोरै खींच लेवै, अर सारे देशां के माणसां नै अपणे धोरै कठ्ठे करे राक्खै सै।”
दुष्ट का विनाश जरूरी
6के वे सारे उसका उदाहरण बताकै, अर उसपै तान्ना मारकै न्ही कहवैंगे “हाय उसपै जो पराया धन खोस खोसकै अमीर हो जावै सै? कद ताहीं? हाय उसपै जो अपणा घर बन्धक की चिज्जां तै भर लेवै सै!” 7जो तेरै तै कर्ज लेवै सैं, के वे माणस चाणचक न्ही उठैगें? अर के वे ना जागैंगे जो तन्नै संकट म्ह गेरैगें? 8अर के तू उनतै लूट्या न्ही जावैगा? तन्नै भोत सी जात्तां ताहीं लूट लिया सै, इस करकै सारे बचे होए माणस तेरे ताहीं भी लूट लेवैंगे। इसका कारण माणसां की हत्या सै, अर वो उड़दंग भी जो तन्नै इस देश अर राजधानी अर इसके सारे रहण आळयां पै करया सै।
9हाय उसपै, जो अपणे घर कै खात्तर अन्याय के फायदे का लोभ्भी सै ताके वो अपणा घोंसला ऊँच्ची जगहां म्ह बणाकै मुसीबत तै बचै। 10तन्नै भोत सी जात्तां ताहीं काटकै अपणे घर कै खात्तर शर्म की युक्ति बाँधी, अर अपणे ए प्राण का दोषी ठहरया सै। 11क्यूँके घर की दीवार का पत्थर दुहाई देवै सै, अर उसके छात की कड़ी उनके स्वर म्ह स्वर मिलाकै जवाब देवै सैं।
12हाय उसपै जो हत्या करकै नगर नै बणावै, अर कुटिलता करकै शहर नै मजबूत करै सै। 13देक्खो, के सेनाओं के यहोवा की और तै यो न्ही होन्दा के देश-देश के माणस मेहनत तो करै सैं पर वे आग का निवाळा होवैं सैं; अर राज्य-राज्य के माणसां की मेहनत बेकार ए ठहरै सै? 14क्यूँके धरती यहोवा की महिमा के ज्ञान तै इसी भर ज्यागी#2:14 धरती यहोवा की महिमा के ज्ञान तै इसी भर ज्यागी क्यूँके प्रभु की आत्मा तै धरती इसी भरगी अर भरण के कारण प्रभु की महिमा का ज्ञान पूरा होग्या जिसतै अज्ञानी अर अणपढ माणस बुद्धिमान अर बोल्लण म्ह माहिर होग्या। जिस तरियां समुन्दर पाणी तै भर ज्यावै सै।
15हाय उसपै, जो अपणे पड़ोसी नै शराब पिलावै, अर उस म्ह जहर मिलाकै उस ताहीं मतवाळा कर देवै सै के उसनै नंगा देक्खै। 16तू महिमा कै बदले बेजती ए तै भरग्या सै। तू भी पी, अर अपणे आप नै बिना खतना के साबित कर! जो कटोरा यहोवा के सोळे हाथ म्ह रहवै सै, वो घूमकै तेरी और भी जावैगा, अर तेरा वैभव तेरी उल्टी तै अशुद्ध हो जावैगा। 17क्यूँके लबानोन#2:17 बाबेल के माणसां नै लबानोन के जंगलां नै काट दिया अर धरती नै बंजर कर दिया। म्ह तेरा करया होया उड़दंग अर ओड़ै के जंगळी-पशुआं पै तेरा करया होया उत्पात, जिनतै वे डरगे थे, सिर्फ तेरे पैए आण पड़ैगें। यो माणसां की हत्या अर उस उत्पात के कारण होवैगा, जो इस देश अर राजधानी अर इसके सारे रहण आळयां पै करया गया सै।
18खुदी होई मूरत म्ह के फायदा देखकै#2:18 खुदी होई मूरत म्ह के फायदा देखकै यो मूर्तिपूजा की खास मूर्खता थी। उसकी रचना हस्तकार तै भी कम सै। यो मूर्तिपूजा का एक भ्रष्ट विचार सै के कलाकार अपणी ए रची होई चीज म्ह आस्था राक्खै। बणाण आळे नै उस ताहीं खोद्या सै? फेर झूठ सिखाण आळी अर ढळी होई मूरत म्ह के लाभ देखकै ढाळण आळे नै उसपै इतणा भरोस्सा राख्या सै के ना बोलण आळी अर निकम्मी मूरत बणावै?#2:18 भजन. 115:4-8; 135:15-18; यशा. 44:9-20; 46:6-7; यिर्म. 10:2-16 19हाय उसपै जो काठ तै कहवै सै, जाग, या अणबोल पत्थर#2:19 लाकड़ी अर पत्थर की मूरतां तै, उठ! के वो सिखावैगा? देक्खो, वो सोन्ने-चाँदी म्ह मढ़यां होया सै, लेकिन उस म्ह साँस न्ही सै।#2:19 1 कुरि. 12:2
20पर यहोवा अपणे पवित्र मन्दर म्ह सै; सारी पृथ्वी उसकै स्याम्ही शान्त रहवै।
Currently Selected:
हबक्कूक 2: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
