एज्रा 6

दारा राजा का हुकम

1फेर राजा दारा के हुकम तै बाबेल के पुस्तकालय म्ह जित्त सरकारी दस्तावेज अर खजान्‍ना भी धरया था, खोज करी गई। 2मादे नाम के प्रान्त के अहमता नगर के राजगढ़ म्ह एक किताब#6:2 किताब राज पत्र मिली, जिस म्ह यो जिक्र लिख्या था: 3“राजा कुस्रू के राज्य के पैहले साल म्ह उसे कुस्रू राजा नै यो हुकम दिया, के परमेसवर के भवन कै बारै जो यरुशलेम म्ह सै, यानिके वो भवन जिस म्ह बलिदान करे जावैं थे, वो बणाया जावै अर उसकी नींव मजबुत्ती तै धरी जावै, उसकी ऊँचाई अर चौड़ाई साठ-साठ हाथ की हो#6:3 एक हाथ की लम्बाई का एक माप था जो कोहणी तै बांह तक किसे आदमी की बांह की लम्बाई के लगभग बराबर था। यो लगभग 45 सेंटीमीटर या 18 इंच सै। साठ हाथ लगभग 90 फुट कै बराबर होवै सै; 4उस म्ह तीन रद्दे भारी-भारी पत्थरां के हों, अर एक परत नई लाकड़ी की हो; अर इनकी लागत सरकारी खजान्‍ना म्ह तै दी जावै। 5परमेसवर के भवन के जो सोन्‍ने अर चाँदी के बरतन नबूकदनेस्सर नै यरुशलेम के मन्दर म्ह तै लिकड़वा कै बाबेल म्ह पोंहचा दिए थे। वो बोहड़ा कै यरुशलेम के मन्दर म्ह अपणे-अपणे जगहां पै पोहचाये जावै, अर तू उननै परमेसवर के भवन म्ह धर दिए।”

6“इब हे फरात नदी के पार के अधिपति तत्तनै! हे शतर्बोजनै! थम अपणे सहयोगियां समेत फरात नदी के पश्चिम राज्य के पार के फारसियां समेत ओड़ै तै न्यारे रहो; 7परमेसवर के उस भवन के काम नै चाल्‍लु रहण द्यो; यहूदियाँ का अधिपति अर यहूदियाँ के अगुवे परमेसवर के उस भवन नै उसे की जगहां पै बणावै। 8बलके मै आज्ञा देऊँ सूं के थमनै यहूदियाँ के उन पुरनियां तै इसा बरताव करणा होवैगा, के परमेसवर का वो भवन बणाया जावै; यानिके राजा के धन म्ह तै, फरात नदी#6:8 फरात नदी फरात के पश्चिम के पार के कर म्ह तै, उन माणसां नै फुर्ती कै गैल खर्चा दिया जावै; इसा ना हो के उननै रुकणा पड़ै। 9के बाछड़े! के मिंढे! के मेम्‍ने! सुर्ग के परमेसवर के होमबलियाँ खात्तर जिस-जिस चीज की उननै जरूरत हो, अर जितना गेहूँ, नूण, दाखमधु अर जैतून का तेल यरुशलेम के याजक कहवै, वो सब उननै बिना भूल-चूक रोज दिया जावै, 10ज्यांतै के वे सुर्ग के परमेसवर नै सुखदायक सुगन्ध आळे बलि चढ़ाकै, राजा अर राजकुमारां की लाम्बी उम्र खात्तर प्रार्थना करया करैं। 11फेर मन्‍नै हुकम दिया सै, के जो यो हुकम टाळै, उसके घर म्ह तै कड़ी लिकाड़ी जावै, अर उसपै वो खुद चढ़ाकै जकड्या जावै, अर उसका घर इस अपराध के कारण मळबे का ढेर बणाया जावै। 12परमेसवर जिसनै ओड़ै अपणे नाम का निवास ठैहराया#6:12 परमेसवर जिसनै यरुशलेम नगर ताहीं अपणे नाम के सम्मान कै जगहां के रूप म्ह चुण्या सै सै, वो के राजा के प्रजा, उन सारया नै जो यो हुकम टाळण अर परमेसवर के भवन नै जो यरुशलेम म्ह सै नाश करण खात्तर हाथ बढ़ावै, वो नाश करया जावै। मै दारा यो हुकम दियुँ सूं के फुर्ती तै इसाए करियो।”

13फेर फरात नदी के पश्चिम के इस पार के अधिपति तत्तनै अर शतर्बोजनै अर उनके सहयोगियां नै दारा राजा के चिट्ठी भेजण कै कारण, उसे कै मुताबिक फुर्ती तै काम करियो। 14फेर यहूदी अगुवे, हाग्गै नबी अर इद्दो के पोत्ते जकर्याह के नबूवत करण तै मन्दर नै बणान्दे-बणान्दे, अर कामयाब भी होए अर उननै इस्राएल के परमेसवर के हुकम कै मुताबिक अर फारस के राजा कुस्रू, दारा अर अर्तक्षत्र के हुकमां कै मुताबिक बणान्दे-बणान्दे उस ताहीं पूरा कर लिया। 15इस तरियां वो भवन राजा दारा के राज के छठवें साल म्ह अदार महिन्‍ने के तीसरे दिन म्ह बण कै पूरा होया#6:15 अदार, जो फरवरी के अंत अर मार्च की शरुआत म्ह हिब्रू कैलेंडर का बारहवां महिन्‍ना सै।

16इस्राएली, यानिके याजक लेवीय अर जितने गुलाम्मी तै आए थे उननै परमेसवर के उस भवन का समर्पण आनन्द कै गैल करया। 17उस भवन कै आदर-मान म्ह उननै एक सौ बळध अर दो सौ मिंढे अर च्यार सौ मेम्‍ने अर फेर सारे इस्राएल कै बारै म्ह पापबलि करकै इस्राएल के गोत्रां की गिणती कै मुताबिक बाराह बकरे चढ़ाए। 18फेर जिसा मूसा की किताब#6:18 मूसा की किताब या नियम-कायदा की किताब भी कह्या जावै सै, हिब्रू शास्त्र की पैहली पाँच किताब जिन ताहीं आमतौर पै तोरा, कानून अर कानून की किताब कै रूप म्ह जाण्या जावै सै। म्ह लिख्या सै, उसे तरियां ए उननै परमेसवर की आराधना खात्तर जो यरुशलेम म्ह सै, बारी-बारी तै याजकां नै अर दल-दल के लेवियाँ ताहीं ठहरा दिया#6:18 निर्गमन 29; लेवी 8। 19फेर पैहले महिन्‍ने के चौदहवें दिन गुलाम्मी तै आए होए माणसां नै फसह का त्यौहार मान्या#6:19 फसह, जो मूसा के कानून (लैव्य. 23:5) म्ह ठीक बखत पै मनाया जावै था, पैहले महिन्‍ने का चौदहवाँ दिन, यानी नीसान नाम का बेबीलोन के महिन्‍ने का चौदहवाँ दिन। यो उत्सव 4 अप्रैल को साल 515 ई. पू.। 20क्यूँके याजकां नै अर लेवियाँ नै एक मन होकै, अपणे-अपणे ताहीं शुद्ध करया था; ज्यांतै वे सबके सब शुद्ध थे। उननै गुलाम्मी तै आए होए सारे माणसां अर अपणे भाई याजकां कै खात्तर अर अपणे-अपणे खात्तर फसह के पशुबलि करे#6:20 2 इतिहास. 30:17 और 35:10-11। 21फेर गुलाम्मी तै बोहड़े होए इस्राएली अर जितने और देश की गैरजात की मूर्तिपूजा तै ज्यांतै न्यारे होगे थे के इस्राएल के परमेसवर यहोवा की आराधना करैं, उन सारया नै भोजन करया। 22वे अखमीरी रोट्टी का त्यौहार#6:22 फसह के उत्सव के तुरंत बाद “अखमीरी रोट्टी का त्यौहार” मनाया गया। यो त्यौहार पन्द्रहवें दिन तै पैहले महिन्‍ने के इक्‍कीसवें दिन तक सात दिनां तक चाल्या, निर्गमन 12:15-20; लैव्य 23:6; गिनती 28:17; व्यवस्था 16:1-8 सात दिन ताहीं आनन्द कै गैल मनान्दे रहे; क्यूँके यहोवा नै उन ताहीं आनन्दित करया था, अर अश्शूर के राजा का मन उनकी और इसा फेर दिया के वो परमेसवर यानिके इस्राएल के परमेसवर के भवन कै काम म्ह उनकी मदद करै।

Currently Selected:

एज्रा 6: BGC

Highlight

Copy

Compare