सभोपदेशक 10

1मरी होई माक्खियां कै कारण गंधी के तेल म्ह तै सड़ण अर बदबू आण लाग्गै सै; अर थोड़ी सी बेकूफी बुद्धि अर मान-बड़ाई नै घटा दे सै। 2बुद्धिमान का मन सही बात की ओड़ लाग्या रहवै सै पर बेकूफ का मन उसके उल्ट रहवै सै। 3बल्के जिब बेकूफ राह पै चालै सै, तो उसकी समझ काम न्ही करदी, अर वो सारे तै कहवै सै, “मै बेकूफ सूं।”

4जै हाकिम का छो तेरे पै भड़कै, तो अपणी जगहां ना छोड़िए, क्यूँके धीरज धरण#10:4 धीरज धरण अगर तू चुप रहवै तो तेरे सारे पाप माफ जो ज्यांगे तै बड़े-बड़े पाप रुकै सै।

5एक बुराई सै जो मन्‍नै सूरज कै नीच्‍चै देक्खी, वो हाकिम की भूल तै होवै सै: 6यानी बेकूफ बड़ी मान-बड़ाई की जगहां म्ह ठहराए जावै सै, अर धनी माणस नीच्‍चै बैठ्ठै सै। 7मन्‍नै गुलामां ताहीं घोड़े पै चढ़े, अर साहूकारां ताहीं गुलामां की तरियां धरती पै चाल्दे होए देख्या सै।

8जो गड्डा खोदै वो उस म्ह पड़ैगा अर जो बाड़ा तोड़ैगा उसनै साँप डसैगा। 9जो पत्थर फोड़ै, वो उनतै घायल होवैगा, अर जो लाकड़ी काटै, उस नै उस्से तै डर होवैगा। 10जै कुहाड़ा खुन्डा हो अर माणस उसकी धार नै पैन्‍नी ना करै, तो घणी ताकत लगाणी पड़ैगी, पर कामयाब होण खात्तर बुद्धि तै फायदा होवै सै। 11जै मंत्र तै पैहल्या साँप डसै, तो मंत्र पढ़ण आळे नै कोए फायदा कोनी।

12बुद्धिमान के शब्द कै कारण अनुग्रह होवै सै, पर बेकूफ अपणे शब्दां के जरिये नाश होवै सै। 13उसकी बात की शरुआत बेकूफी की, अर उनका अन्त दुखदाई अर बावळापण होवै सै। 14बेकूफ भोत बात बढ़ाकै बोल्‍लै सै, फेर भी कोए माणस न्ही जाणदा के, के होवैगा, अर कौण बता सकै सै के उसकै बाद के होणआळा सै? 15बेकूफ नै मेहनत तै थकावट ए होवै सै, उरै तक के वो न्ही जाणदा के नगर म्ह किस तरियां जावै।

16हे देश! तेरे पै धिक्‍कार सै, जै तेरा राजा#10:16 राजा जब राजा एक दास सै अनुभव-हीन सै अर तेरे हाकिम सुबेरै खाणा खावै सै! 17हे देश, तू धन्य सै जै तेरा राजा कुलीन सै; अर तेरे हाकिम बखत पै खाणा खावै सै, अर वो भी मतवाळे होण ताहीं न्ही, बल्के ताकत बढ़ाण खात्तर!

18आळस कै कारण छात की कड़ी दब ज्यां सै, अर हाथ्थां की सुस्ती तै घर टपकै सै। 19खाणा हँसी-खुशी खात्तर खाया जावै सै, अर दाखमधु तै जिन्दगी नै आनन्द मिलै सै; अर रपियाँ तै सारा किमे मिलै सै। 20राजा नै मन म्ह भी श्राप न्ही दिये, अर ना धनवान ताहीं अपणी सोण की कोठड़ी म्ह श्राप दिये; क्यूँके कोए आसमान का पंछी तेरी बात नै ले जावैगा, अर कोए उड़ण आळा जन्तु उस बात नै उजागर कर देवैगा।

Currently Selected:

सभोपदेशक 10: BGC

Highlight

Copy

Compare