2 राजाओं 19
19
यशायाह के जरिये छुटकारै की भविष्यवाणी
1जिब हिजकिय्याह राजा नै यो सुण्या, फेर वो अपणे कपड़े पाड़, टाट ओढ़कै यहोवा के भवन म्ह गया। 2अर उसनै एलयाकीम ताहीं जो राजघरान्ने के काम पै था, अर शेबना मंत्री ताहीं, अर याजकां के पुरनियां ताहीं, जो सारे टाट ओढ़े होए थे, आमोस के बेट्टे यशायाह भविष्यवक्ता कै धोरै भेज दिया। 3उननै यशायाह तै कह्या, “राजा हिजकिय्याह न्यू कहवै सै, आज का दिन मुसीबत, अर भर्त्सना, अर निन्दा का दिन सै; बच्चयां के जन्म का बखत तो होया पर जच्चा म्ह जाम्मण का जोर ना रहया। 4कदे भी तेरा परमेसवर यहोवा रबशाके की सारी बात सुणै, जिस ताहीं उसके स्वामी अश्शूर के राजा नै जीवते परमेसवर की निन्दा करण नै भेज्या सै, अर जो बात तेरे परमेसवर यहोवा नै सुणी सैं उननै डाँटै; ज्यांतै तू इन बचे होया#19:4 इन बचे होया यहूदा राज्य के माणस जो गलील, गिलाद अर सामरिया के माणसां के गुलाम्मी म्ह जाण के बाद परमेसवर की बची होई प्रजा थी। कै खात्तर जो रह गए सैं प्रार्थना कर”
5जिब हिजकिय्याह राजा के कर्मचारी यशायाह कै धोरै आए, 6फेर यशायाह नै उनतै कह्या, “अपणे स्वामी तै कहो, ‘यहोवा न्यू कहवै सै, के जो वचन तन्नै सुणे सैं, जिनके द्वारा अश्शूर के राजा के जनां नै मेरी निन्दा करी सै, उनकै कारण ना डरै। 7सुण, मै उसके मन नै प्रेरित करुँगा, के वे किमे खबर सुणकै अपणे देश नै बोहड़ जावैं, अर मै उस ताहीं उस्से के देश म्ह तलवार तै मरवा दियुँगा।#19:7 यशायाह 37:8-20’” 8फेर रबशाके नै लौट कै अश्शूर के राजा ताहीं लिब्ना नगर तै युद्ध करदे पाया, क्यूँके उसनै सुण्या था के वो लाकीश कै धोरै तै उठ ग्या सै। 9जिब उसनै कूश के राजा तिर्हाका के बारै म्ह यो सुण्या, “वो मेरै तै लड़ण नै लिकड़या सै,” फेर उसनै हिजकिय्याह कै धोरै दूत्तां ताहीं यो कहकै भेज्या, 10“थम यहूदा के राजा हिजकिय्याह तै यो कहियो: ‘तेरा परमेसवर जिसका तू भरोस्सा करै सै, न्यू कहकै तन्नै धोक्खा ना देण पावै, के यरुशलेम अश्शूर के राजा कै वश म्ह न्ही पड़ैगा। 11देख, तन्नै तो सुण्या सै के अश्शूर के राजयां नै सारे देशां तै किसा बरताव करया सै अर उनका सत्यानाश कर दिया सै। फेर के तू बचैगा? 12गोजान अर हारान अर रेसेप अर तलस्सार म्ह रहणआळे एदेनी, जिन जात्तां ताहीं मेरे पुरखां नै नाश करया, के उन म्ह तै किसे जात के देवत्यां नै उस ताहीं बचा लिया? 13हमात का राजा, अर अर्पाद का राजा, अर सपर्वैम नगर का राजा, अर हेना अर इव्वा के राजा ये सारे कित्त रहे?’”
14इस चिट्ठी ताहीं हिजकिय्याह नै दूत्तां के हाथ तै लेकै पढ़या। फेर यहोवा के भवन म्ह जाकै उस ताहीं यहोवा कै स्याम्ही फैला दिया। 15अर यहोवा तै न्यू प्रार्थना करी, “हे इस्राएल के परमेसवर यहोवा! हे करूबां पै विराजण आळे! धरती के सारे राजयां कै उप्पर सिर्फ तू ए परमेसवर सै। अकास अर धरती तन्नै ए बणाए सै। 16हे यहोवा! कान लगाकै सुण, हे यहोवा आँख खोलकै देख, अर सन्हेरीब के वचनां नै सुण ले, जो उसनै जीवते परमेसवर की निन्दा करण नै सन्देसा भेज्या सैं। 17हे यहोवा, सच तो सै, के अश्शूर के राजयां नै जात्तां ताहीं अर उनके देशां ताहीं उजाड़या सै। 18अर उनके देवत्यां ताहीं आग म्ह झोक्या#19:18 आग म्ह झोक्या अश्शूरों का एक नियम था की जिन देशां नै वे जीत लेवै थे उनके मन्दरां तै वे देवत्यां की मूर्तियाँ ले जाकै अपणी वेदियाँ पै धरदे थे। सै, क्यूँके वे ईश्वर ना थे; वे माणसां के बणाए होए काठ अर पत्थर ए के थे; इस कारण वे उननै नाश कर सके। 19इस करकै इब हे म्हारे परमेसवर यहोवा तू हमनै उसके हाथ तै बचा, के धरती के राज्य-राज्य के माणस जाण लें के सिर्फ तू ए यहोवा सै।”#19:19 20फेर आमोस के बेट्टे यशायाह नै हिजकिय्याह कै धोरै यो सन्देसा भेज्या, “इस्राएल का परमेसवर यहोवा न्यू कहवै सै: जो प्रार्थना तन्नै अश्शूर के राजा सन्हेरीब कै बारै म्ह मेरे तै करी, उस ताहीं मन्नै सुण्या सै।” 21उसकै बारै म्ह यहोवा नै यो वचन कह्या सै,
“सिय्योन की कुवारी कन्या#19:21 यरुशलेम के माणस तन्नै तुच्छ जाणै
अर तन्नै मजाक म्ह उड़ावै सै,
यरुशलेम की बेट्टी, तेरे पै सिर हिलावै सै।”
22“तन्नै जो बदनामी अर निन्दा करी सै, वो किसकी करी सै?
अर तन्नै जो बड़ा बोल कह्या अर घमण्ड करया सै
वो किसकै खिलाफ करया सै?”
इस्राएल के पवित्र परमेसवर कै खिलाफ तन्नै करया सै!
23अपणे दूत्तां कै जरिये तन्नै प्रभु की निन्दा करकै कह्या सै,
के घणे से रथ लेकै मै पहाड़ां की चोटियां पै,
बलके लबानोन कै बीच तै चढ़ आया सूं,
अर मै उसके ऊँच्चे-ऊँच्चे देवदारुआं अर
आच्छे-आच्छे सनोवर नै काट गेरुगां;
अर उस म्ह जो सबतै ऊँच्ची टिकण की जगहां
होगी उस म्ह अर उसके बण की फळदाई
बारियां म्ह प्रवेश करुँगा।
24मन्नै तो खुदवाकै परदेस का पाणी पिया;
अर मिस्र की नहरां म्ह सिपाहियाँ के पैर धरदे ए उननै सूखा दियुँगा।
25के तन्नै न्ही सुण्या, के प्राचीनकाल तै मन्नै योए ठैहराया?
अर पिछले दिनां तै इसकी त्यारी करी थी,
उन ताहीं इब मन्नै पूरा भी करया सै,
के तू गढ़आळे नगरां नै खण्डहरे खण्डहर कर दे,
26इस कारण उनके रहण आळयां का बल घट ग्या;
वे बेबस अर लज्जित होए;
वे मैदान के छोटे-छोटे दरखतां अर हरी घास अर छात पै की घास,
अर इसे नाज कै बराबर होगे, जो बढ़ण तै पैहल्याए सूख जावै सै।
27“मै तो तेरा बैठ्या रहणा, अर चालणा,
अर लौट आणा जाणु सूं,
अर यो भी के तू मेरे पै अपणा छो भड़कावै सै।
28इस करकै के तू मेरे पै अपणा छो भड़कान्दा
अर तेरे अभिमान की बात मेरे कान्नां म्ह पड़ी सैं;
मै तेरी नाक म्ह अपणी नकेल डालकै
अर तेरे मुँह म्ह अपणी लगाम लगाकै,
जिस राह तै तू आया सै, उसे तै तन्नै बोहड़ा दियुँगा।”
29“अर तेरै खात्तर यो निशान होवैगा, के इस साल तो थम उसनै खाओगे जो अपणे आप तै उगै, अर दुसरे साल उसनै जो पैदा हो वो खाओगे; अर तीसरे साल बीज बोण अर उसनै काटण पाओगे, अर दाख के बाग लगाण अर उनका फळ खाण पाओगे। 30अर यहूदा के घरान्ने के बचे होए माणस फेर जड़ पकड़ैगें, अर फळैगें भी। 31क्यूँके यरुशलेम म्ह तै बचे होए अर सिय्योन पर्वत के भाज्जे होए माणस लिकड़ैगें। यहोवा यो काम अपणी जळण कै कारण करैगा।”
32“ज्यांतै यहोवा अश्शूर के राजा कै बारै म्ह यो कहवै सै के वो इस यरुशलेम नगर म्ह प्रवेश करण, बलके इसपै एक तीर भी मारण ना पावैगा, अर ना वो ढाल लेकै इसकै स्याम्ही आण, या इसकै खिलाफ दबदबा बणाण पावैगा। 33जिस राह तै वो आया, उसे तै वो बोहड़ भी जावैगा, अर इस नगर म्ह प्रवेश न्ही करण पावैगा, यहोवा की याए वाणी सै। 34अर मै अपणे बारै म्ह अर अपणे दास दाऊद कै करकै इस नगर की रक्षा करकै इसनै बचाऊँगा।#19:34 इस नगर की रक्षा करकै इसनै बचाऊँगा। इसा माणसां तै जो उसके सामर्थ्य नै साफ-साफ नकारै सैं, उनतै अपणे नगर की रक्षा करणा परमेसवर का आदर था।”
35उस्से रात म्ह के होया, के यहोवा के दूत नै लिकड़कै अश्शूरियां की छावणी म्ह एक लाख पचास्सी हजार माणसां ताहीं मारया, अर सुबेरै नै जिब माणस उठे, फेर देख्या, के शव ए शव पड़े सै। 36फेर अश्शूर का राजा सन्हेरीब चाल पड़या, अर लौट कै नीनवे म्ह रहण लाग्या। 37ओड़ै वो अपणे देवता निस्रोक के मन्दर म्ह दण्डवत कर रहया था, के अद्रम्मेलेक अर शरेसेर नै उस ताहीं तलवार तै मारया, अर अरारात देश म्ह भाजगे। फेर उसका बेट्टा एसर्हद्दोन उसकी जगहां पै राज करण लाग्या।
Currently Selected:
2 राजाओं 19: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
