2 इतिहास 3
3
मन्दर निर्माण
1फेर सुलैमान नै यरुशलेम म्ह मोरिय्याह नाम के पहाड़ पै उसे जगहां म्ह यहोवा का भवन बणाणा शरु करया, जिस ताहीं उसके पिता दाऊद नै दर्शन पाकै यबूसी ओर्नान के खलिहाण म्ह त्यार#3:1 खलिहाण म्ह त्यार प्रेरितों 7.47 करया था: 2उसनै अपणे राज्य के चौथे साल के दुसरे महिन्ने के#3:2 उसनै अपणे राज्य के चौथे साल के दुसरे महिन्ने के प्रेरितों 7.47, दुसरे#3:2 चौथे साल के दुसरे महिन्ने के, दुसरे दुसरे महिन्ने का नाम जिव धरया गया। यो यहूदी महीना अप्रैल कै बीच के आसपास शरु होया। दिन म्ह निर्माण कार्य शरु करया। 3परमेसवर का जो भवन सुलैमान नै बणाया, उसकी या नींव सै, यानिके उसकी लम्बाई तो प्राचीनकाल के नाप के मुताबिक साठ हाथ, अर उसकी चौड़ाई बीस हाथ की थी। 4भवन कै स्याम्ही के ओसारे की लम्बाई तो भवन की चौड़ाई कै बराबर बीस हाथ की; अर उसकी ऊँचाई एक सौ बीस हाथ की थी। सुलैमान नै उस ताहीं भित्तर तै शुद्ध सोन्ने तै मढ़वाया। 5भवन के खास हिस्से की छात उसनै सनोवर की लाकड़ी तै पटवाई, अर उसनै आच्छे सोन्ने तै मढ़वाया, अर उसपै खजूर के दरखत की अर साँकळां की नक्काशी कराई। 6फेर शोभा देण खात्तर उसनै भवन म्ह मणि जड़वाए। अर यो सोन्ना पर्वेम का था। 7उसनै भवन ताहीं, यानिके उसकी कड़ियाँ, डेवढ़ियां, दीवारां अर किवाड़ां ताहीं सोन्ने तै मढ़वाया, अर दीवारां पै करूब खुदवाए#3:7 दीवारां पै करूब खुदवाए करूब पंखां आळे जिवां की दो स्वर्ण प्रतिमा थी जो यहोवा की महिमा का प्रतीक थी अर उनकी मौजूदगी तै जुड़ी थी।।
परमपवित्र स्थान
8फेर उसनै भवन के परमपवित्र जगहां ताहीं बणाया; उसकी लम्बाई भवन की चौड़ाई कै बराबर बीस हाथ की थी, अर उसकी चौड़ाई बीस हाथ की थी; अर उसनै उस ताहीं छः सौ किक्कार शुद्ध सोन्ने तै मढ़वाया। 9सोन्ने की कील्लां का तौल पचास शेकेल था। उसनै अटारियाँ ताहीं भी सोन्ने तै मढ़वाया।
10फेर भवन के परमपवित्र स्थान म्ह उसनै नक्काशी के काम के दो करूब बणवाए अर वे सोन्ने तै मढ़वाए गए। 11करूबां के पंख तो सारे मिलकै बीस हाथ लाम्बे थे, यानिके एक करूब का एक पंख पाँच हाथ का अर भवन की दीवार ताहीं पोहच्या होया था; अर उसका दूसरा पंख पाँच हाथ का था अर दुसरे करूब के पंख तै मिल्या होया था। 12दुसरे करूब का भी एक पंख पाँच हाथ का अर भवन की दुसरी दीवार ताहीं पोहच्या था, अर दूसरा पंख पाँच हाथ का अर पैहले करूब के पंख तै सट्या होया था।
13इन करूबां के पंख बीस हाथ फैल्ले होए थे; अर वे अपणे-अपणे पाँयां के बळ खड़े थे, अर अपणा-अपणा मुँह भित्तर की और करे होए थे। 14फेर उसनै बीचआळे पड़दे ताहीं नीले, बैंगनी अर लाल रंग के सण के कपड़े का बणवाया, अर उसपै करूब कढ़वाए।
पीतळ के खम्भे
15भवन कै स्याम्ही उसनै पैंतीस-पैंतीस हाथ ऊँच्चे दो खम्भे बणवाए, अर जो कँगणी एक-एक के उप्पर थी वो पाँच-पाँच हाथ की थी। 16फेर उसनै भीत्तरी कोठड़ी म्ह साँकळ बणवाकै खम्भ्यां के उप्पर लगाई, अर एक सौ अनार भी बणाकै साँकलां पै लटकाए। 17उसनै इन खम्भ्यां ताहीं मन्दर के स्याम्ही, एक तो उसकी दाहिनी और अर दूसरा बाई और खड्या कराया; अर दाएँ खम्भे का नाम याकीन अर बाएँ खम्भे का नाम बोअज#3:17 याकीन अर बाएँ खम्भे का नाम बोअज याकीन का मतलब सै परमेसवर स्थापित करै सै, बोअज का मतलब सै परमेसवर म्ह शक्ति सै। धरया।
Currently Selected:
2 इतिहास 3: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
