2 इतिहास 23
23
अतल्याह की हार
1सातवें साल म्ह यहोयादा याजक नै हियाव बाँधकै यरोहाम के बेट्टे अजर्याह, यहोहानान के बेट्टे इश्माएल, ओबेद के बेट्टे अजर्याह, अदायाह के बेट्टे मासेयाह अर जिक्री के बेट्टे एलीशापात, इन शतपतियाँ तै करार करया। 2फेर वे यहूदा म्ह घूमकै यहूदा के सारे नगरां म्ह तै लेवियाँ नै अर इस्राएल के पितरां के घरान्यां के खास-खास माणसां नै कठ्ठा करकै यरुशलेम नै ले आए। 3उस सारी मण्डळी नै परमेसवर के भवन म्ह राजा कै गैल करार करया, अर यहोयादा नै उनतै कह्या, “सुणो, यो राजकुमार राज करैगा जिस तरियां के यहोवा नै दाऊद के वंश कै बारै म्ह कह्या सै। 4तो थम एक काम करो: यानिके थम याजकां अर लेवियाँ की एक तिहाई माणस जो विश्रामदिन नै आणआळे हो, वे द्वारपाली करैं, 5एक तिहाई माणस राजभवन म्ह रहवैं, अर एक तिहाई माणस नींव के फाटक कै धोरै रहवैं; अर सारे माणस यहोवा के भवन के आँगण म्ह रहवै। 6पर याजकां अर सेवा टहल करण आळे लेवियाँ नै छोड़ और कोए यहोवा के भवन कै भित्तर ना आण पावै; वे तो भित्तर आवैं, क्यूँके वे पवित्र सैं पर बाकी सारे माणस यहोवा के भवन की चौकसी करैं।#23:6 भवन की चौकसी करैं। बाल के उपासकां के जरिये मन्दर के परिसर म्ह दाखल होण की कोशिश नै रोक्कण खात्तर। 7लेवीय माणस अपणे-अपणे हाथ म्ह हथियार लिये होए राजा कै च्यांरु और रहवैं अर जो कोए भवन कै भित्तर आवै, वो मार गेरया जावै। अर थम राजा कै आन्दे-जान्दे उसकै गैल रहियो।”
8यहोयादा याजक के इन सारे हुकम कै मुताबिक लेवियाँ अर सारे यहूदियाँ नै करया। उननै आराम आळे दिन म्ह आणआळे अर आराम आळे दिन म्ह जाण आळे दोन्नु दलां के, अपणे-अपणे माणसां ताहीं अपणे गैल कर लिया, क्यूँके यहोयादा याजक नै किसे दल के लेवियाँ ताहीं बिदा ना करया था। 9फेर यहोयादा याजक नै शतपतियाँ ताहीं राजा दाऊद के बर्छे अर भाले अर ढालें जो परमेसवर कै भवन म्ह थी, दे दी। 10फेर उसनै उन सारे माणसां ताहीं अपणे-अपणे हाथ म्ह हथियार लिये होए भवन के दक्षिणी कोणे तै लेकै, उत्तरी कोणे ताहीं वेदी अर भवन कै धोरै राजा के च्यांरु और उसकी आड़ करकै खड्या कर दिया। 11फेर उननै राजकुमार योआश ताहीं बाहर ल्याकै, उसकै सिर पै मुकुट धरया अर साक्षीपत्र देकै उस ताहीं राजा बणाया; अर यहोयादा अर उसके बेट्यां नै उसका अभिषेक करया, अर माणस बोल उठे, राजा जिन्दा रहवै।
12जिब अतल्याह नै उन माणसां का हल्ला, जो भाजदे अर राजा नै सराहवै थे सुणाई पड्या, फेर वा माणसां कै धोरै यहोवा कै भवन म्ह गई। 13अतल्याह नै के देख्या, के नया राजा द्वार कै धोरै#23:13 द्वार कै धोरै परमपवित्र स्थान के खास कक्ष से प्रवेश के निकट। खम्भे कै धोरै खड्या सै, अर राजा कै धोरै प्रधान अर तुरही बजाण आळे खड़े सैं, अर सारे माणस आनन्द करण लागरे सैं अर तुरहियाँ बजाण लागरे सैं अर गाण-बजाण आळे बाजे बजावैं अर स्तुति करै सैं। फेर अतल्याह अपणे कपड़े पाड़कै रुक्के मारण लाग्गी, राजद्रोह, राजद्रोह! 14फेर यहोयादा याजक नै दल के अधिकारी शतपतियाँ ताहीं बाहर ल्याकै उनतै कह्या, “अतल्याह ताहीं अपणी कतारां कै बीच तै लिकाड़ ले जाओ; अर जो कोए उसकै पाच्छै चाल्लै, वो तलवार तै मार दिया जावै।” याजक नै कह्या, “उसनै यहोवा के भवन म्ह ना मारणा।” 15फेर उननै दोन्नु और तै उस ताहीं जगहां दी, अर वा राजभवन के घोड़ा फाटक के द्वार ताहीं गई, अर ओड़ै उननै उस ताहीं मार दिया।
यहोयादा के सुधार
16फेर यहोयादा नै अपणे अर सारी प्रजा के अर राजा के बीच यहोवा की प्रजा होण का करार करवाया। 17फेर सारे माणसां नै बाल के भवन ताहीं जाकै गेर दिया; अर उसकी वेदियाँ अर मूरतां ताहीं टुकड़े-टुकड़े करया, अर मत्तान नाम के बाल के याजक ताहीं वेदियाँ कै स्याम्ही ए मार दिया। 18फेर यहोयादा नै यहोवा के भवन की सेवा खात्तर उन लेवीय याजकां#23:18 लेवीय याजकां यो कार्य सिर्फ पुरोहितां का था की होमबलि चढ़ाएँ (गिण. 18:1-7) अर भजन एवं संगीत के जरिये परमेसवर की स्तुति का उत्तरदायित्व सिर्फ लेवियाँ का था। (1 इति. 23:5; 1 इति. 28:1-7) ताहीं ठहरा दिया, जिन ताहीं दाऊद नै यहोवा के भवन पै दल-दल करकै ज्यांतै ठैहराया था, के जिस तरियां मूसा के नियम-कायदे म्ह लिख्या सै, उस्से तरियां वे यहोवा नै होमबलि चढ़ाया करैं, अर दाऊद के चलाए होए नियम कै मुताबिक आनन्द करैं अर गावैं#23:18 1 इतिहास. 28:13, 2 इतिहास. 17:9। 19यहोयादा यहोवा के भवन के फाटकां पै द्वारपालां ताहीं ज्यांतै खड्या करया, के जो किस्से रीति तै अशुद्ध हो, वो भित्तर जाण ना पावै। 20वो शतपतियाँ अर रईसां अर प्रजा पै प्रभुता करण आळयां अर देश के सारे माणसां नै गैल करकै राजा नै यहोवा के भवन तै नीच्चै लेग्या अर ऊँच्चे फाटक तै होकै राजभवन म्ह आया, अर राजा ताहीं राजगद्दी पै बिठाया। 21फेर सारे माणस आनन्दित होए अर यरुशलेम नगर म्ह शान्ति होई। अतल्याह तो तलवार तै मार ए दी गई थी।
Currently Selected:
2 इतिहास 23: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
