2 इतिहास 16
16
अराम कै गैल आसाप का समझौता
1आसा के राज्य के छत्तीसवें साल म्ह इस्राएल के राजा बाशा नै यहूदा पै चढ़ाई करी अर रामाह नगर ताहीं ज्यांतै मजबूत करया, के यहूदा के राजा आसा कै धोरै कोए आण-जाण ना पावै। 2फेर आसा नै यहोवा के भवन अर राजभवन के भण्डारां म्ह तै चाँदी-सोन्ना लिकाड़ दमिश्क#16:2 दमिश्क सीरिया की राजधानी थी के बासिंदे अराम के राजा बेन्हदद कै धोरै दूत भेजकै न्यू कह्या, 3“जिस तरियां मेरे तेरे पिता के बीच उस्से तरियां मेरे अर तेरे बीच भी करार करया जावै; देख मै तेरै धोरै चाँदी-सोन्ना भेज्जू सूं, ज्यांतै आ, इस्राएल के राजा बाशा कै गैल के अपणे करार नै तोड़दे, ताके वो मेरे तै दूर हो।” 4बेन्हदद नै राजा आसा की या बात मानकै, अपणे दलां के प्रधानां तै इस्राएली नगरां पै चढ़ाई करवा कै इय्योन, दान, आबेल्मैम#16:4 आबेल्मैम यो एक इसा नगर था जो उत्तर तै आक्रमण करणीये के खात्तर सबतै उजागर था। अर नप्ताली गोत्र के सारे भण्डार आळे नगरां ताहीं जीत लिया। 5या सुणकै बाशा नै रामाह ताहीं मजबूत करणा छोड़ दिया, अर अपणा वो काम बन्द करा दिया। 6फेर राजा आसा नै पूरे यहूदा देश ताहीं गैल लिया अर रामाह के पत्थरां अर लाकड़ी ताहीं, जिनतै बाशा काम करै था, ठा लेग्या, अर उनतै उसनै गेबा, अर मिस्पा के नगर ताहीं मजबूत करया।
हनानी का सन्देस
7उस बखत हनानी दर्शी यहूदा के राजा आसा कै धोरै जाकै कहण लाग्या, “तन्नै जो अपणे परमेसवर यहोवा पै भरोस्सा न्ही राख्या बल्के अराम के राजा ए पै भरोस्सा राख्या सै, इस कारण अराम के राजा की सेना तेरे हाथ तै बचगी सै। 8के कूशियाँ अर लूबियाँ की सेना बड़ी ना थी, अर के उस म्ह भोत-से रथ, अर सवार ना थे? फेर भी तन्नै यहोवा पै भरोस्सा राख्या था, इस कारण उसनै उन ताहीं तेरे हाथ म्ह कर दिया। 9देख, यहोवा की नजर सारी धरती पै ज्यांतै फिरदी रहवै सै के जिनका मन उसकी और बेकसूर रहवै सै, उनकी मदद म्ह वो अपणी सामर्थ्य दिखावै। तन्नै यो काम बेकूफी तै करया सै, ज्यांतै इब तै तू लड़ाईयाँ म्ह फँस्या रहवैगा#16:9 इब तै तू लड़ाईयाँ म्ह फँस्या रहवैगा आसा के शरुआत्ती बिश्वास का प्रतिफळ शान्ति थी (2 इतिहास 4:5; 2 इतिहास. 15:5) परन्तु इब उसके बिश्वास की कमी का नतिज्जा युद्ध अर अशान्ति का दण्ड होवैगा।।” 10फेर आसा दर्शी पै छो म्ह होया अर उस ताहीं काठ म्ह जड़वा दिया, क्यूँके वो उसकी इसी बात कै कारण उसपै छो म्ह था। अर उसे बखत तै आसा प्रजा के कुछ माणसां पै अत्याचार भी करण लाग्या।
आसा की मौत
11शरु तै लेकै अन्त ताहीं आसा के काम यहूदा अर इस्राएल के राजयां के वृत्तान्त म्ह लिखे सैं। 12अपणे राज्य के उनताळीसवें साल म्ह आसा कै पैर का रोग होया, अर वो रोग घणा बढ़ ग्या, फेर भी उसनै रोगी होकै यहोवा की न्ही वैद्यां ए की शरण ली।#16:12 फेर भी उसनै रोगी होकै यहोवा की न्ही वैद्यां ए की शरण ली। बाशा के साथ युद्ध के समय ही न्ही बीमारी की हालत म्ह भी आसा नै माणस की मदद पर बेकार म्ह निर्भरता दर्शाई थी। 13अन्त म्ह आसा अपणे राज्य के इकताळीसवें साल म्ह मरकै अपणे पुरखां कै गैल जा मिल्या। 14फेर उसनै उसे की कब्र म्ह जो उसनै दाऊदपुर म्ह खुदवा ली थी, माट्टी दी गई; अर वो सुगन्ध-द्रव्यां अर गंधी के काम के न्यारे-न्यारे ढाळ के मसाल्यां तै भरे होए एक बिछोणे पै लिटा दिया गया, अर भोत सा सुगन्ध-द्रव्य उसकै खात्तर जळाया गया#16:14 1 राजा 15:24।
Currently Selected:
2 इतिहास 16: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
