1 इतिहास 9
9
यरुशलेम म्ह रहण आळयां का इन्तजाम
1इस तरियां सारे इस्राएली अपणी-अपणी वंशावली कै मुताबिक, जो इस्राएल के राजयां के वृत्तान्त की किताब म्ह लिक्खे सैं, गिणे गए। अर यहूदी अपणे बिश्वासघात कै कारण बन्दी बणाकै बाबेल नै पोहचाये गए। 2गुलामी तै बोहड़कै जो माणस अपणी-अपणी खुद की धरती यानिके अपणे नगरां म्ह रहवैं थे#9:2 अपणी-अपणी खुद की धरती यानिके अपणे नगरां म्ह रहवैं थे बन्धुआई तै बोहड़ण आळे पवित्र देश के पैहले निवासी ये चार कुणब्यां म्ह गिणे गए इस्राएली, पुरोहित, लेवी अर आराधनालय के सेवक।, वो इस्राएली, याजक, लेवीय अर आराधनालय के सेवक थे। 3यरुशलेम म्ह कुछ यहूदी; कुछ बिन्यामीन, अर कुछ एप्रैमी, अर मनश्शेई, रहवैं थे 4यानिके यहूदा के बेट्टे पेरेस के वंश म्ह तै अम्मीहूद का बेट्टा ऊतै, जो ओम्री का बेट्टा, अर इम्री का पोत्ता, अर बानी का पड़पोत्ता था। 5अर शीलोईयां म्ह तै उसका जेठ्ठा बेट्टा असायाह अर उसके बेट्टे। 6जेरह के वंश म्ह तै यूएल, अर इनके भाई, ये छः सौ नब्बे होए। 7फेर बिन्यामीन के वंश म्ह तै सल्लू जो मशुल्लाम का बेट्टा, होदव्याह का पोत्ता, अर हस्सनूआ का पड़पोत्ता था। 8अर यिब्रिय्याह जो यरोहाम का बेट्टा था, अर एला जो उज्जी का बेट्टा, अर मिक्री का पोत्ता था, अर मशुल्लाम जो शपत्याह का बेट्टा, रूएल का पोत्ता, अर यिब्निय्याह का पड़पोत्ता था; 9अर इनके भाई जो अपणी-अपणी वंशावली कै मुताबिक मिलकै नौ सौ छप्पन। ये सारे माणस अपणे-अपणे पितरां के घरान्यां कै मुताबिक पितरां के घरान्यां म्ह खास थे।
यरुशलेम के बासिंदे याजक
10याजकां म्ह तै यदायाह, यहोयारीब अर याकीन#9:10 यदायाह, यहोयारीब अर याकीन ये नाम माणसां के न्ही पुरोहितीय परिवारां के सैं।, 11अर अजर्याह जो परमेसवर के भवन का प्रधान अर हिल्किय्याह का बेट्टा था, यो मशुल्लाम का बेट्टा, यो सादोक का बेट्टा, यो मरायोत का बेट्टा, यो अहीतूब का बेट्टा था;
12अर अदायाह जो यरोहाम का बेट्टा था, यो पशहूर का बेट्टा, यो मल्किय्याह का बेट्टा, यो मासै का बेट्टा, यो अदीएल का बेट्टा, यो जेरा का बेट्टा, यो मशुल्लाम का बेट्टा, यो मशिल्लीत का बेट्टा, यो इम्मेर का बेट्टा था; 13अर इनके भाई थे जो अपणे-अपणे पितरां के घरान्यां म्ह सत्रह सौ साठ खास आदमी थे, वे परमेसवर के भवन की सेवा के काम म्ह घणे होशियार माणस थे। 14फेर लेवियाँ म्ह तै मरारी के वंश म्ह तै शमायाह जो हश्शूब का बेट्टा, अज्रीकाम का पोत्ता, अर हशब्याह का पड़पोत्ता था; 15अर बकबक्कर, हेरेश अर गालाल अर आसाप के वंश म्ह तै मत्तन्याह जो मीका का बेट्टा, अर जिक्री का पोत्ता था; 16अर ओबद्याह जो शमायाह का बेट्टा, गालाल का पोत्ता अर यदूतून का पड़पोत्ता था: अर बेरेक्याह जो आसा का बेट्टा, अर एल्काना का पोत्ता था, जो नतोपाइयां के गाम्मां म्ह रहवै था।
लेवी जो द्वारपाल थे
17द्वारपालां म्ह तै अपणे-अपणे भाईयाँ समेत शल्लूम, अक्कूब, तल्मोन अर अहीमन, इन म्ह तै खास तो शल्लूम था। 18अर वो इब ताहीं पूर्व की और राजा के फाटक कै धोरै द्वारपाली करया करै था। लेवियाँ की छावणी के द्वारपाल येए थे। 19अर शल्लूम जो कोरे का बेट्टा, एब्यासाप का पोत्ता, अर कोरह का पड़पोत्ता था, अर उसके भाई जो उसके मूलपुरुष के घरान्ने के यानिके कोरही थे, वो इस काम के अधिकारी थे के वे तम्बू के द्वारपाल हों। उनके पुरखा तो यहोवा की छावणी के अधिकारी, अर प्रवेश-द्वार के रखवाळे थे। 20पुराणे बखत म्ह एलीआजर का बेट्टा पीनहास, जिसकै गैल यहोवा रहया करै था, वो उनका प्रधान था। 21मशेलेम्याह का बेट्टा जकर्याह मिलापआळे तम्बू का द्वारपाल था। 22ये सारे जो द्वारपाल होण नै चुणे गए, वो दो सौ बारहा थे। ये जिनके पुरखां ताहीं दाऊद अर शमूएल दर्शी नै बिश्वासयोग्य जाणकै ठैहराया था, वो अपणे-अपणे गाम म्ह अपणी-अपणी वंशावली कै मुताबिक गिणे गए। 23आखर वे अर उनकी सन्तान यहोवा के भवन यानिके तम्बू के भवन के फाटकां का हक बारी-बारी राक्खैं थे। 24द्वारपाल पूर्व, पश्चिम, उत्तर, दक्षिण, च्यांरु दिशा की और पैहरा देवैं थे। 25अर उनके भाई जो गाम्मां म्ह रहवैं थे, उन ताहीं सात-सात दिन के बाद बारी-बारी तै उनकै गैल रहण कै खात्तर आणा पड़ै था। 26क्यूँके च्यांरु प्रधान द्वारपाल जो लेवीय थे, वे बिश्वासयोग्य जाणकै परमेसवर के भवन की कोठड़ियाँ अर भण्डारां के अधिकारी ठहराए गए थे। 27वे परमेसवर के भवन कै आस्सै-पास्सै ज्यांतै रात बितावै थे के उसकी हिफाजत उननै सौंपी गई थी, अर हर रोज सबेरै नै उस ताहीं खोलणा उनका काम था।
लेवियाँ की और जिम्मेदारी
28उन म्ह तै किमे उपासना के बरतनां के अधिकारी थे, क्यूँके ये बरतन गिणकै भित्तर पोहचावै, अर गिणकै बाहर लिकाड़े भी जावैं थे। 29अर उन म्ह तै किमे सामान के, अर पवित्र जगहां के बरतनां के, अर मैद्दे, दाखमधु, तेल, लोबान अर सुगन्ध-द्रव्यां के अधिकारी ठहराए गए थे। 30याजकां के बेट्टयाँ म्ह तै किमे सुगन्ध-द्रव्यां के मिश्रण त्यार करण का काम करैं थे। 31अर मत्तित्याह नाम का एक लेवीय जो कोरही शल्लूम का जेठ्ठा था उसे बिश्वासयोग्य जाणकै तव्यां पै बणाई होई चिज्जां का अधिकारी नियुक्त करया था। 32उसके भाईयाँ यानिके कहातियाँ म्ह तै किमे तो भेंट आळी रोट्टी के अधिकारी थे, के हर एक विश्रामदिन नै उस ताहीं त्यार करया करैं।
33ये गवैये थे जो लेवीय पितरां के घरान्यां म्ह खास थे, अर आराधनालय म्ह रहवै, अर और सेवा के काम तै छूटे थे; क्यूँके वे रात-दिन अपणे काम म्ह लाग्गे रहवैं थे। 34येए अपणी-अपणी पीढ़ी म्ह लेवियाँ के पितरां के घरान्यां म्ह खास आदमी थे, ये यरुशलेम म्ह रहवैं थे।
शाऊल राजा की वंशावली
35गिबोन म्ह गिबोन का पिता यीएल रहया करै था, जिसकी घरआळी का नाम माका था। 36उसका जेठ्ठा बेट्टा अब्दोन होया, फेर सूर, कीश, बाल, नेर, नादाब, 37गदोर, अह्यो, जकर्याह अर मिक्लोत; 38अर मिक्लोत तै शिमाम पैदा होया अर ये भी अपणे भाईयाँ कै स्याम्ही अपणे भाईयाँ कै गैल यरुशलेम म्ह रहवैं थे। 39नेर तै कीश, कीश तै शाऊल, अर शाऊल तै योनातान, मल्कीशूअ, अबीनादाब अर एशबाल पैदा होए। 40अर योनातान का बेट्टा मरीब्बाल होया, अर मरीब्बाल तै मीका पैदा होया। 41मीका के बेट्टे पीतोन, मेलेक, तह्रे अर आहाज; 42अर आहाज, तै यारा, अर यारा तै आलेमेत, अज्मावेत अर जिम्री, अर जिम्री तै मोसा, 43अर मोसा तै बिना पैदा होया अर बिना का बेट्टा रपायाह होया, रपायाह का एलासा, अर एलासा का बेट्टा आसेल होया। 44अर आसेल के छः बेट्टे होए जिनके ये नाम थे, यानिके अज्रीकाम, बोकरू, इश्माएल, शरायाह, ओबद्याह अर हानान; आसेल के येए बेट्टे होए।
Currently Selected:
1 इतिहास 9: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
