1 इतिहास 7
7
इस्साकार की वंशावली
1इस्साकार के बेट्टे: तोला, पूआ, याशूब अर शिम्रोन, च्यार थे। 2अर तोला के बेट्टे: उज्जी, रपायाह, यरीएल, यहमै, यिबसाम अर शमूएल, ये अपणे-अपणे पितरां के घरान्यां यानिके तोला की सन्तान के खास आदमी अर बड़े वीर थे, अर दाऊद के दिनां म्ह उनके वंश की गिणती बाईस हजार छः सौ थी। 3अर उज्जी का बेट्टा: यिज्रह्याह, अर यिज्रह्याह के बेट्टे मीकाएल, ओबद्याह, योएल अर यिश्शिय्याह पाँच थे; ये सारे खास आदमी थे; 4अर उनकै गैल उनकी वंशावलियाँ अर पितरां के घरान्यां के मुताबिक सेना के दलां के छत्तीस हजार योद्धा थे; क्यूँके उनकी भोत सी जनानियाँ अर बेट्टे थे। 5अर उनके भाई जो इस्साकार के सारे कुलां म्ह तै थे, वे सत्तासी हजार बड़े वीर थे, जो अपणी-अपणी वंशावली कै मुताबिक गिणे गए।
बिन्यामीन अर नप्ताली की वंशावली
6बिन्यामीन के बेट्टे: बेला, बेकेर अर यदीएल ये तीन थे। 7बेला के बेट्टे: एसबोन, उज्जी, उज्जीएल, यरीमोत अर ईरी ये पाँच थे। ये अपणे-अपणे पितरां के घरान्यां के खास आदमी अर बड़े वीर थे, अर अपणी-अपणी वंशावली कै मुताबिक उनकी गिणती बाईस हजार चौंतीस थी। 8अर बेकेर के बेट्टे: जमीरा, योआश, एलीएजेर, एल्योएनै, ओम्री, यरेमोत, अबिय्याह, अनातोत अर आलेमेत ये सारे बेकेर के बेट्टे थे। 9ये जो अपणे-अपणे पितरां के घरान्यां के खास आदमी अर बड़े वीर थे, इनके वंश की गिणती अपणी-अपणी वंशावली कै मुताबिक बीस हजार दो सौ थी। 10अर यदीएल का बेट्टा बिल्हान, अर बिल्हान के बेट्टे, यूश, बिन्यामीन, एहूद, कनाना, जेतान, तर्शीश अर अहीशहर थे। 11ये सारे जो यदीएल की सन्तान अर अपणे-अपणे पितरां के घरान्यां म्ह खास आदमी अर बड़े वीर थे, इनका वंश तै सेना म्ह युद्ध करण के लायक सत्रह हजार दो सौ माणस थे। 12अर ईर के बेट्टे शुप्पीम अर हुप्पीम अर शिकार के बेट्टे हूशीम थे। 13नप्ताली के बेट्टे, यहसीएल, गूनी, येसेर अर शल्लूम थे, ये बिल्हा के पोत्ते थे।
मनश्शे के वंशज (पश्चिम म्ह बसे)
14मनश्शे के बेट्टे: अस्रीएल जो उसकी अरामी रखैल जनान्नी तै पैदा होया था; अर उस अरामी जनान्नी नै गिलाद के पिता माकीर तै भी जन्म दिया। 15अर माकीर (जिसकी भाण का नाम माका था) उसनै हुप्पीम अर शुप्पीम कै खात्तर जनान्नी ब्याह ली, अर दुसरे का नाम सलोफाद था, अर सलोफाद के बेटियाँ होई। 16फेर माकीर की जनान्नी माका कै एक बेट्टा पैदा होया अर उसका नाम पेरेश धरया; अर उसके भाई का नाम शेरेश था; अर इसके बेट्टे ऊलाम अर राकेम थे। 17अर ऊलाम का बेट्टा: बदान। ये गिलाद की सन्तान थे जो माकीर का बेट्टा अर मनश्शे का पोत्ता था। 18फेर उसकी भाण हम्मोलेकेत नै ईशहोद, अबीएजेर#7:18 अबीएजेर उसके वंशज मनश्शे की अति महत्त्वपूर्ण डाली होए। उन्हे म्ह तै गिदोन जिसा महानतम् न्यायी होया। अर महला तै जन्म दिया। 19शमीदा के बेट्टे अह्यान, शेकेम, लिखी अर अनीआम थे।
एप्रैम के वंशज
20एप्रैम के बेट्टे शूतेलह अर शूतेलह का बेरेद, बेरेद का तहत, तहत का एलादा, एलादा का तहत; 21तहत का जाबाद अर जाबाद का बेट्टा शूतेलह होया, अर एजेर अर एलाद भी जिननै गत के माणसां तै जो उस देश म्ह पैदा होए थे ज्यांतै घात करया, के वे उनके पशु चुराण नै उतर आए थे। 22सो उनका पिता एप्रैम उनकै खात्तर घणे दिन शोक करदा रहया, अर उसके भाई उसनै शान्ति देण ताहीं आए। 23अर वो अपणी घरआळी कै धोरै गया, अर उसनै गर्भवती होकै एक बेट्टे तै जन्म दिया अर एप्रैम नै उसका नाम इस कारण बरीआ धरया, के उसके घरान्ने म्ह विपति पड़ी थी। 24उसकी बेट्टी शेरा थी, जिसनै निचले अर उप्पर आळे दोन्नु बेथोरोन नाम के नगरां ताहीं अर उज्जेनशेरा ताहीं मजबूत कराया। 25उसका बेट्टा रेपा था, अर रेशेप भी, अर उसका बेट्टा तेलह, तेलह का तहन, तहन का लादान, 26लादान का अम्मीहूद, अम्मीहूद का एलीशामा, 27एलीशामा का नून, अर नून का बेट्टा यहोशू था। 28उनकी अपणी धरती अर बस्ती गाम समेत बेतेल अर पूर्व की और नारान अर पश्चिम की और गाम समेत गेजेर, फेर गाम समेत शेकेम, अर गाम समेत अय्या थी; 29अर मनश्शेइयां की हद कै धोरै अपणे-अपणे गामां समेत बेतशान, तानाक, मगिद्दो अर दोर। इन म्ह इस्राएल के बेट्टे यूसुफ की सन्तान के माणस रहवैं थे।
आशेर के वंशज
30आशेर के बेट्टे: यिम्ना, यिश्वा, यिश्वी अर बरीआ, अर उनकी भाण सेरह होई। 31अर बरीआ के बेट्टे: हेबेर अर मल्कीएल अर यो बिर्जोत का पिता होया। 32हेबेर नै यपलेत, शोमेर, होताम अर उनकी भाण शूआ ताहीं जन्म दिया। 33अर यपलेत के बेट्टे पासक बिम्हाल अर अश्वात। यपलेत के येए बेट्टे थे। 34शेमेर के बेट्टे: अही, रोहगा, यहुब्बा अर अराम। 35उसके भाई हेलेम के बेट्टे सोपह, यिम्ना, शेलेश अर आमाल। 36सोपह के बेट्टे, सूह, हर्नेपेर, शूआल, बेरी, इम्रा। 37बेसेर, होद, शम्मा, शिलसा, यित्रान अर बेरा। 38येतेर के बेट्टे: यपुन्ने, पिस्पा अर अरा। 39उल्ला के बेट्टे: आरह, हन्नीएल अर रिस्या। 40ये सारे आशेर के वंश म्ह होए, अर अपणे-अपणे पितरां के घरान्यां म्ह खास आदमी अर बड़े तै बड़े वीर थे अर प्रधानां म्ह खास थे। ये जो अपणी-अपणी वंशावली कै मुताबिक सेना म्ह युद्ध करण कै खात्तर गिणे गए, इनकी गिणती छब्बीस हजार थी।
Currently Selected:
1 इतिहास 7: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
