1 इतिहास 29

मन्दर निर्माण खात्तर भेंट

1फेर राजा दाऊद नै सारी सभा तै कह्या, “मेरा बेट्टा सुलैमान सुकुमार छोरा सै, अर केवल उसे ताहीं परमेसवर नै चुण्या सै; काम तो भारी सै, क्यूँके यो भवन माणस कै खात्तर न्ही, पर यहोवा परमेसवर कै खात्तर बणैगा। 2मन्‍नै तो अपणी शक्ति भर, अपणे परमेसवर कै भवन के निमित्त सोन्‍ने की चिज्जां कै खात्तर सोन्‍ना, चाँदी की चिज्जां कै खात्तर चाँदी, पीतळ की चिज्जां कै खात्तर पीतळ, लोहे की चिज्जां कै खात्तर लोहा, अर लाकड़ी की चिज्जां कै खात्तर लाकड़ी, अर सुलैमानी पत्थर, अर जड़ण कै लायक मणि, अर पच्‍चीकारी के काम कै खात्तर अलग-अलग रंगां के नग, अर सारे तरियां के मणि अर भोत सा संगमरमर कठ्ठा करया सै। 3फेर मेरा मन अपणे परमेसवर कै भवन म्ह लाग्या सै, इस कारण जो कुछ मन्‍नै पवित्र भवन कै खात्तर कठ्ठा करया सै, उस सबतै ज्यादा मै अपणा निज धन#29:3 निज धन वो इस दान की सरेआम घोषणा करै सै के जनता भी प्रोत्साहित होकै देवै। भी जो सोन्‍ना-चाँदी के रूप म्ह मेरै धोरै सै, अपणे परमेसवर के भवन कै खात्तर दे देऊँ सूं। 4यानिके तीन हजार किक्‍कार ओपीर का सोन्‍ना, अर सात हजार किक्‍कार तपाई होई चाँदी#29:4 तीन हजार किक्‍कार ओपीर का सोन्‍ना, अर सात हजार किक्‍कार तपाई होई चाँदी सौ टन ओपीर सोन्‍ना अर लगभग 240 टन शुद्ध चाँदी, जिसतै कोठरियां की भींत मढ़ी जावै। 5अर सोन्‍ने की चिज्जां कै खात्तर सोन्‍ना, अर चाँदी की चिज्जां कै खात्तर चाँदी, अर कारीगरां तै बणाण आळे सारे ढाळ के काम कै खात्तर मै उस ताहीं देऊँ सूं। अर कौण अपणी इच्छा तै यहोवा कै खात्तर अपणे आप ताहीं अर्पण कर देवै सै#29:5 अर्पण कर देवै सै यहोवा की सेवा म्ह सर्वांग समर्पण। इन शब्दां जरिये जनता तै खुद की इच्छा दान का आग्रह करया गया सै।?”

6फेर पितरां के घरान्यां के प्रधानां अर इस्राएल के गोत्रां के हाकिमां अर सहस्‍त्रपतियाँ अर शतपतियाँ अर राजा कै काम के अधिकारियां नै अपणी-अपणी इच्छा तै, 7परमेसवर के भवन के काम कै खात्तर पाँच हजार किक्‍कार अर दस हजार दर्कमोन सोन्‍ना, दस हजार किक्‍कार चाँदी, अठारह हजार किक्‍कार पीतळ, अर एक लाख किक्‍कार लोहा दे दिया#29:7 170 टन तै घणा सोन्‍ना, 340 टन तै घणा चाँदी, लगभग 620 टन कांस्य अर 3,400 टन तै घणा लोहा।। 8अर जिनकै धोरै मणि थे, उननै उन ताहीं यहोवा के भवन के खजाने कै खात्तर गेर्शोनी यहीएल के हाथ म्ह दे दिया। 9फेर प्रजा के माणस आनन्दित होए, क्यूँके हाकिमां नै खुश होकै खरे मन अर अपणी-अपणी इच्छा तै यहोवा कै खात्तर भेंट दी थी; अर दाऊद राजा घणाए आनन्दित होया।

दाऊद कै जरिये परमेसवर का धन्यवाद

10फेर दाऊद नै सारी सभा के स्याम्ही यहोवा का धन्यवाद करया, अर दाऊद नै कह्या, “हे यहोवा! हे म्हारे मूलपुरुष इस्राएल के परमेसवर! अनादिकाल तै अनन्त काल तक तू धन्य सै। 11हे यहोवा! महिमा, पराक्रम, शोभा, सामर्थ्य अर वैभव, तेराए सै; क्यूँके अकास अर पृथ्वी म्ह जो कुछ सै, वो तेराए सै; हे यहोवा! राज्य तेरा सै, अर तू सब कै उप्पर खास अर महान ठहरया सै#29:11 प्रकाशितवाक्य 5:12-13 । 12धन अर महिमा तेरी और तै मिलै सैं, अर तू सारया कै उप्पर प्रभुता करया करै सैं। सामर्थ्य अर पराक्रम तेरे ए हाथ म्ह सैं, अर सारे माणसां ताहीं बढ़ाणा अर बल देणा तेरे हाथ म्ह सै। 13इस करकै इब हे म्हारे परमेसवर! हम तेरा धन्यवाद अर तेरे महिमायुक्‍त नाम की स्तुति करां सां।”

14“मै के सूं अर मेरी प्रजा के सै? के हमनै इस तरियां तै अपणी इच्छा तै तेरे ताहीं भेंट देण की शक्ति मिलै? तेरे तै तो सारा किमे मिलै सै, अर हमनै तेरै हाथ तै पाकै तेरे तै दिया सै। 15तेरी निगांह म्ह हम तो अपणे सारे पुरखाओं कै बराबर पराए अर परदेशी सैं; धरती पै म्हारे दिन छां की तरियां बीत जावैं सैं, अर म्हारा किमे ठिकाणा न्ही#29:15 इब्रानियों। 11:13, भजन संहिता 39:12, 114:4। 16हे म्हारे परमेसवर यहोवा! वो जो बड़ा संचय हमनै तेरे पवित्र नाम का एक भवन बणाण कै खात्तर करया सै, वो तेरे ए हाथ तै हमनै मिल्या था, अर सारा तेराए सै। 17अर हे मेरे परमेसवर! मै जाणु सूं के तू मन नै जाँच्‍चै सै अर सिधाई तै खुश रहवै सै; मन्‍नै तो यो सारा किमे मन की सिधाई अर अपणी इच्छा तै दिया सै; अर इब मन्‍नै आनन्द तै देख्या सै, के तेरी प्रजा के माणस जो उरै उपस्थित सैं, वो अपणी इच्छा तै तेरै खात्तर भेंट देवै सैं। 18हे यहोवा! हे म्हारे पुरखा अब्राहम, इसहाक अर इस्राएल के परमेसवर! अपणी प्रजा के मन के विचारां म्ह या बात बणाए राख अर उनके मन अपणी और लगाऐ राख#29:18 सहजता अर खुद की इच्छा तै दान देण कै खात्तर उनकी आत्मा नै बणाए राख अर उनके मन अपणे म्ह स्थिर राख।। 19अर मेरे बेट्टे सुलैमान का मन इसा खरा कर दे के वो तेरे हुकमां, चितौनियाँ अर विधियाँ नै मानदा रहवै अर यो सारा किमे करे, अर उस भवन नै बणावै, जिसकी त्यारी मन्‍नै करी सै।”

20फेर दाऊद नै सारी सभा तै कह्या, “थम अपणे परमेसवर यहोवा का धन्यवाद करो।” फेर सभा के सारे माणसां नै अपणे पितरां के परमेसवर यहोवा का धन्यवाद करया, अर अपणा-अपणा सिर झुकाकै यहोवा तै अर राजा ताहीं दण्डवत करया।

सुलैमान का राज्याभिषेक

21अर दुसरे दिन उननै यहोवा कै खात्तर बलिदान करे, यानिके अर्घां समेत एक हजार बळध, एक हजार मिंढे अर एक हजार भेड़ के बच्‍चे होमबलि करकै चढ़ाए, अर सारे इस्राएल कै खात्तर घणे सारे मेलबलि चढ़ाए। 22उसे दिन यहोवा कै स्याम्ही उननै बड़े आनन्द तै खाया अर पिया।

फेर उननै दाऊद के बेट्टे सुलैमान ताहीं दुसरी बार राजा ठहराकै यहोवा की और तै प्रधान होण कै खात्तर उसका अर याजक होण कै खात्तर सादोक का अभिषेक करया। 23फेर सुलैमान अपणे पिता दाऊद की जगहां पै राजा होकै यहोवा के सिंहासन पै विराजण लाग्या अर समृद्ध होया, अर इस्राएल उसकै अधीन होया। 24अर सारे हाकिमां अर शूरवीरां अर राजा दाऊद के सारे बेट्टयाँ नै सुलैमान राजा की अधीनता अंगीकार करी। 25अर यहोवा नै सुलैमान ताहीं सारे इस्राएल के देखदे घणाए बढ़ाया, अर उसतै इसा राजकीय ऐश्‍वर्य दिया, जिसा उसतै पैहले इस्राएल के किसे राजा का ना होया था।

दाऊद की मौत

26इस तरियां यिशै के बेट्टे दाऊद नै सारे इस्राएल कै उप्पर राज करया। 27अर उसके इस्राएल पै राज करण का समय चाळीस साल का था; उसनै सात साल तो हेब्रोन म्ह अर तैंतीस साल यरुशलेम म्ह राज करया। 28अर वो पूरे बुढ़ापे की अवस्था म्ह लम्बी उम्र का होकै अर धन अर वैभव, मन मान्या भोग कै मर ग्या; अर उसका बेट्टा सुलैमान उसकी जगहां पै राजा होया। 29आदि तै अन्त ताहीं राजा दाऊद के सारे काम्मां का वृत्तान्त, 30अर उसके सारे राज्य अर पराक्रम का, अर उसपै अर इस्राएल पै, बलके देश-देश दे सारे राज्याँ पै जो किमे बीत्या, इसका भी वृत्तान्त शमूएल दर्शी अर नातान नबी अर गाद दर्शी#29:30 शमूएल दर्शी अर नातान नबी अर गाद दर्शी किसे-किसे अनुवाद म्ह गाद साफ-साफ शमूएल का पद उच्‍चतर उपाधि का सै जो सिर्फ उसे अर हनानी तै दिया गया था। की किताबां म्ह लिख्या होया सै।

Currently Selected:

1 इतिहास 29: BGC

Highlight

Copy

Compare