Zakaariyaasi Gimo
Gimo
Zakaariyaasi keemoon keemooch bi giyito, Haagi keemooch bi giyiti gutte agenoyee gubbiye; ebiyoo K.sh.a. 520 natoobane.
Zakaariyaasi batti batti bi macaafoochaa, Yeerichi yaafee kexon wochinnoon hagooch giyiti asheenaꞌo, Yeeri bi keemechinaꞌona boonoshich bi gettiibeeti wochoon elleree boonoshi waayemmoyich gettiye. Yeerichi nalloo andoo boonoshi toommooch bi kindi beetaachemmoyich, Yeerina tookki ikkotteree boonoshi beeyemmoyichoo gettiye.
Batti batti qechoochaa bi gettiti wochee hillooch gibenoon kuxx bedditi, yaafee kexon haggiibeeti asheenaꞌon goggiyemmi yaaꞌeenaꞌo beetinaꞌone. Zakaariyaasi Yeeri Israꞌeeleenaꞌoyich gaminoona gabito bi tunoon getona boonoshin kupphiihe.
Haaree shabaattoonaa shimittoonoochaa, Zakaariyaasi, asheenaꞌo Yeerich deꞌa boonoshi gettemmoyich gettiye; ebiyoo tate mooyon tuniyoonaa boonoshinaa boonoshina ariqqeyoonane. Yeeri biinna tookkii boonoshich beeti ikkittinee daggooch, biich boonoshi deꞌa gettemmoyich qaawii beetone.
Haaree yiixiyoochee aaraa awuddooch beddaahaa beeto woyemmi Masihichon#1:0 Masihi geto, “Huutteto” getone., ciireexi nalleechonaa gubbi Israꞌeelee taatittino gaminnichonon gettii beetone.
Inde Moochi Sheqqo
Asheenaꞌo bi waan boonoshi wottemmoyich Yeeri ceego (1:1-6)
Baribare yaaꞌeenaꞌo (1:7–6:15)
Yeerich deꞌa getonaa sheeroon quyecho baach tunoona (7:1–8:23)
Israꞌeeleenaꞌochi etteenaꞌo toommooch kindemmi nalloo (9:1-8)
Tsiyoonichi taatoo womo (9:9–14:21)
Currently Selected:
Zakaariyaasi Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.