Zakaariyaasi 2
2
Zakaariyaasi Yaaꞌoona Qeellee Woderoon Beego
1Bare yaaꞌoona kaama ciinnaꞌa, qeellee woderoon bi kishooch yechiti uroon beeggeho. 2Tawoo “Amoochiye ne hammaabeeto?” iyaa biin echo.
Biyoo “Yerusaalemin qeelliyane ta hammaabeeto; qeelleree bi gidoonaa bi maacoona ambicho gaata beeggane” iꞌi taach wochiye.
3Taanna tookkii yibbaateebeeti maraakoo aaf qaxirimmona, bare maraakoo biinna daneya waahe. 4Biichoo ishichiye: “Woci hamiree qeellee woderoon yechiti ebi gurimaashoyich, ‘Bi daggooch beeti ashoonaa gijjoonochi meetoochee tiyitona Yerusaalemi uxeraalli katemoon tunemmine’ gete! 5Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.
Keccetinaꞌo Boonoshi Showooch Boonoshi Wottemmoyich Ceekko
6Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.
7“Baabloonee showooch beeti keceenaꞌote, Yerusaalem wottebote. 8Ittoshi achooch shaggimmo ta aafee aachoon#2:8 Hibiree Yaafe Macaafo “Bi aafee aachoon” ii beetone. kochite getone” iye.
Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye: 9“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye.
Ebi tunehooba, Beshe Mawe Doono Yeeri, taan wocheto tunoon ariyemmo ittoshine.
10Doono Yeeri ishichiye: “Yerusaalemi asheenaꞌote, ta, waaree ittoshi daggooch beeyemmo ta tunetoyich shoddebote; emirishoo getote” iye.
11Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine. 12Doono Yeeriyoo yaafeeti showoochaa Yihudin bi hajjoon tuniyemmone. Yerusaalemin wochinnoon kaaccemmone. 13Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.
Currently Selected:
Zakaariyaasi 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
