Ruuti Gimo
Gimo
Hini macaafo shigeto, wodde bi mooyo kooreeti Ruuti shigoonane. Bi kooreetoo, taatoo Daawiti yemeenooba tunoon qayaache. Daawitichi qaabbechinaꞌo haddoo hini macaafee ciiroochaa kooreetone. Ruutiyoo Daawiti qaabbechi nihoo Boꞌaazi mecheene.
Ruuti Macaafo bi gettiibeeto, Kanaanee showooch giyiti shaacee naboona Israꞌeelee showoochee tiyii Moꞌabee showooch hammiti, ikke kechi asheenaꞌo mooyoniye. Aroochaa Naꞌoomi kenoonaa gutte bi anaami bushiishoona qitiyeete. Biyoo bi gutte naamecheenaꞌo Ruutinaa Orifina tookkaa echahan. Naꞌoomi Israꞌeelee showooch wotte hamma bi tiyehooba, Ruutiyoo biinna tookki hamma ceeni mulloona tiyetine. Israꞌeelee showooch tookkii boonoshi wottetoyee gubb, Naꞌoomi kenoyich katini xiboo tuneti Boꞌaazi boonoshin gaachemmone iꞌi gabiyeete. Ciiroochaa Boꞌaazi Ruutin shaaggiye. Daawiti taatee yaroonaa Masihi#1:0 Masihi geto, “Huutteto” getone. tuneti Yesuus Kiristoosina shiijjeto, ebi Boꞌaazinaa Ruutinochi yaroocheeniye.
Hini macaafo shunoochee tiyitona bi qelloon immichon wodde mooyon nooch dojjii beetone. Wotta Yeeri qemi qemona nooch qaawiibeeti mooyon immiibeeto, ashoon wodiyoyich bi gabiti gaboonoo ceechiibeeto bi tunoon nooch dojjii beetone.
Inde Moochi Sheqqo
Naꞌoomi Israꞌeelee showoochee Moꞌabee showooch bi hamonaa bi wottoona (1:1-22)
Ruutin Israꞌeeleenaꞌo naadoo (2:1–3:18)
Boꞌaazi Ruutin shaagonaa anaami bushoon boonoshi shimona (4:1-22)
Currently Selected:
Ruuti Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.