Haddoo 33
33
Israꞌeeleenaꞌo Koteti Xaaꞌeenaꞌo
1Israꞌeeleenaꞌo Muusinaa Haroonina boonoshin yaabaa Gibitsee kechii boonoshi yoodi yoodoona boonoshi qaxirii beehooba, boonoshi koteti xaaꞌeenaꞌo eboshine. 2Muusiyoo qaxiree toommooch boonoshi beehooba boonoshi koteti xaaꞌeenaꞌon Doono Yeerichi getoona kooriye. Kaamboon geddii boonoshi koteti xaaꞌoochee tiyii qaxiriibee boonoshi hammiti gommo ebine:
3Batti batti agenee aaraa uuchinnee qemooba Ramisesee tiyiyeete. Beshee Baaree decharooba Israꞌeeleenaꞌo Gibitseenaꞌo ciinnii beetaa, aafee kupphoona kechiyeete. 4Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.
5Israꞌeeleenaꞌo Ramisesee tiyii qaxiriꞌi, Sukoot kaamboon geddii koteheete.
6Sukootee tiyii qaxiriꞌi barahee gashooch beeti Etaam koteheete.
7Etaamee tiyii qaxiriꞌi Baꞌaal Tsefooni ciinooch beeti Fihahirooti wotteꞌi Migidooli ciinooch koteheete.
8Fihahirootee tiyii qaxiriꞌi baharee daggoona beshee barahooch hammiyeete. Aroochee Etaami barahoona keejje qemon qaxiriꞌi Maara koteheete.
9Maaree tiyii qaxiriꞌi Eliim waaheete. Eliim aaraa gutte aachi xuuphoonaa shabe yeebbee mixona beetone. Ebi aroochoo koteheete.
10Eliimee tiyii qaxiriꞌi, Ceelle baharee gashooch koteheete.
11Ceelle baharee gashoochee tiyii qaxiriꞌi, Sini barahooch koteheete.
12Sini barahoochee tiyii qaxiriꞌi, Dofiqaaha koteheete.
13Dofiqaahee tiyii qaxiriꞌi, Aluush koteheete.
14Aluushee tiyii qaxiriꞌi, ucheyemmi aaco aalleti Refidiim koteheete.
15Refidiimee tiyii qaxiriꞌi, Siini barahooch koteheete.
16Siini barahoochee tiyii qaxiriꞌi, Qibiroot Hataawa koteheete.
17Qibiroot Hataawee tiyii qaxiriꞌi, Hatseroot koteheete.
18Hatserootee tiyii qaxiriꞌi, Ritimaaha koteheete.
19Ritimaahee tiyii qaxiriꞌi, Rimoon Ferets koteheete.
20Rimoon Feretsee tiyii qaxiriꞌi, Libina koteheete.
21Libinee tiyii qaxiriꞌi, Risaaha koteheete.
22Risaahee tiyii qaxiriꞌi, Qehilaata koteheete.
23Qehilaatee tiyii qaxiriꞌi, Shefeeri guudooch koteheete.
24Shefeeri guudoochee tiyii qaxiriꞌi, Haraada koteheete.
25Haraadee tiyii qaxiriꞌi, Makiheloot koteheete.
26Makihelootee tiyii qaxiriꞌi, Tahaat koteheete.
27Tahaatee tiyii qaxiriꞌi, Taara koteheete.
28Taaree tiyii qaxiriꞌi, Mitikaah koteheete.
29Mitikaahee tiyii qaxiriꞌi, Hashimona koteheete.
30Hashimonee tiyii qaxiriꞌi, Moseroot koteheete.
31Moserootee tiyii qaxiriꞌi, Bene Yaqaan#33:31 Ebi geto, Yaqaanee asheenaꞌochi aachi oppo getone. koteheete.
32Bene Yaqaanee tiyii qaxiriꞌi, Hoor Hagidigaad koteheete.
33Hoor Hagidigaadee tiyii qaxiriꞌi, Yoxibaat koteheete.
34Yoxibaatee tiyii qaxiriꞌi, Abiron koteheete.
35Abironee tiyii qaxiriꞌi, Etsiyoon Geber koteheete.
36Etsiyoon Geberee tiyii qaxiriꞌi, Tsiini barahooch koteheete. Ebiyoo Qadeeshine.
37Qadeeshee tiyii qaxiriꞌi Edoomee showee daarooch beeti Hoori guudooch koteheete. 38Qeeshoo Harooni Doono Yeerichi getoona Hoori guudooch kechiye. Israꞌeeleenaꞌo Gibitsee kechiti aabbinnee natooba, uuchinnee agenee ikkinnee qemooba aroochaa qitiye.#Had. 20:22-28; Yibba. 10:6; 32:50 39Harooni Hoori guudi toommoochaa bi qitiyooba bi eeno balli hiyaa keejje natone.
40Kanaanee showooch Negeeb waan koteti Araadi katemee taatoo Israꞌeeleenaꞌo womon waayehe.#Had. 21:1
41Boonoshiyoo Hoori guudoochee tiyii qaxiriꞌi, Tsalimonaah koteheete.
42Tsalimonaahee tiyii qaxiriꞌi, Funoon koteheete.
43Funoonee tiyii qaxiriꞌi, Oboot koteheete.
44Obootee tiyii qaxiriꞌi, Moꞌabee showee daarooch beeti Iye Abaariim koteheete.
45Iyimee tiyii qaxiriꞌi, Diiboon Gaad koteheete.
46Diiboon Gaadee tiyii qaxiriꞌi, Almoon Dibilatayim koteheete.
47Almoon Dibilatayimee tiyii qaxiriꞌi, Neebi ciinooch beeti Abariimi guudooch koteheete.
48Abariimi guudoochee tiyii qaxiriꞌi, Yoordaanoosi aachi gashooch, Yaariki katemee ciinooch beeti Moꞌabi gaddooch koteheete.
49Yoordaanoosi aachi gashooch, Moꞌabi gaddooch, Beet Yeshimootee tiijjiꞌi Abeel Shixiim beddaahaa beeti xaaꞌooch koteheete.
Yoordaanoosin Kimoyee Shiichiꞌi, Israꞌeeleenaꞌoyich Icheti Doyoo
50Aroochee Doono Yeeri Muusich Yoordaanoosi aachi gashooch, Yaariki katemee ciinooch beeti Moꞌabi gaddoochaa ishichiye: 51“Israꞌeeleenaꞌoyich ishichibe: ‘Kanaanee showooch gimoyich Yoordaanoosin ittoshi kimigaata, 52arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine. 53Showoon ittoshich iristo tuniyaa ta immetoyich woraashi arooch kotebote. 54Showoon ittoshi gumbi gumb ixoona qoodeebote. Meeti ashechi yoodoyich wodde iristoon imbote. Giisheche ashechi yoodoyichoo giisheche iristoon imbote. Ikke ashich ixoo keyigaata, aroo bi iristo tunemmone. Ittoshi qaabbechinaꞌochi yoodi yoodoona woraashemmo ittoshine.#Had. 26:54-56 55Are showeexi asheenaꞌon ittoshi aafoochee yooho ittoshi qayigaata, ebi ittoshi echiiti asheenaꞌo ittoshi aafoyich michi shelloon, ittoshi naaboyichoo angixon tunemminaꞌone. Ittoshi beeyemmi showoochaa ittoshin duꞌiyemminaꞌone. 56Tawoo boonoshi toommooch tuniiya ta gabiton ittoshi toommooch tuniyemmo taane’ gete” iye.
Currently Selected:
Haddoo 33: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
